གངས་ལྗོངས་ཀུན་ཕན་རིག་གནས་སྒྱུ་རྩལ་གླིང་གིས་གཙོ་སྒྲུབ་དང་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་གྱིས་རོགས་སྒྲུབ་བྱས་པའི་སྐབས་དང་པོའི་གངས་ལྗོངས་ཀུན་ཕན་རྟགས་མའི་མདོ་ཁམས་ཡུལ་གྱི་དམངས་གླུ་འགྲན་ཚོགས་དེ་སྤྱི་ཟླ་བརྒྱད་པའི་ཚེས་ཉེར་བརྒྱད་ཉིན་ཟི་ལིང་བདེ་ལྡན་གླིང་མི་རིགས་གླུ་གར་ཁང་ནས་འགྲན་བསྡུར་སྤེལ་བ་དང་། སི་ཁྲོན་དང་ཀན་སུའུ། མཚོ་སྔོན་སོགས་ཀྱི་འགྲན་ཞུགས་མི་སྣ་བདུན་ཅུ་ལྷག་འགྲན་སྡུར་ལ་ཞུགས། སྤྱི་ཟླ་བརྒྱད་པའི་ཚེས་སུམ་ཅུ་ཉིན་རྟིང་རྩོད་འགྲན་བསྡུར་སྤེལ་བ་དང་འགྲན་བསྡུར་ལས་ཨང་དང་པོ་གཅིག་དང་ཨང་གཉིས་པ་གཉིས། ཨང་གསུམ་པ་གསུམ། ཕུལ་བྱུང་བྱ་དགའ་བརྒྱད། རྟིང་སྐུལ་བྱ་དགའ་བཅུ་བཅས་སུ་བཀར་ནས་འགྲན་ཚོགས་ཡོངས་སུ་མཇུག་རྫོགས།

རང་རེའི་ལས་ཁུངས་ཀྱི་མདོ་འཛིན་པས་འགྲན་ཚོགས་ལ་མདོ་འཛིན་བྱེད་བཞིན་པ།

དཔྱད་འདེམས་ཚན་ཆུང་།

དཔྱད་འདེམས་ལྟ་རྟོག་ཚན་ཆུང་།

ཚོགས་རའི་ཟུར་ཅིག

འགྲན་ཞུགས་པ་རྡོ་རྗེ་ཕག་མོས་གླུ་སྙན་མོ་ངག་ལ་འགུག་བཞིན་པ།

བྱ་དགའ་སྟེར་བའི་མཛད་སྒོ།

ཐེངས་འདིའི་འགྲན་བསྡུར་ཁྲོད་བྱ་དགའ་ཨང་དང་པོ་ཐོབ་མཁན་གླུ་མ་སྐལ་བཟང་སྒྲོལ་མ།