ཞིན་ཧྭ་གསར་འགྱུར་ཁང་ཨ་སི་ཐ་ན་ནས་ཟླ་བ12པའི་ཚེས15ཉིན་འབྱོར་བའི་གཏམ་གསར།  རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་ཡུལ་འདི་གའི་ཚེས15ཉིན་གྱི་ཕྱི་དྲོར་ཨ་སི་ཐ་ན་རུ་ཧྲང་ཧའེ་མཉམ་ལས་རྩ་འཛུགས་ཀྱི་གྲུབ་མི་རྒྱལ་ཁབ་སྲིད་གཞུང་གི་དབུ་ཁྲིད་ལས་འཛིན་ལྷན་ཚོགས་ཀྱི་གྲོས་ཚོགས་ཐེངས་བཅུ་གསུམ་པར་ཞུགས་ནས་། ཚོགས་ཞུགས་བྱེད་མཁན་གྱི་རྒྱལ་ཁབ་ཁག་གི་དབུ་ཁྲིད་དང་མཉམ་དུ་ཧྲང་ཧའེ་མཉམ་ལས་རྩ་འཛུགས་ཀྱི་གྲུབ་མི་རྒྱལ་ཁབ་ཁག་བར་དོན་གཉེར་མཉམ་ལས་བྱ་རྒྱུའི་དགོངས་འཆར་ཟབ་མོ་སྤེལ་རེས་མཛད་ཡོད།
      ལི་ཁེ་ཆང་གིས་བསྟན་དོན།  དེང་སྐབས་ཀྱིའཛམ་གླིང་གི་གནས་བབ་ནི་སྣེ་མང་རྙོག་འཛིང་ཆེ་ཞིང་།  དཔལ་འབྱོར་གྱི་སྡེ་གཞི་མི་འདྲ་བ་འདི་འཕེལ་ཕྱོགས་གཉིས་སུ་འགྲོ་བཞིན་ཡོད་པས་མ་ཚད། ས་ཁུལ་ཆ་ཤས་སུ་ཟིང་ཆ་ཚབས་ཆེན་བྱུང་དང་འབྱུང་བཞིན་ཡོད།   དེར་བརྟེན།  ཧྲང་ཧའེ་མཉམ་ལས་རྩ་འཛུགས་ཀྱི་གྲུབ་མི་རྒྱལ་ཁབ་ཁག་གིས་གོ་སྐབས་དམ་འཛིན་དང་འགྲན་སློང་ལ་ཁ་གཏད་འཇལ་དགོས་པར་མ་ཟད།   ང་ཚོས་སྔར་ལས་ལྷག་པར་ཉེན་མེད་དང་། དཔལ་འབྱོར།  སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་བཅས་ཀྱི་ཁྱབ་ཁོངས་གསུམ་བར་མཉམ་ལས་བྱ་རྒྱུར་ཤུགས་སྣོན་རྒྱག་དགོས་པ་སྟེ།    གཅིག་ནི་ས་ཁུལ་གྱི་ཉེན་མེད་དང་བརྟན་བརླིང་བྱེད་ཡས་ཀྱི་སྲུང་ཡོལ་བརྟན་པོ་བསྐྲུན་དགོས།   ཀྲུང་གོས་བློ་བརྟན་འགྱུར་མེད་ཀྱིས་ས་ཁུལ་གྱི་ཞི་བདེ་དང་བརྟན་བརླིང་འཕེལ་རྒྱས་བཅས་ལ་སྲུང་སྐྱོང་བྱ་རྒྱུ་ཡིན་པ་དང་།  བློ་བརྟན་འགྱུར་མེད་ཀྱིས་ཞི་བདེ་དང་འཕེལ་རྒྱས་གཏོང་བའི་ལམ་བུའི་ཐོག་སྐྱོད་རྒྱུ་ཡིན།   རྒྱལ་ཁབ་ཁག་དང་མཐུན་སྒྲིལ་དང་མཐུན་སྦྱོར་བྱས་ཏེ་འཛམ་གླིང་དར་རྒྱས་དང་བརྟན་བརླིང་ཡོང་བར་སྐུལ་འདེད་གཏོད་འདོད་ཡོད།
གཉིས་ནི་ཁྱབ་ཁོངས་མཉམ་ལས་བྱ་རྒྱུའི་རྣམ་པ་གསར་པ་གཉེར་དགོས།  ཧྲང་ཧའེ་མཉམ་ལས་རྩ་འཛུགས་ཀྱི་གྲུབ་མི་རྒྱལ་ཁབ་ཚང་མ་འཕེལ་རྒྱས་འགྲོ་བཞིན་པའི་གནད་འགག་གི་དུས་སྐབས་སུ་གནས་ཡོད།  ཕྱོགས་སོ་སོའི་བར་མཉམ་ལས་བྱ་རྒྱུ་དེ་རང་བྱུང་གི་ཐོན་ཁུངས་དང་རིམ་པ་དམའ་བའི་ཐོན་རྫས་ཉོ་འཚོང་བྱེད་པ་ནས་སྒྲིག་སྦྱོར་བཟོ་སྐྲུན་ལས་རིགས་དང་ཐོན་ལས་ལྡུམ་ར་སོགས་ཀྱི་ཁྱབ་ཁོངས་སུ་མཉམ་ལས་ཟབ་མོ་བྱ་རྒྱུའི་ཕྱོགས་སུ་འགྲོ་བཞིན་ཡོད།ཀྲུང་གོས་ཕྱོགས་སོ་སོ་དང་ཐུན་མོང་དུ་ཉོ་འཚོང་དང་མ་དངུལ་གཏོང་འཇོག་སྟབས་བདེ་ཅན་ཡོང་བར་སྐུལ་འདེད་གཏང་རྒྱུ་དང་།  