རྒྱལ་ཡོངས་དམངས་ཆེན་རྒྱུན་ཨུ་དང་རྒྱལ་སྲིད་སྤྱི་ཁྱབ་ཁང་གིས་ཤིས་ཚིག་བཏང།    ད་ལོ་ནི་ལིའང་ཧྲན་དབྱིས་རིགས་རང་སྐྱོང་ཁུལ་དབུ་བརྙེས་ནས་ལོ60འཁོར་བ་ཡིན་ཞིང་།  ལོ60རིང་ལ་མཆོང་རྒལ་འཕེལ་རྒྱས་གཏོང་བར་བརྒྱུད་ལིའང་ཧྲན་ཁུལ་དེ་ཀྲུང་གོའི་རང་སྐྱོང་ཁུལ་གྱི་གྲས་སུ་ཨང་དང་པོར་གྱུར་ཡོད།  ཟླ་བ9པའི་ཚེས23ཉིན།  ལིའང་ཧྲན་དབྱིས་རིགས་རང་སྐྱོང་ཁུལ་དབུ་བརྙེས་ནས་ལོ60འཁོར་བར་དགའ་སྟོན་རྟེན་འབྲེལ་ཞུ་བའི་ཚོགས་ཆེན་དེ་ཞི་ཁྲང་དུ་གཟབ་རྒྱས་ངང་འཚོགས་པ་རེད།     ཞིང་ཆེན་གྱི་དགའ་སྟོན་རྟེན་འབྲེལ་ཞུ་མཁན་ཚོགསས་པའི་ཚོགས་དཔོན།  ཞིང་ཆེན་ཏང་ཨུའི་ཧྲུའུ་ཅི།  ཞིང་ཆེན་དམངས་ཆེན་རྒྱུན་ཨུའི་ཀྲུའུ་རེན་ལིའུ་ཆི་པའོ་དང་།  ཚོགས་དཔོན་གཞོན་པ། ཞིང་དཔོན་ཅང་ཅུས་ཧྥེང་།  ཚོགས་པ་གཞོན་པ།  ཞིང་ཆེན་སྲིད་གྲོས་ཀྱི་ཀྲུའུ་ཞི་ཐའོ་ཝུའུ་ཞན།  ཀྲུང་དབྱང་གི་འབྲེལ་ཡོད་སྡེ་ཁག་གི་དགའ་སྟོན་རྟེན་འབྲེལ་ཞུ་མཁན་ཚོགས་པའི་ཚོགས་དཔོན། རྒྱལ་ཁབ་མི་རིགས་དོན་གཅོད་ཨུ་ལྷན་གྱི་ཀྲུའུ་རེན་གཞོན་པ་དོན་འགྲུབ་དབང་འཕེལ།  ཀྲུང་གོ་མི་དམངས་བཅིངས་འའགྲོལ་དམག་གི་སྤྱི་ཁྱབ་སྒྲིག་སྦྱོར་པུའུ་ཡི་པུའུ་ཀྲང་གཞོན་པ་ཝང་ཅ་ཧྲན་སོགས་དབུ་ཁྲིད་པ་རྣམ་པ་དགའ་སྟོན་རྟེན་འབྲེལ་ཞུ་བའི་ཚོགས་ཆེན་དུ་ཞུགས་ཡོད་པ་རེད།

རྒྱལ་ཡོངས་དམངས་ཆེན་རྒྱུན་ཨུ་དང་རྒྱལ་སྲིད་སྤྱི་ཁྱབ་ཁང་གིས་ལིའང་ཧྲན་ཁུལ་དབུ་བརྙེས་ནས་ལོ60འཁོར་བར་དགའ་སྟོན་རྟེན་འབྲེལ་ཞུ་བའི་ཤིས་ཚིག་བཏང་ནས་ལིའང་ཧྲན་ཁུལ་ཡོངས་ཀྱི་ལས་བྱེད་པ་དང་མང་ཚོགས།  ཁུལ་དུ་བཅའ་སྡོད་བྱེད་མཁན་གྱི་མི་དམངས་བཅིངས་འགྲོལ་དམག་གི་བཀོད་འཐབ་པ།  དྲག་ཆས་ཉེན་རྟོག་དམག་དཔུང་གི་དཔོན་དམག།  སྤྱི་བདེ་མི་དམངས་ཉེན་རྟོག་པ་བཅས་ལ་དུས་ཆེན་གྱི་དགའ་སྟོན་རྟེན་འབྲེལ་ཞུས་ཤིང་བྱམས་བརྩེའི་ངང་འཚམས་འདྲི་ཞུས་ཏེ་ལིའང་ཧྲན་དབྱིས་རིགས་རང་སྐྱོང་ཁུལ་དར་རྒྱས་གོང་འཕེལ་ཡོང་བ་དང་ལིའང་ཧྲན་ཁུལ་གྱི་མི་རིགས་སོ་སོའི་མི་དམངས་བདེ་སྐྱིད་བདེ་ཐང་ཡོང་བའི་སྨོན་འདུན་ཞུས་པ་རེད།

