ཕྱི་འབྲེལ་པུའུ་ཡིས་ཚེས་བཅུ་ཉིན་ཏའོ་ཡུས་ཐེ་རྒྱལ་མགྲོན་ཁང་ནས་ཀྲུང་གོར་སྡོད་པའི་རྒྱལ་ཁབ་སོ་སོའི་གཞུང་ཚབ་ཆེན་མོ་དང་ཀྲུང་གོར་སྡོད་པའི་རྒྱལ་སྤྱིའི་རྩ་འཛུགས་ཀྱི་འཐུས་མི་རྣམས་མཉམ་གཅིག་ཏུ་བསྡུས་ཏེ་ཉིས་སྟོང་བཅུ་གསུམ་ལོའི་ལོ་སར་གྱི་སྣེ་ལེན་ཚོགས་འདུ་བསྡུས།

རྒྱལ་སྲིད་ཨུ་ཡོན་ཏེ་པེན་གོ་དང་འབྲེལ་ཡོད་སྡེ་ཁག་གི་འགན་འཁུར་པ། རྒྱལ་ཁབ་ཕྱི་ནང་གི་སྐུ་མགྲོན་བཞི་བརྒྱ་ལྷག་ཚོགས་འདུར་ཞུགས།

ཕྱི་འབྲེལ་པུའུ་ཀྲང་ཡང་ཅེ་ཁྲི་ཡིས་ཤིས་ཚིག་འབུལ་སྐབས་ཀྲུང་གོར་སྡོད་པའི་གཞུང་ཚབ་ཆེན་མོ་དང་འཐུས་མི་རྣམས་ལ་སོ་སོར་ལོ་སར་གྱི་འཚམས་འདྲི་བྱས་པར་མ་ཟད། ཀྲུང་གོའི་ཕྱི་འབྲེལ་ལས་དོན་གྱི་ཐད་ལ་སེམས་ཁུར་དང་རྒྱབ་སྐྱོར་བྱེད་པའི་ལས་རིགས་སོ་སོའི་མི་སྣ་ཡོངས་ལ་སྙིང་ཐག་པ་ནས་བཀའ་དྲིན་ཆེ་ཞུས། ཡང་ཅེ་ཁྲི་ཡིས་བཤད་རྒྱུར། ཉིས་སྟོང་བཅུ་གཉིས་ལོ་ནི་ཀྲུང་གོའི་འཕེལ་རྒྱས་ཀྱི་བགྲོད་ལམ་སྟེང་ཆེས་གལ་ཆེ་བའི་ལོ་ཞིག་ཡིན་ལ། ཀྲུང་གོ་གུང་ཁྲན་ཏང་གི་རྒྱལ་ཡོངས་འཐུས་མིའི་ཚོགས་ཆེན་ཐེངས་བཅོ་བརྒྱད་པ་རྒྱལ་ཁའི་ངང་ཚོགས་པ་དང་འབྱོར་འབྲིང་སྤྱི་ཚོགས་ཕྱོགས་ཡོངས་ནས་འགྲུབ་པར་བྱེད་པ་དང་བཅོས་བསྒྱུར་སྒོ་འབྱེད་ཁྱོན་ཡོངས་ནས་གཏིང་ཟབ་ཏུ་སྤེལ་བའི་དམིགས་འབེན་གཏན་འཁེལ་བྱས་ཏེ། དུས་རབས་གསར་བའི་ཆ་རྐྱེན་འོག་ཏུ་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ལས་དོན་སྤེལ་བར་ཕྱོགས་ཡོངས་ནས་བཀོད་སྒྲིག་མཛད་ཡོད་ཟེར།

ཡང་ཅེ་ཁྲི་ཡིས་བསྟན་དོན། ཉིས་སྟོང་བཅུ་གཉིས་ལོར་ཀྲུང་གོའི་ཕྱི་འབྲེལ་གྱི་ཐད་ནས་འཕེལ་རྒྱས་ཀྱི་གྲུབ་འབྲས་གསར་བ་བླངས་ཡོད་པ་དང་། ཀྲུང་གོའི་རྒྱལ་སྤྱིའི་སྟེང་གི་གོ་གནས་དང་ཤུགས་རྐྱེན་སྔར་ལས་ཇེ་མཐོར་སོང་ཡོད་ཟེར།