ཁྲོན་བོད་གཞུང་ལམ་དང་མཚོ་བོད་གཞུང་ལམ་གཉིས་ལ་རླངས་འཁོར་ཤར་གཏོང་ཐུབ་ནས་ལོ60འཁོར་བར་དྲན་གསོ་ཞུ་ཆེད།ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་ཆ་འཕྲིན་ལྟེ་གནས་ཀྱིས་དྲྭ་བའི་སྨྱན་སྦྱོར12སྒྲིག་འཛུགས་བྱས་ནས2014ལོར་དྲྭ་བའི་སྨྱན་སྦྱོར་ལམ་གཉིས་སུ་སྐྱོད་ཅེས་པའི་བཅར་འདྲི་བྱེད་སྒོ་ཆེ་གྲས་སྤེལ་བ་རེད།ཟླ་བ10པའི་ཚེས10ཉིན་ལ་ལམ་གཉིས་ལ་བཅར་འདྲིར་སྐྱོད་པ་ཞེས་པའི་ཁྲོན་བོད་ཡན་ལག་རུ་ཁག་གི་གནས་འཕྲིན་སྤེལ་བའི་བྱེད་སྒོ་དེ་ཁྲེང་ཏུའུ་ལ་འགོ་ཚུགས་པ་རེད།
ཐེངས་འདིའི་བྱེད་སྒོའི་ནང་མི་དམངས་དྲྭ་བ་དང་ཞིན་ཧྭ་དྲ་བ་སོགས་དྲྭ་བའི་སྨྱན་སྦྱོར12ཁག་གཉིས་བགོས་ནས་ཁྲོན་བོད་གཞུང་ལམ་དང་མཚོ་བོད་གཞུང་ལམ་ཐོག་བསྐྱོད་ནས་བཅར་འདྲི་བྱེད་སྒོ་སྤེལ་ཏེ།ཡི་གེ་དང་པར་རིས།འཕྲིན་གཏོང་སོགས་ཀྱི་རྣམ་པའི་ཐོག་ནས་དྲྭ་བ་དང་འཕྲིན་ཐུང་བཅས་སྨྱན་སྦྱོར་གསར་པར་བརྒྱུད་ནས་གནས་ཚུལ་བཀོད་པ་རེད།འདི་ནི་ཐེངས་དང་པོར་རྒྱལ་ཁབ་ཀྱི་གལ་ཆེའི་གསར་འགྱུར་དྲྭ་ཚུགས་དང་སྐད་གྲགས་ཅན་གྱི་ཚོང་ལས་དྲྭ་ཚུགས་ཀྱིས་ཐེངས་དང་པོར་མཉམ་འབྲེལ་བྱས་ནས་བོད་ཁུལ་བགྲོད་ལམ་ལོ60ལྷག་ཙམ་རིང་གི་འཕེལ་རྒྱས་དང་འཕོ་འགྱུར་སྤེལ་གཏོང་བྱེད་པ་རེད།
རང་རེའི་ཞིང་ཆེན་དུ་བཅར་འདྲི་བྱེད་རིང་།གསར་འགྱུར་ལས་སྒྲུབ་པས་ལམ་རྒྱུད་ཀྱི་ཁྲོན་བོད་དམག་ཚུགས་པུའུ་དང་ལམ་གསོ་སྔོན་གཤེགས་དཔའ་བོའི་བང་སོ།གཞུང་ལམ་ལམ་བཅོས་ས་ཚིགས་སོགས་ལ་བཅར་འདྲི་བྱས་ནས་ཁོ་ཚོས་གཞུང་ལམ་འཛུགས་སྐྲུན་དང་སྐྱར་གསོ་བྱེད་རིང་དཀའ་ཚེགས་ཆེ་ཚུལ་དང་བྱས་རྗེས་འབུལ་ཚུལ་ལ་ཆ་རྒྱུས་ཟབ་མོ་བླངས་པ་མ་ཚད།ད་དུང་བོད་རིགས་གྲོང་སྡེ་དང་འགྲིམ་འགྲུལ་འཛུགས་སྐྲུན་བྱེད་གནས་ལ་བཅར་འདྲི་བྱས་ནས་བོད་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཕོ་འགྱུར་ཆེན་པོའང་སྟོན་རྒྱུ་རེད།
ཤེས་རྟོགས་བྱུང་བར་གཞིགས་ན།ལམ་གཉིས་ལ་བཅར་འདྲིར་སྐྱོད་པ་ཞེས་པའི་མཚོ་བོད་ཡན་ལག་རུ་ཁག་གི་གནས་འཕྲིན་སྤེལ་བའི་བྱེད་སྒོ་དེ་ཟླ་བ10པའི་ཚེས12ཉིན་ཟི་ཉིང་དུ་འགོ་ཚུགས་རྒྱུ་རེད།