ཀྲུང་གོ་བོད་ཀྱི་དྲ་བའི་འཕྲིན། ཏང་གི་ཚོགས་ཆེན་ཐེངས་བཅོ་བརྒྱད་པ་གཟབ་རྒྱས་ངང་ཚོགས་རྗེས། མཚོ་སྔོན་ཞིང་ཆེན་ཐད་གཏོགས་ལས་ཁུངས་ཀྱི་སྡེ་ཁག་སོ་སོས་ལས་བྱེད་པ་དང་ལས་བཟོ་བའི་ཚོགས་ཆེན་དང་ཏང་ཡོན་གྱི་ཚོགས་ཆེན། ཀྲི་པུའུ་སློབ་སྦྱོང་ཚོགས་འདུ། བགྲོ་གླེང་ཚོགས་འདུ་སོགས་ཀྱི་རྣམ་པ་ལ་བརྟེན་ནས། བློ་མཐུན་ཧུའུ་ཅིན་ཐའོ་ཡིས་ཕུལ་བའི་སྙན་ཞུའི་དགོངས་དོན་ནན་ཏན་སྒོས་སློབ་སྦྱོང་བྱས་པ་དང་། ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་དྲིལ་སྒྲོག་དང་ལག་བསྟར་བྱེད་པའི་ཐད་ལ་བཀོད་སྒྲིག་བྱས་པར་མ་ཟད་རེ་བ་ནན་མོ་བཏོན།མཚོ་སྔོན་ཞིང་ཆེན་ཏང་ཨུའི་རྩ་འཛུགས་པུའུ་ཡི་ཏང་ཡོན་ལས་བྱེད་པས་བཤད་རྒྱུར། ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་ནན་ཏན་སྒོས་སློབ་སྦྱོང་དང་གོ་བ་ཟབ་མོ་ལེན་པ་དང་། སྤྱིའི་བཀོད་སྒྲིག་དང་གཞི་རྩའི་རེ་བ་གསལ་བོར་ཤེས་པར་བྱེད་པའི་རྨང་གཞིའི་སྟེང་ཚོགས་ཆེན་སྟེང་བཏོན་པའི་འབད་འཐབ་དམིགས་འབེན་དང་ལས་འགན་གཙོ་བོ། ལྷག་པར་དུ་ཏང་གི་འཛུགས་སྐྲུན་ཚན་རིག་ཅན་དུ་བསྒྱུར་བའི་ཆུ་ཚད་ཕྱོགས་ཡོངས་ནས་ཇེ་མཐོར་གཏོང་བའི་རེ་བ་གསར་བར་བསམ་གཞིགས་བཏང་སྟེ། རྩ་འཛུགས་བྱ་བ་དང་རྩ་འཛུགས་སྡེ་ཁག་ལ་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལག་ལེན་དང་དངོས་འབེབས་བྱེད་པའི་གནད་ཆེ་ས་གསལ་བོར་ཤེས་སུ་འཇུག་པ་དང་། རྩ་འཛུགས་བྱ་བའི་དོན་དངོས་བྱ་སྤྱོད་ལ་བརྟེན་ནས་ཧུར་ཐག་སྒོས་ཏང་གི་ཚོགས་ཆེན་ཐེངས་བཅོ་བརྒྱད་པའི་སྟེང་བཏོན་པའི་ལས་འགན་སྣ་ཚོགས་ཡོངས་འགྲུབ་བྱེད་དགོས་པར་མ་ཟད། ཏང་གི་འཛུགས་སྐྲུན་གྱི་རླབས་ཆེན་བཟོ་སྐྲུན་གསར་བར་ཕྱོགས་ཡོངས་ནས་སྐུལ་འདེད་དགོས་ཟེར།མཚོ་སྔོན་ཞིང་ཆེན་ཏང་ཨུའི་དྲིལ་སྒྲོག་པུའུ་ཡིས་སྙན་ཞུའི་ནང་དོན་གཙོ་བོ་གསལ་བོར་ཤེས་པར་བྱེད་པ་དང་། ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་དྲིལ་སྒྲོག་དང་སློབ་སྦྱོང་། ལག་ལེན་བཅས་བྱེད་པ་དེ་བབ་བསྟུན་མདུན་སྐྱོད་དང་བསམ་བློ་བཅིངས་འགྲོལ་བྱེད་པའི་གོ་སྐབས་སུ་བཟུང་ནས། ཁྱོན་ཡོངས་དང་རྣམ་པ་མང་བའི་སྒོ་ནས་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་དྲིལ་སྒྲོག་བཟང་བོ་བྱེད་དགོས་པའི་རེ་བཏོན།མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དང་ལྟ་ཞིབ་ཐིན་གྱིས་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་དང་དྲིལ་སྒྲོག