ཤིན་ཧྭ་དྲ་བའི་བོད་ཡིག་འཕྲིན་ལམ་དུ་གནས་ཚུལ་འབྱོར་གསལ།ཚེས་29ཉིན།ཧུའུ་པེ་ཞིང་ཆེན་གློག་འདྲེན་དང་གློག་སྒྱུར་ལས་གྲྭ་ཀུང་སིས་གནས་ཚུལ་སྤེལ་བར། ཀྲུང་གོའི “གློག་ཤུགས་མཁའ་ལམ” ཨང་གཉིས་པ་ཁྲོན་བོད་དྲ་སྦྲེལ་ལས་གྲྭའི་གྲུབ་ཆ་གཙོ་བོ་ཡིན་པའི་ངོས་ནས།ཀུང་སིས་འཛུགས་སྐྲུན་གྱི་འགན་ཁུར་ཞིང་འཛམ་གླིང་གི་ས་བབ་མཐོ་ཤོས་ཡིན་པའི་སྤང་མདའི་ཆན་ཧྥུ་220ཡི་གློག་སྒྱུར་ས་ཚིགས་ཚེས་28ཉིན་གྱི་ཕྱི་དྲོར་ས་བབ་མཐོ་ཚད་སྨི་4335ཡི་བོད་ལྗོངས་ཆབ་མདོ་ས་ཁུལ་དཔའ་ཤོད་རྫོང་དུ་ལས་མཇུག་འགྲིལ་བ་དང་དུས་མཚུངས་གློག་གཏོང་ཚོད་ལྟ་འཁོར་སྐྱོད་ཀྱི་དུས་རིམ་དུ་སླེབས་ཡོད།
     ཁྲོན་བོད་དྲ་སྦྲེལ་ལས་གྲྭ་ནི་མཚོ་བོད་དྲ་སྦྲེལ་ལས་གྲྭའི་རྗེས་ཀྱི་འཛམ་གླིང་ཐོག་ས་གཤིས་གྲུབ་ཆ་རྙོག་དྲ་ཚ་ཤོས་བརྒྱུད་དགོས་པ་དང་འཛུགས་སྐྲུན་གྱི་འགྲན་སློང་རང་བཞིན་ཆེ་ཤོས་ལྡན་པའི་ས་མཐོའི་ཚད་བརྒལ་མཐོ་མནོན་སྤེལ་རྒྱུག་གློག་འདྲེན་དང་གློག་སྐྱེལ་ལས་གྲྭ་ཞིག་རེད།
    ད་ཐེངས་ཀྱི་ལས་གྲྭ་མཇུག་འགྲིལ་བའི་སྤང་མདའ་གློག་སྒྱུར་ས་ཚིགས་ཀྱིས་ཆབ་མདོའི་གློག་དྲ་ལྷོ་ངོས་སུ་སྣུར་བསྲིང་བྱེད་པ་དང་།སྤང་མདའ་གནམ་ཐང་དང་དེའི་མཐའ་འཁོར་གྱི་ས་ཆའི་གློག་སྤྱོད་དགོས་མཁོ་བསྐང་བར་དོན་སྙིང་གལ་ཆེན་ལྡན་ཡོད། མིག་སྔར། ཁྲོན་བོད་དྲ་སྦྲེལ་ལས་གྲྭའི་འཛུགས་སྐྲུན་མཇུག་འགྲིལ་གྲབས་ཡོད་པ་དང་།ལས་གྲྭ་མཇུག་འགྲིལ་རྗེས་ཚད་གཞི་ངེས་ཅན་ཞིག་གི་ཐོག་ནས་བོད་ལྗོངས་ཆབ་མདོ་དང་སི་ཁྲོན་དཀར་མཛེས་སོགས་ཀྱི་ས་ཆར་དུས་ཡུན་རིང་པོའི་ནང་གློག་མི་འདང་བའི་གནད་དོན་ཐག་གཅོད་བྱེད་པ་དང་།བོད་ལྗོངས་དང་སི་ཁྲོན་སོགས་ས་ཁུལ་གྱི་དཔལ་འབྱོར་དང་སྤྱི་ཚོགས།ཐོན་ཁུངས་ལུགས་མཐུན་གྱིས་གསར་སྤེལ་དང་བེད་སྤྱོད་བྱེད་པར་སྐུལ་སྤེལ་གཏོང་ཐུབ་རྒྱུ་རེད།