སྐབས་དང་པོའི་ཀྲུང་གོའི་བོད་ཁུལ་རོལ་དབྱངས་ཀྱི་མཐོ་རིམ་གླེང་སྟེགས་ལྷ་ས་ནས་ཚོགས།རང་སྐྱོང་ལྗོངས་ཏང་ཨུའི་རྒྱུན་ལས་ཨུ་ཡོན། ལྷ་ས་གྲོང་ཁྱེར་ཨུ་ཡོན་ལྷན་ཁང་གི་ཧྲུའུ་ཅི་ཆེ་དགྲ་ལྷ་གླེང་སྟེགས་སུ་ཕེབས་པ་མ་ཟད་ཤིས་ཚིགས་ཀྱང་ཕུལ། ཁོང་གིས་རིག་གནས་ལ་བརྟེན་ནས། གྲོང་ཁྱེར་དར་རྒྱས་གཏོང་བའི་འཐབ་ཇུས་ལག་བསྟར་བྱེད་བཞིན་པའི་ལྷ་ས་གྲོང་ཁྱེར་གྱིས་བོད་ཁུལ་རོལ་དབྱངས་གོང་འཕེལ་གཏོང་རྒྱུའི་ཐད་ཁོར་ཡུག་བཟང་པོ་མཁོ་འདོན་བྱེད་ངེས་ལ། བོད་ཁུལ་རོལ་དབྱངས་ཀྱི་མཐོ་རིམ་གླེང་སྟེགས་ཚོགས་པ་དེས་བོད་མི་རིགས་ཀྱི་རིག་གནས་གོང་འཕེལ་ཆེན་པོ་དང་དར་རྒྱས་ཆེན་པོ་ཡོང་རྒྱུར་སྐུལ་མ་ཐེབས་ངེས་ཞེས་གསུངས།

  ཤེས་གསལ་བྱུང་བ་ལྟར་ན།  སྐབས་དང་པོའི་བོད་ཁུལ་རོལ་དབྱངས་ཀྱི་མཐོ་རིམ་གླེང་སྟེགས་ཐོག་རྒྱལ་ནང་དང་ལྗོངས་ནང་ཁུལ་གྱི་གྲགས་ཅན་རོལ་དབྱངས་གསར་གཏོད་པ་དང་འཁྲབ་བསྟོན་པ། རོལ་དབྱངས་ཞིབ་འཇུག་པ། སློབ་གསོའི་ལས་དོན་པ་བཅས་གདན་དྲང་ནས་བོད་རིགས་ཀྱི་དམངས་གཞས་གཏོང་སྟངས་དང་བོད་རིགས་དམངས་གཞས་ཀྱི་ས་ཁོངས་དབྱེ་བ། བོད་རིགས་ཀྱི་གནའ་བོའི་ཁྱད་ལྡན་རོལ་དབྱངས་ཀྱི་ད་ལྟའི་གནས་ཚུལ་དང་རྒྱུན་འཛིན་བྱེད་པ། བོད་རིགས་ཀྱི་ཆོས་ལུགས་རོལ་དབྱངས་ཉམས་རོལ་དང་དབྱེ་ཞིབ་བྱེད་པ། བོད་ཁུལ་རོལ་དབྱངས་ཀྱི་སྒྱུ་རྩལ་རང་བཞིན་དང་ཆོས་ལུགས་རང་བཞིན། བོད་ཁུལ་རོལ་དབྱངས་ཁྱབ་གདལ་གཏོང་བ་བཅས་ལ་ཞིབ་བསྡུར་བྱེད་པ་སོགས་ཀྱི་བརྗོད་བྱ་གཙོ་བོ་དང་དམ་པོར་བསྟུན་ནས། བོད་རིགས་རོལ་དབྱངས་རྒྱུན་འཛིན་དང་སྔོགས་འདོན། སྲུང་སྐྱོབ། གོང་འཕེལ་བཅས་ཡོང་རྒྱུར་སྐུལ་འདེད་སྔར་ལས་ལྷག་པ་གཏོང་རྒྱུ་རེད།