ཀྲུང་ཀོའི་པར་ལེན་མཐུན་ཚོགས་ཀྱི་རྒྱལ་ཡོངས་འཐུས་མིའི་ཚོགས་ཆེན་ཐེངས་བརྒྱད་པ་པེ་ཅིན་ནས་བསྡུས་པ་དང་། ཀྲུང་གོའི་པར་ལེན་མཐུན་ཚོགས་ཀྱི་ཏང་ཙུའུ་ཧྲུའུ་ཅི། སྐབས་བདུན་པའི་ཀྲུའུ་ཞི་གཞོན་པ། ཞོར་དུ་དྲུང་ཡིག་ཆེན་མོའི་འགན་གཅིག་ལྕོགས་སུ་ཁུར་བའི་བང་ཡོ་ཡིས་ཚོགས་མགོ་རྩོམ་པའི་ཞུ་ཚིག་ཕུལ།

   ཚེས་དགུ་ཉིན། ཀྲུང་གོའི་པར་ལེན་མཐུན་ཚོགས་ཀྱི་རྒྱལ་ཡོངས་འཐུས་མིའི་ཚོགས་ཆེན་ཐེངས་བརྒྱད་པ་པེ་ཅིན་ཡན་ཝང་ཐོག་ཁང་མགྲོན་ཁང་ནས་གཟབ་རྒྱས་ངང་ཚོགས།

  རྒྱལ་ཡོངས་སྲིད་གྲོས་གྱི་ཀྲུའུ་ཞི་གཞོན་པ་དང་། ཀྲུང་གོའི་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་སུང་ཅ་ཀྲིན་ཚོགས་འདུར་ཞུགས་ཤིང་།  ཀྲུང་དབྱང་དྲིལ་སྒྲོག་པུའུ་ཡི་རྒྱུན་ལས་པུའུ་ཀྲང་གཞོན་པ་ལའོ་ཧྲོ་ཀང་གིས་ཀྲུང་ཀུང་ཀྲུང་དབྱང་ཆབ་སྲིད་ཅུའི་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི། ཀྲུང་དབྱང་དྲིལ་སྒྲོག་པུའུ་ཡི་པུའུ་ཀྲང་ལིག་ཆི་པའོ་ཡིས་ཚོགས་འདུར་ཞུགས་པའི་འཐུས་མི་ཡོངས་དང་རྒྱལ་ཡོངས་ཀྱི་པར་ལེན་བྱ་བ་སྒྲུབ་མཁན་རྣམས་ལ་ལྷག་བསམ་གྱིས་འཚམས་འདྲི་དང་གཏམ་བཤད་གནང་བ་བརྒྱུད་སྒྲོག་བྱས །  རྒྱལ་ཡོངས་ཀྱི་ཞིང་ཆེན་དང་། རང་སྐྱོང་ལྗོངས། ཐད་གཏོགས་གྲོང་ཁྱེར་དང་ཞིན་ཅང་ཐོན་སྐྱེད་འཛུགས་སྐྲུན་དམག་ཚོགས།  བཅིངས་གྲོལ་དམག  ཀྲུང་དབྱང་ཐད་གཏོགས་ལས་ཁུངས་དང་ཞང་ཀང་དམིགས་བསལ་སྲིད་འཛིན་ས་ཁུལ། ཨོ་མིན་དམིགས་བསལ་སྲིད་འཛིན་ས་ཁུལ་དང་ཐེ་ཝན་ས་ཁུལ་བཅས་ཀྱི་འཐུས་མི་སུམ་བརྒྱ་དང་ཉེར་གསུམ་གྲོས་ཚོགས་ལ་ཞུགས།