ཐེམ་ཆེན་རྫོང་གིས་ཡས་ཧེ་རྟགས་མའི་ལྒང་རྒྱག་འགྲན་བསྡུར་སྤེལ་བ།

         ཉེ་ཆར། ཐེམ་ཆེན་རྫོང་གིས་དམངས་ཡོངས་ཀྱི་ལུས་ཕུང་བདེ་ཐང་གི་ཉིན་མོར་བརྩི་སྲུང་བྱེད་ཆེད་དུ།  དམངས་ལ་ཕན་པའི་ལུས་ཕུང་བདེ་ཐང་གི་བྱ་འགུལ་གང་མང་སྤེལ་བ་དང་། དེ་རུ་ལས་ཁུངས་སོ་སོ་དང་། སྡེ་ཁག་སོ་སོ་ཟབ་ཞུགས་བྱས་ཏེ་སྤེལ་བའི་ཐེམ་ཆེན་རྫོང་གི་ཡས་ཧེ་རྟགས་མའི་ལྒང་རྒྱག་འགྲན་བསྡུར་དེས་ས་གནས་མང་ཚོགས་ཀྱི་འཚོ་བ་ལ་ཁ་དོག་གསར་བ་ཞིག་བསྣན།
         དེ་ཡང་རྒྱུས་ལོན་པ་ལྟར་ན། རྫོང་བཟོ་ཚོགས་ལས་ཁུངས་ཀྱིས་རྩ་འཛུགས་བྱས་ཏེ་ཡས་ཧེ་རྟགས་མའི་ལྒང་རྒྱག་འགྲན་བསྡུར་དང་། འཕེན་འཕང་སྤོ་ལོ་འགྲན་བསྡུར། བྱ་སྒྲོའི་སྤོ་ལོ་འགྲན་བསྡུར་སོགས་ལོ་རེར་ཐེངས་རེར་སྤེལ་བཞིན་ཡོད་ལ། ལས་ཁུངས་སོ་སོ་དང་། ཡུལ་ཚོ་དང་གྲོང་རྡལ་སོ་སོའི་མི་སྣ་རྩ་འཛུགས་བྱས་ཏེ་འགྲན་སྡུར་ནང་ཞུགས་ཀྱིན་ཡོད་པ་དང་། བྱ་འགུལ་འདི་བརྒྱུད་ནས་དམངས་ཡོངས་ཀྱི་ལུས་ཕུང་བདེ་ཐང་དང་མི་རིགས་མཐུན་སྒྲིལ་ཡོང་བར་ནུས་པ་བླ་ལྷག་ཐོན་བཞིན་པའོ།།

ཐེམ་ཆེན་རྫོང་གིས་ཡས་ཧེ་རྟགས་མའི་ལྒང་རྒྱག་འགྲན་བསྡུར་སྤེལ་བ།

         དེ་ཡང་ཉིན་འདི་འགར། ཐེམ་ཆེན་རྫོང་མི་རིགས་སློབ་ཆུང་གི་ལྒང་རྒྱག་འགྲན་ཁུལ་དུ་ཉིན་རྒྱུན་ངོ་མཚར་བའི་འགྲན་སྡུར་བྱེད་ཀྱིན་ཡོད་ལ། ལས་ཁུངས་སོ་སོ་དང་། ཡུལ་ཚོ་དང་གྲོང་རྡལ་སོ་སོའི་འཐུས་ཚབ་རུ་ཁག་གིས་རུ་མི་རྩ་འཛུགས་བྱས་ཏེ་ལྒང་རྒྱག་འགྲན་ཁུལ་དུ་སྟོབས་ཤུགས་གང་ཡོད་བཏོན་ནས་འགྲན་རྩོད་བྱེད་ཀྱིན་ཡོད་པ་དང་། ལྟད་མོ་བ་རྣམས་ཀྱིས་སྤྲོ་སེམས་འཁོལ་བའི་ངང་རུ་མི་དག་ལ་སྐད་གསེང་མཐོན་པོས་འབོད་སྐུལ་བྱེད་ཀྱིན་ཡོད་ལ། འགྲན་ཁུལ་སོ་སོ་ནས་ཡོང་བའི་ལུས་རྩལ་པ་རྣམས་དགའ་འཛུམ་གྱི་ངང་ནས་འགྲན་རྩོད་ཀྱི་ལས་ལ་འཇུག་བཞིན་པའོ།།