2006ལོ་ནས་བཟུང་། རི་དྭགས་གཙོད་ལ་སྲུང་སྐྱོང་བྱེད་པའི་བྱ་འགུལ་ཁྲོད། འཁོར་སྐྱོད་ལྟ་ཞིབ་མི་སྣས་རི་དྭགས་རྔོན་མཁན་གཅིག་ཀྱང་མཐོང་མ་བྱུུང་ལ། ཨ་ཆེན་གངས་རྒྱབ་ཏུ་ལོ་དྲུག་རིང་རི་དྭགས་རྔོན་པའི་དོན་རྐྱེན་བྱུང་མེད་པས། རི་དྭགས་གཙོད་ཀྱི་གྲངས་ཀ་དེ་ཁྲི5ནས་ད་ལྟ་ཁྲི12ལ་ཇེ་མང་དུ་ཕྱིན་ཡོད།

གསར་འགོད་པས་ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དོ་དམ་ཅུའུ་ནས་རྒྱུས་ལོན་པ་ལྟར་ན། 1997ལོར་ཀྲུང་གོས་ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་བཙུགས་པ་དང་། 2000ལོའི་ཟླ10བ་ནས་བཟུང་རི་སྐྱེས་སྲོག་ཆགས་རྔོན་པ་གཏན་འགོག་བྱས་པ་མ་ཟད། འཁོར་སྐྱོད་ལྟ་ཞིབ་བྱས་ནས་ནན་ཏན་སྒོས་ལམ་བཤེར་དང་རི་དྭགས་རྔོན་པ་བཀག་འགོག་བྱས་པས། མིག་སྔར་རི་སྐྱེས་སྲོག་ཆགས་ཇེ་མང་ལ་སོང་ཡོད། རི་དྭགས་གཙོད་དང་དགོ་བ། རྐྱང་། འབྲོང་སོགས་ལས་གཞན་པའི་རྒྱལ་ཁབ་རིམ་པ་དང་པོ་དང་གཉིས་པའི་སྲུང་སྐྱོང་སྲོག་ཆགས་གྲངས་ཀ་ཇེ་མང་དུ་འགྲོ་བཞིན་ཡོད།