ཟླ9པའི་ཚེས3ཉིན་གྱི་སྔ་དྲོར།  སྨར་ཁམས་རྫོང་གི་སྐབས་བཞི་བའི་བོད་ལྗོངས་ཇ་རྟའི་གནའ་ལམ་གནས་སྐོར་རིག་གནས་སྒྱུ་རྩལ་དུས་ཆེན་སྤེལ་འགོ་བརྩམས། 

སྨར་ཁམས་རྫོང་དུ་བོད་ལྗོངས་ཇ་རྟའི་གནའ་ལམ་གནས་སྐོར་རིག་གནས་སྒྱུ་རྩལ་དུས་ཆེན་ལོ་གསུམ་ནང་ཐེངས་གཅིག་ལ་སྤེལ་བཞིན་ཡོད་ལ། གཞི་རྒྱ་རིམ་བཞིན་ཇེ་ཆེར་འགྲོ་བཞིན་ཡོད།  ཟླ9བའི་ཚེས3ཉིན་ནས་ཚེས5ཉིན་གྱི་རིང་ལ་རིག་རྩལ་འཁྲབ་སྟོན་ཐེངས4ལ་སྤེལ་རྒྱུ་ཡིན་པ་དང་།  དུས་མཚུངས་སུ་ཚོང་ཟོག་འགྲེམ་ཚོང་དང་། རྟ་རྒྱུག་འགྲན་བསྡུར།  སྐོར་བྲོ་དགོང་ཚོགས་སོགས་བྱ་འགུལ་ཕུན་སུམ་ཚོགས་པ་སྤེལ་རྒྱུ་རེད། 

ཤེས་གསལ་བྱུང་བ་ལྟར་ན།  སྨར་ཁམས་བོད་ལྗོངས་ཤར་ཕྱོགས་སུ་མི་གྲངས་མང་ཞིང་།  རོང་འབྲོག་ལས་གཉེར་བ།  ཐོན་ཁུངས་ཕུན་སུམ་ཚོགས་པའི་རྫོང་མཁར་ཞིག་ཡིན་པ་མ་ཟད།  ཐུན་མོང་མ་ཡིན་པའི་གནས་སྐོར་ཐོན་ཁུངས་ལྡན། འབྲི་ཆུ་དང་རྫ་ཆུ། ཇ་རྟའི་གནའ་ལམ་སོགས་ནི་གནས་སྐོར་བས་ཡིད་དབང་འགུག་སའི་གནས་མཆོག་ཡིན།