ཟླ9བའི་ཚེས9ཉིན།  མཚོ་སྔོན་ཞིང་ཆེན་ཡུས་ཧྲུའུ་བོད་རིགས་རང་སྐྱོང་ཁུལ་ཏང་ཨུ་དང་། ཁུལ་སྲིད་གཞུང་གིས་ཁུལ་ཐད་གཏོགས་སློབ་གྲྭའི་དགེ་རྒན་དང་ས་འགུལ་ཁྲོད་རྐྱེན་ངན་ལས་ཤོར་བའི་དགེ་རྒན་གྱི་ཁྱིམ་མི་རྣམས་ལ་འཚམས་འདྲི་བྱས་པ་མ་ཟད།  ཁོ་ཚོར་དྲི་མེད་ཁ་བཏགས་འབུལ་བ་དང་འཚམས་འདྲིའི་ལག་དངུལ་བྱིན་ནས།  ཁུལ་ཏང་ཨུ་དང་སྲིད་གཞུང་གིས་དགེ་རྒན་གྱི་དུས་ཆེན་ཐོན་ལ་ཉེ་སྐབས་ཁོ་ཚོར་བཀྲ་ཤིས་སྨོན་འདུན་ཞུས། 

ཉིན་དེའི་སྔ་དྲོར།  ཡུས་ཧྲུའུ་ཁུལ་ཏང་ཨུ་དང་ཁུལ་སྲིད་གཞུང་གི་འབྲེལ་ཡོད་འགོ་ཁྲིད་རྣམས་སྔ་གཞུག་ཏུ་གསར་དུ་བཙུགས་པའི་ཁུལ་ཐད་གཏོགས་ལས་ཁུངས་བྱིས་གཉོར་ཁང་དང་།  ཁུལ་མི་རིགས་སློབ་འབྲིང་།  དར་དམར་སློབ་ཆུང་། མཐོ་རིམ་སློབ་འབྲིང་གཉིས་པ།  པ་དབྱི་ལས་རིགས་ལག་རྩལ་སློབ་གྲྭ། དམིགས་བསལ་སློབ་གྲྭ། པ་དབྱི་དྭ་ཕྲུག་སློབ་གྲྭ་སོགས་སུ་སོང་ནས་དགེ་རྒན་ཕུལ་བྱུང་ཅན་དང་།  དཀའ་ཁག་ཡོད་པའི་དགེ་རྒན།  ལས་འཁྱེར་ངལ་གསོ་བྱས་ཟིན་པའི་དགེ་རྒན་བཅས་ས་འགུལ་ཁྲོད་རྐྱེན་ངན་ལས་ཤོར་བའི་དགེ་རྒན་གྱི་ཁྱིམ་མི་ལ་འཚམས་འདྲི་བྱས། 

ཡུས་ཧྲུའུ་ཁུལ་དུ་གནོད་ཕྱིའི་བསྐྱར་སྐྲུན་བྱ་བ་སྤེལ་འགོ་བརྩམས་པ་ནས་བཟུང་།  ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་ཐུགས་ཁུར་མཛད་པ་དང་མཚོ་སྔོན་ཞིང་ཆེན་ཏང་ཨུ་དང་།  ཞིང་ཆེན་སྲིད་གཞུང་བཅས་ཀྱིས་ཡང་དག་པའི་འགོ་ཁྲིད་འོག  གནོད་ཐེབས་ས་ཁུལ་གྱི་སློབ་གྲྭ་སོ་སོ་དུས་ཐོག་ཏུ་སློབ་འགོ་ཚུགས་པ་མ་ཟད།  ས་ཁུལ་གཞན་ནས་སློབ་གྲྭ་སྒྲུབ་པའི་ལས་འགན་ལག་བསྟར་བྱས། །