དར་གོས་འགྲུལ་ལམ་གྱི་དཔལ་འབྱོར་ས་རྒྱུད་འཛུགས་སྐྲུན་བྱ་རྒྱུར་གྲོས་མོས་དང་སྐུལ་འདེད་གཏོང་བ།     གྲུབ་མི་རྒྱལ་ཁབ་བར་ཕྱོགས་མང་པོའི་དཔལ་འབྱོར་ཉོ་ཚོང་མཉམ་ལས་བྱ་རྒྱུའི་རྩ་དོན་དོན་འཁྱོལ་ཡག་པོ་བྱ་རྒྱུ།   ཉོ་འཚོང་དང་མ་དངུལ་གཏོང་འཇོག་ཐད་ཀྱི་བཀག་འགོག་ཆུང་དུ་གཏང་རྒྱུ།   ཚོང་རར་འཇུག་པའི་ལམ་བུ་རྒྱ་སྐྱེད་གཏང་རྒྱུ།  མཚོ་ཁ་བགྲོད་པའི་ཕན་ནུས་མཐོ་རུ་གཏང་རྒྱུ་དང་།དངོས་གནས་ཀྱིས་ཚོང་ཟོག་དང་།  ལག་རྩལ།ཆ་འཕྲིན།  མི་སྣ་བཅས་ཕར་ཚུར་འགྲོ་འོང་དེ་བས་སྟོབས་བདེ་བྱེད་འདོད་ཡོད།     གསུམ་ནི་དམངས་འཚོ་དང་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་སྤེལ་རེས་དང་མཉམ་ལས་བྱ་རྒྱུར་དེ་བས་དོ་སྣང་ཆེན་པོ་བྱས་ཏེ།  དམངས་གཙོའི་གྲོས་དོན་དེ་བས་མང་པོ་བསྣན་དགོས།   རྣམ་གྲངས་དེ་བས་མང་པོ་བསྐྲུན་པར་སྐུལ་འདེད་བཏང་སྟེ་ལས་ཞུགས་ཀྱི་གོ་སྐབས་དེ་བས་མང་པོ་བསྐྲུན་དགོས།      ལི་ཁེ་ཆང་གིས་རྟིང་མར་ཧྲང་ཧའེ་མཉམ་ལས་རྩ་འཛུགས་དེ་ཡ་གླིང་དང་གླིང་ཆེན་ཡོ་རོབ་བར་ཞི་བདེ་དང་འཕེལ་རྒྱས་མཉམ་ལས་བཅས་ཡོང་བའི་ནུས་ཤུགས་གཙོ་བོར་གྱུར་ཡོད།   གྲུབ་མི་རྒྱལ་ཁབ་ཁག་གིས་ཐུན་མོང་དུ་འགན་ཁུར་སྟེ་བློ་གཅིག་སེམས་གཅིག་དང་ཏན་ཏན་ཏིག་ཏིག་གིས་ས་ཁུལ་ཉེན་མེད་དང་བརྟན་བརླིང་འཕེལ་རྒྱས་བཅས་ཡོང་བར་འཚོ་སྲུང་བྱ་དགོས་ཞེས་གསུངས་པ་རེད།      ཚོགས་ཞུགས་བྱེད་མཁན་ཧྲང་ཧའེ་མཉམ་ལས་རྩ་འཛུགས་ཀྱི་གྲུབ་མི་རྒྱལ་ཁབ་སྲིད་གཞུང་གི་དབུ་ཁྲིད་དང་ལྟ་དཔྱད་པའི་རྒྱལ་ཁབ།   ཁ་བརྡ་ལབ་རེས་བྱེད་པའི་སྤུན་ཟླ་རྒྱལ་ཁབ་ཀྱི་འཐུས་ཚབ་རྣམས་ཀྱིས་མགྲིན་གཅིག་ཏུ་སྔར་ལས་ལྷག་པར་མཐུན་སྦྱོར་ངང་གཞོགས་འདེགས་བྱ་རྒྱུར་ཤུགས་སྣོན་རྒྱག་རྒྱུ་དང་།  ཁ་གསབ་བྱ་རྒྱུའི་མཐུན་རྐྱེན་འདོན་སྤེལ་གཏོང་བ།   ཉེན་མེད་དང་།  དཔལ་འབྱོར།   སྤྱི་ཚོགས་ཐོག་གི་རིག་གནས་སྣང་ཚུལ་སྣ་ཚོགས་སོགས་ཁྱབ་ཁོངས་ཀྱི་སྤེལ་རེས་དང་མཉམ་ལས་བྱེད་རྒྱ་རྒྱ་སྐྱེད་བཏང་སྟེ་རང་རང་སོ་སོ་འཕེལ་རྒྱས་གཏོང་བ་དང་ས་ཁུལ་བརྟན་བརླིང་དང་དར་རྒྱས་ཡོང་བར་སྐུལ་འདེད་གཏང་རྒྱུའི་གྲོས་མཐུན་བཞག་པ་རེད།