ལོ60ཡི་རིང་ལ་ལིའང་ཧྲན་ཁུལ་གྱིས་ལོ་སྟོང་གི་ལོ་རྒྱུས་བརྒྱུད་དེ་བྲན་གཡོག་སྤྱི་ཚོགས་ནས་ཐད་ཀར་སྤྱི་ཚོགས་རིང་ལུགས་ཀྱི་སྤྱི་ཚོགས་སུ་བསྐྱོད་དེ་གོམ་སྟབས་གཅིག་གིས་ལོ་སྟོང་བརྒལ་བའི་འཕོ་འགྱུར་གྱི་རྣམ་པ་མངོན་འགྱུར་བྱས་ཡོད།   ཁྱད་པར་དུ་བཅོས་བསྒྱུར་སྒོ་འབྱེད་དང་ཏང་གི་ཚོགས་ཆེན་བཅུ་དྲུག་པ་འཚོགས་པ་ནས་བཟུང་།  ལིའང་ཧྲན་ཁུལ་གྱི་དཔལ་འབྱོར་འཛུགས་སྐྲུན་དང་བཅོས་བསྒྱུར་སྒོ་འབྱེད་ལ་གྲུབ་འབྲས་ཆེན་པོ་ཐོབ་ཡོད་ཅིང་།  མི་རིགས་མཐུན་སྒྲིལ་དང་།  མི་དམངས་བདེ་སྡོད་ལས་བརྩོན་ཡིན་པ།  ཁུལ་དབུ་བརྙེས་ནས་ལོ60རིང་ལ་རིམ་ཁག་ཏང་ཨུ་དང་སྲིད་གཞུང་གིས་དབྱིས་རིགས་ས་ཁུལ་གྱི་ཤིང་ལེབ་ཀྱི་ཁང་པ་དང་།  རྩྭ་ཁང་།  རྡོ་ཁང་གསུམ་ལེགས་བཅོས་དང་གྲོང་སྡེ་གསར་པ་བསྐྲུན་ནས་དབྱིས་རིགས་ས་ཁུལ་དེ་སྐྱོན་བྲལ་དཔལ་ཡོན་གྱི་འཚོ་བ་གསར་པ་སྐྲུན་པའི་དབུལ་སྐྱོར་གྱི་ལས་གྲྭ་ཆེན་པོ་བརྒྱད་དང་དམངས་འཚོའི་ལས་གྲྭ་ཆེན་པོ་བཅུ་སོགས་ཕན་ནུས་ལྡན་པའི་བྱེད་ཐབས་རབ་དང་རིམ་པའི་སྤྱད་དེ་ལིའང་ཧྲན་ཁུལ་གྱི་མི་དམངས་མང་ཚོགས་ཀྱི་ཐོན་སྐྱེད་དང་འཚོ་བར་འཕོ་འགྱུར་ཆེན་པོ་བྱུང་ཡོད་པ་རེད།

ཐེངས་འདིའི་དགའ་སྟོན་རྟེན་འབྲེལ་ཞུ་བའི་ཚོགས་ཆེན་གྱིས་ཐོག་སྒོ་ཀུན་ནས་ལིའང་ཧྲན་ཁུལ་དབུ་བརྙེས་ནས་ལོ60རིང་ལ་ཐོབ་པའི་གྲུབ་འབྲས་ཆེན་པོར་ཕྱི་མིག་བལྟས་ཤིང་།  ཏང་གི་འགོ་ཁྲིད་དང་།  སྤྱི་ཚོགས་རིང་ལུགས་ཀྱི་ལམ་ལུགས།  བཅོས་བསྒྱུར་སྒོ་འབྱེད་དང་ཏང་གི་མི་རིགས་སྲིད་ཇུས་བཅས་ལ་བསྟོད་གླུ་ཕུལ་ནས་ལིའང་ཧྲན་ཁུལ་གྱི་མཐུན་རྐྱེན་གྱི་ཐོན་ཁུངས་དང་འཕེལ་རྒྱས་གཏོང་བའི་མདུན་ལམ་མཚོན་ཡོད་ཅིང་།   སྒོ་ཀུན་ནས་གསར་སྦོལ་སྒོ་འབྱེད་དང་།  མཆོང་རྒལ་དང་དབྱར་མཚོ་རྒྱས་པ་ཇི་བཞིན་ཉིན་རེ་བཞིན་གོང་འཕེལ་གསར་པ་བྱུང་བའི་ལིའང་ཧྲན་ཁུལ་གྱི་རྣམ་པ་གསར་མཚོན་ཡོད་པར་མ་ཟད།   ད་དུང་ཁུལ་ཡོངས་ཀྱི་མི་རིགས་སོ་སོར་སྐུལ་མ་བཏང་སྟེ་ལིའང་ཧྲན་ཁུལ་དེ་མཐུན་སྦྱོར་དང་རྒྱུན་མཐུད་ངང་འཕེལ་རྒྱས་ཡོང་བར་སྐུལ་འདེད་གཏོང་བ་དང་།  མཛེས་སྡུག་ལྡན་ཞིང་འབྱོར་ཕྱུག་ཡིནཡིན་ལ།དཔལ་ཡོན་ལྡན་ཞིང་འཆམ་མཐུན་ཡིན་པའི་ལིའང་ཧྲན་ཁུལ་གསར་པ་ཞིག་ཇེ་མགྱོ གས་སུ་བསྐྲུན་པ་དང་སྐྲུན་བཞིན་ཡོད་པ་རེད།

      དེའི་རྗེས།  ལིའང་ཧྲན་ཁུལ་གྱི་རྫོང་དང་གྲོང་ཁྱེར་ཁག་གི་མི་རིགས་སོ་སོའི་མི་དམངས་ཀྱིས་ངོ་མཚར་ཆེ་བའི་རིག་རྩལ་གྱི་ལེ་ཚན་འཁྲབ་སྟོན་བྱས་ཏེ་སྤྲོ་སེམས་འཁོལ་བའི་ངང་ནས་ལིའང་ཧྲན་ཁུལ་དབུ་བརྙེས་ནས་ལོ60འཁོར་བར་དགའ་སྟོན་རྟེན་འབྲེལ་ཞུས་པ་རེད།