ཟླ7པའི་ཚེས20ཉིན་ནས་ཚེས26ཉིན་བར་དུ། རྩོམ་པ་པོ15ལས་གྲུབ་པའི་ཀྲུང་གོའི་རྩོམ་པ་པོ་མཐུན་ཚོགས་ཀྱི་མཚོ་སྔོན་ཡུས་ཧྲུའུ་རུ་བསྐྱོད་པའི་རྩོམ་པ་པོའི་བཅར་འདྲི་ཚོགས་པ་མཚོ་ངོས་ལས་མཐོ་ཚད་ལ་སྨི4000ལྷག་ཡོད་པའི་མཚོ་སྔོན་ཞིང་ཆེན་ཡུས་ཧྲུའུ་བོད་རིགས་རང་སྐྱོང་ཁུལ་དུ་ཕྱིན་ནས། ས་འགུལ་བྱུང་རྗེས་ཀྱི་བསྐྱར་བསྐྲུན་ས་གནས་དང་། དངོས་མང་བཤམས་སྟོན་ཁང་། སློབ་གྲྭ། དགོན་སྡེ་སོགས་སུ་བཞུགས་མོལ་ཚོགས་འདུ་དང་བཅར་འདྲི་བྱེད་པ་སོགས་ཀྱི་རྣམ་པ་བརྒྱུད་དེ་ཡུས་ཧྲུའུ་ལ་ས་འགུལ་བྱུང་རྗེས་ཀྱི་བསྐྱར་བསྐྲུན་གནས་ཚུལ་དང་། སེར་སྐྱ་མང་ཚོགས་ཀྱི་འཚོ་བའི་གནས་ཚུལ་སོགས་ལ་རྒྱུས་ལོན་བྱས།

བཅར་འདྲི་བྱེད་པའི་བརྒྱུད་རིམ་ཁྲོད། ཁྱིམ་གཞི་བསྐྱར་བསྐྲུན་བྱེད་པ་ལས་མངོན་པར་མཚོན་པའི་དཀའ་སྡུག་ཁྱད་དུ་གསོད་པ་དང་། འགྱུར་མེད་ཀྱི་ཡིད་ཆེས་བརྟན་པོ། བློས་གཏོང་ཕོད་པའི་སྙིང་སྟོབས་བཅས་ཀྱིས་རྩོམ་པ་པོ་རྣམས་ལ་སེམས་འགུལ་ཆེན་པོ་ཐེབས་སུ་བཅུག་ཅིང་། ཁོ་ཚོས་ལྷག་བསམ་ཟོལ་མེད་ཀྱིས་ཡུས་ཧྲུའུ་ཡི་གནོད་སེལ་རྒུད་སྐྱོབ་ཀྱི་སྙིང་སྟོབས་དང་རྡོག་རྩ་གཅིག་སྒྲིལ་སྒོས་ཁྱིམ་གཞི་གསར་བ་འཛུགས་སྐྲུན་བྱེད་བཞིན་པའི་རླབས་ཆེ་བའི་འཕེལ་རིམ་དེ་་ཡིག་ཐོག་ཏུ་འགོད་ངེས་ཡིན་ཞེས་བསྟན།

བཅར་འདྲི་ཚོགས་པས་ད་དུང་ཡུས་ཧྲུའུ་བོད་རིགས་རང་སྐྱོང་ཁུལ་དང་མགོ་ལོག་བོད་རིགས་རང་སྐྱོང་ཁུལ་གྱི་རང་བྱུང་དང་སྤྱི་ཚོགས་མཛེས་ལྗོངས་དང་། དམངས་སྲོལ་རིག་གནས་ཀྱི་ཐོན་ཁུངས་སོགས་ལ་རྟོག་ཞིབ་བྱས་པར་མ་ཟད། ཡུལ་དེ་གའི་རྩོམ་རིག་དང་རིག་གནས་དར་སྤེལ་དུ་གཏོང་བར་བློ་འདོན་ཇུས་འབུལ་གང་ལེགས་བྱས།  །