ལག་བསྟར་བཅས་བྱེད་པའི་བྱ་བའི་གྲོས་གཞི་ལ་ཞིབ་འཇུག་བྱས་ནས་གཏན་འཁེལ་བྱས་པར་མ་ཟད། ཨུ་ཡོན་ལྷན་ཁང་དང་ཐིན་ལས་ཁུངས་ཀྱི་ཁྲུའུ་གཞོན་པ་ཡན་གྱི་ལས་བྱེད་པ་ཞུགས་པའི་མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་རྒྱུན་ཨུའི་རྒྱ་བསྐྱེད་གྲོས་ཚོགས་བསྡུས་ཏེ། ཚོགས་ཆེན་ཐེངས་བཅོ་བརྒྱད་པའི་སྙན་ཞུའི་མ་ཡིག་ལ་ནན་ཏན་སྒོས་སློབ་སྦྱོང་དང་དགོངས་དོན་གྱི་ངོ་བོ་ལ་གོ་བ་ཟབ་མོ་ལེན་པའི་འཆར་གཞི་བཀོད།མཚོ་སྔོན་ཞིང་ཆེན་ཐད་གཏོགས་ལས་ཁུངས་བྱ་བའི་ཨུ་ཡོན་ལྷན་ཁང་གིས་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་དང་ལག་ལེན་བྱེད་པར་བཀོད་སྒྲིག་བྱས་ཏེ། ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་དང་ལག་ལེན་བྱེད་རྒྱུ་དེ་དེང་སྐབས་དང་ཕྱིན་ཆད་ཀྱི་དུས་སྐབས་ཤིག་གི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས་དམ་འཛིན་བྱེད་པ་དང་། བགྲོ་གླེང་ཚོགས་འདུ་དང་སྙན་ཞུ་ཚོགས་འདུ། སློབ་སྦྱོང་འཆད་ཁྲིད་སོགས་ཀྱི་རྣམ་པ་ལ་བརྟེན་ནས་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་བཟང་བོ་བྱེད་དགོས་པའི་རེ་བ་བཏོན།མཚོ་སྔོན་ཞིང་ཆེན་སྤྱི་ཚོགས་ཚན་རིག་གླིང་གིས་ལས་ཁུངས་ཀྱི་ལས་བྱེད་པ་དང་ལས་བཟོ་བ་ཚང་མས་ཚོགས་ཆེན་ཐེངས་བཅོ་བརྒྱད་པའི་དགོངས་དོན་གསལ་བོར་ཤེས་པར་བྱེད་པ་དང་། ཚོགས་ཆེན་གྱི་དགོངས་དོན་ལ་སློབ་སྦྱོང་དང་དྲིལ་སྒྲོག ལག་ལེན་བཅས་བྱེད་རྒྱུ་དེ་བྱ་བའི་དངོས་དང་ཟུང་འབྲེལ་བྱེད་དགོས་པ་དང་། དོན་དངོས་ཀྱི་བྱ་སྤྱོད་ཁྲོད་དུ་དངོས་འབེབས་བྱེད་པ། ཚན་རིག་གི་འཕེལ་རྒྱས་ལྟ་བར་བརྟེན་ནས་ཚན་རིག་ཞིབ་འཇུག་དང་བྱ་བ་སྣ་ཚོགས་ལ་མཛུབ་སྟོན་བྱེད་དགོས་པའི་རེ་བ་བཏོན།མཚོ་སྔོན་ཞིང་ཆེན་སྤྱིའི་བཟོ་ཚོགས་ཀྱིས་སློབ་སྦྱོང་བྱེད་པའི་བཀོད་སྒྲིག་བསམ་འཆར་བཀྲམས་ཏེ། ཞིང་ཆེན་སྤྱིའི་བཟོ་ཚོགས་ཏང་ཙུའུ་ཡི་ལྟེ་གནས་ཚན་ཁག་གིས་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་བྱེད་པའི་བཞུགས་མོལ་ཚོགས་འདུ་བསྡུས་པར་མ་ཟད། ལས་བྱེད་པའི་ཚང་མཛོམས་གྲོས་ཚོགས་བསྡུས་ནས་སྐུལ་སློང་དང་བྱ་བར་བཀོད་སྒྲིག་བྱས།ཏང་གི་ཚོགས་ཆེན་ཐེངས་བཅོ་བརྒྱད་པ་གཟབ་རྒྱས་ངང་ཚོགས་རྗེས། མཚོ་སྔོན་ཞིང་ཆེན་གྱི་ཐིན་དང་ཅུའུ་ཁ་ཤས་ཀྱིས་རྣམ་པ་སྣ་ཚོགས་ལ་བརྟེན་ནས་བློ་མཐུན་ཧུའུ་ཅིན་ཐའོ་ཡིས་ཕུལ་བའི་སྙན་ཞུའི་དགོངས་དོན་ལ་ནན་ཏན་སྒོས་སློབ་སྦྱོང་བྱས་པར་མ་ཟད། བྱ་བའི་དོན་དངོས་དང་འབྲེལ་ནས་ཚོགས་ཆེན་ཐེངས་བཅོ་བརྒྱད་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་བྱ་བ་བཀོད་སྒྲིག་བྱས།མཚོ་སྔོན་ཞིང་ཆེན་མི་ཤུགས་ཐོན་ཁུངས་སྤྱི་ཚོགས་འགན་སྲུང་ཐིན་གྱིས་རྩ་འཛུགས་ཞིབ་མོ་བྱེད་པ་དང་བཀོད་སྒྲིག་ལེགས་པོ་བྱས་ཏེ། ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་དང་ལག་ལེན་བྱེད་པའི་བྱ་བར་སྐུལ་འདེད་བཏང་། མཚོ་སྔོན་ཞིང་ཆེན་བཟོ་ཚོང་ཅུའུ་ཡིས་ཞིང་ཆེན་ཡོངས་ཀྱི་བཟོ་ཚོང་ཁོངས་གཏོགས་ཀྱིས་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་ནན་ཏན་སྒོས་སློབ་སྦྱོང་དང་གོ་བ་ཟབ་མོ་ལེན་པ་དང་། ཚོགས་ཆེན་ཐེངས་བཅོ་བརྒྱད་པའི་དགོངས་དོན་མཛུབ་སྟོན་དུ་བཟུང་ནས་སང་ལོའི་བྱ་བར་ནན་ཏན་སྒོས་ཇུས་འགོད་བྱེད་དགོས་པའི་རེ་བ་བཏོན། མཚོ་སྔོན་ཞིང་ཆེན་དམངས་སྲིད་ཐིན་གྱིས་ལས་བྱེད་པ་དང་ལས་བཟོ་བ་ཚང་མས་སྟོབས་ཤུགས་ཡོད་ཚད་ཚོགས་ཆེན་ཐེངས་བཅོ་བརྒྱད་པའི་སྟེང་གཏན་ལ་ཕབ་པའི་དམངས་སྲིད་བྱ་བའི་ཐད་ལ་འདོན་པ་དང་། ཧུར་ཐག་སྒོས་ཞིང་ཆེན་ཡོངས་ཀྱི་དམངས་སྲིད་ལས་དོན་སྔར་ལས་གོང་འཕེལ་དུ་གཏོང་བར་སྐུལ་འདེད་གཏོང་དགོས་པའི་རེ་བ་བཏོན། མཚོ་སྔོན་ཞིང་ཆེན་སྡོད་ཁང་མཁར་གྲོང་འཛུགས་སྐྲུན་ཐིན་གྱིས་རྗེས་ཕྱོགས་སུ་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལག་བསྟར་དང་དངོས་འབེབས་བྱེད་པའི་ཐད་ལ་རེ་བ་ཞིབ་རྒྱས་བཏོན་པར་མ་ཟད། མཁར་གྲོང་གི་འགན་སྲུང་རང་བཞིན་གྱི་སྡོད་ཁང་དང་ཨར་ལས་བཟོ་སྐྲུན་སྤུས་ཚད་ལ་ལྟ་རྟོག བདེ་འཇགས་ཐོན་སྐྱེད། ཡུས་ཧྲུའུ་ས་འགུལ་གནོད་འཚེའི་རྗེས་ཀྱི་བསྐྱར་འཛུགས་སོགས་མང་ཚོགས་ཀྱི་འཚོ་བར་འབྲེལ་བ་ཡོད་པའི་བཟོ་སྐྲུན་སྣ་ཚོགས་ཡོངས་འགྲུབ་བྱེད་དགོས་པའི་རེ་བ་བཏོན།ཟླ་བཅུ་གཅིག་པའི་ཚེས་བརྒྱད་ཉིན་གྱི་ཕྱི་དྲོར། མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་གིས་ཏང་ཙུའུ་ལྟེ་གནས་ཚན་ཁག་གི་སློབ་སྦྱོང་ཚོགས་འདུ་བསྡུས་ཏེ། ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་བྱས། མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་གི་ཏང་ཙུའུ་ཡི་ཧྲུའུ་ཅི། ཡོན་ཀྲང་ཏུང་ཁེ་ཅོན་གྱིས་གྲོས་ཚོགས་ལ་མགོ་འཛིན་བྱས་པ་དང་། མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་གི་ཏང་ཙུའུ་ཡི་ཁོངས་མི་དང་ཁྲིམས་ཁང་གི་མགོ་ཁྲིད་པ། དེ་མིན་འབྲེལ་ཡོད་སྡེ་ཁག་གི་འགན་འཁུར་བ་བཅས་ཚོགས་འདུར་ཞུགས།ཏུང་ཁེ་ཅོན་གྱིས་བཤད་རྒྱུར། ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་སློབ་སྦྱོང་དང་ལག་ལེན་བྱེད་རྒྱུ་དེ་ཕྱིན་ཆད་ཀྱི་དུས་སྐབས་ཤིག་གི་མཐོ་རིམ་མི་དམངས་ཁྲིམས་ཁང་བྱ་བའི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་འཇོག་དགོས་པ་དང་། ཆབ་སྲིད་པུའུ་དང་ལས་ཁུངས་ཏང་ཨུ་ཡིས་མཚོ་སྔོན་ཞིང་ཆེན་ཏང་ཨུ་དང་ཞིང་ཆེན་ཐད་གཏོགས་ལས་ཁུངས་བྱ་བའི་ཨུ་ཡོན་ལྷན་ཁང་གི་རེ་བ་ལྟར་སློབ་སྦྱོང་གི་གྲོས་གཞི་གཏན་འཁེལ་བྱེད་པ་དང་། སློབ་སྦྱོང་བྱ་འགུལ་བཀོད་སྒྲིག་བཟང་བོ་བྱེད་དགོས་ཟེར།ཏང་གི་ཚོགས་ཆེན་ཐེངས་བཅོ་བརྒྱད་པ་གཟབ་རྒྱས་ངང་ཚོགས་རྗེས། མཚོ་སྔོན་ཞིང་ཆེན་མི་དམངས་ཞིབ་དཔྱོད་ཁང་གིས་མྱུར་དུ་ལས་ཁུངས་ཀྱི་ཉེན་རྟོག་ལས་བྱེད་པ་རྩ་འཛུགས་བྱས་ནས་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ལ་ནན་ཏན་སྒོས་སློབ་སྦྱོང་བྱས།ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་སློབ་སྦྱོང་བྱེད་སྐབས་ཚང་མས་བཤད་རྒྱུར། བློ་མཐུན་ཧུའུ་ཅིན་ཐའོ་ཡི་སྙན་ཞུ་ལས་ལོ་རྒྱུས་དང་དུས་རབས་ཀྱི་མཐོ་ཚད་ནས་ང་ཚོ་ཏང་གིས་མདུན་སྐྱོད་ཀྱི་འཕེལ་རིམ་གསར་བའི་ཁྲོད་དུ་ལངས་ཕྱོགས་ཅི་ཞིག་འཛིན་པ་དང་ལམ་གང་ཞིག་ཏུ་སྐྱོད་པ་རྒྱུན་འཁྱོངས་བྱེད་པ་དང་འབད་འཐབ་དམིགས་འབེན་གང་ཞིག་མངོན་འགྱུར་བྱེད་པ་སོགས་གནད་དོན་རྒྱས་བཤད་བྱས་ཡོད་ལ རང་རྒྱལ་གྱི་བཅོས་སྒྱུར་སྒོ་འབྱེད་དང་སྤྱི་ཚོགས་དེང་རབས་ཅན་འཛུགས་སྐྲུན་ཐད་ལ་ཕྱོགས་ཡོངས་ནས་བཀོད་སྒྲིག་གསར་བ་བྱས་པ་དེ་ནི་ང་ཚོ་ཏང་གིས་རྒྱལ་ཡོངས་ཀྱི་རིགས་སོ་སོའི་མི་དམངས་ཁྲིད་དེ་མུ་མཐུད་ནས་མདུན་དུ་སྐྱོད་པའི་ཆབ་སྲིད་ཀྱི་བསྒྲགས་གཏམ་དང་འགུལ་སྐྱོད་ཀྱི་རྩ་འཛིན་ཡིན་ཟེར།  །