ཀྲུང་གོ་བོད་ཀྱི་དྲ་བའི་འཕྲིན། སྔར་ལས་ལྷག་པའི་སྒོ་ནས་མཚོ་སྔོན་པོའི་མཛེས་ལྗོངས་ཁུལ་གྱི་ཤང་སྡེའི་གནས་སྐོར་བདག་གཉེར་ཁོར་ཡུག་ལེགས་བཅོས་བྱས་ཏེ་མཛེས་ལྗོངས་ཁུལ་གྱི་མང་ཚོགས་ཀྱི་ཡོང་སྒོ་སྤེལ་ནས་ཕྱུག་འགྱུར་བྱེད་པར་སྐུལ་ཁྲིད་བྱེད་ཆེད། མཚོ་སྔོན་པོ་མཛེས་ལྗོངས་ཁུལ་གྱིས་ཤང་སྡེའི་གནས་སྐོར་ཕྱོགས་ཡོངས་ནས་འཛུགས་སྐྲུན་བྱས།

མཚོ་སྔོན་པོ་མཛེས་ལྗོངས་ཁུལ་གྱི་འཆར་འགོད་ལ་གཞིགས་ཏེ། མཚོ་སྔོན་གྱིས2020ལོར་མཚོ་བསྐོར་ས་ཁུལ་གྱི་ཤང་སྡེའི་གནས་སྐོར་གསོ་སྦྱོང་དེ་རྒྱལ་ཡོངས་སུ་ཁྱད་ཆོས་ལྡན་པའི་ཤང་སྡེའི་གནས་སྐོར་དཔེ་སྟོན་ཁུལ་དང་། མཚོ་སྔོན་ཞིང་ཆེན་གྱི་ཤང་སྡེའི་གནས་སྐོར་གྱི་སྡེ་བ་རེར་ཐོན་རྫས་གཅིག་རེ་ཡོད་པའི་དཔེ་སྟོན་རྟེན་གཞི། མཚོ་སྔོན་ཞིང་ཆེན་རོང་འབྲོག་པའི་ཡོང་སྒོ་སྤེལ་བའི་ཕྱུག་བསྒྱུར་དཔེ་སྟོན་བཟོ་འགོད་དུ་འགྱུར་བར་བརྩོན་ལེན་བྱེད་རྒྱུ་རེད། མིག་སྔར་མཚོ་སྔོན་པོ་མཐའ་འཁོར་གྱི་གཙོ་གནད་ས་ཁོངས་དང་ཐོག་མའི་གཞི་ཁྱོན་ཆགས་པའི་ཤང་སྡེའི་གནས་སྐོར་ས་ཚིགས12དེ་ད་ལོའི་དབུལ་སྐྱོར་འཆར་གཞི་ཁྲོད་ཚུད་ཡོད་ལ། 《2012ལོའི་མཚོ་སྔོན་པོ་མཛེས་ལྗོངས་ས་ཁུལ་གྱི་ཤང་སྡེའི་གནས་སྐོར་འཕེལ་རྒྱས་ཀྱི་རོགས་སྐྱོར་འཆར་འགོད》བཟོས་ཏེ། རོགས་སྐྱོར་མ་དངུལ་སྒོར་ཁྲི800ལྷག་བཏང་ནས་ཤང་སྡེའི་གནས་སྐོར་ས་ཚིགས་སོ་སོའི་འཛུགས་སྐྲུན་ཕྱོགས་ཡོངས་ནས་ལས་འགོ་བརྩམས་པ་དང་། འཆར་གཞི་ལྟར་ན་ཟླ8པའི་ཟླ་དཀྱིལ་དུ་ལེགས་འགྲུབ་བྱས་ཏེ་བཀོལ་སྤྱོད་བྱེད་ཐུབ། །