ཀྲུང་གོ་བོད་ཀྱི་དྲ་བའི་འཕྲིན། མིག་སྔར། འབྲོག་དམངས་ཀྱི་འཚོ་བ་དང་དཔལ་འབྱོར་གོང་དུ་འཕེལ་བ་དང་བསྟུན། མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་ཨུ་དང་རྫོང་མི་དམངས་སྲིད་གཞུང་གིས་དམངས་ཀྱི་བྱ་བཞག་གོང་སྤེལ་དང་དམངས་ལ་ཐུགས་ཁུར་ནན་མོ་བཏང་སྟེ། ད་ལོ་ནས་བཟུང་། མཚོ་སྔོན་པོ་རྐང་ཚའི་མཚོ་བསྟོད་ཆོ་གའི་སྟེང་དུ་སྦྲ་གུར་འགྲན་བསྡུར་གྱི་བྱ་འགུལ་སྤེལ་བ་རེད།

བྱ་དགའ་ཨང་དང་པོ་ཐོབ་པའི་སྦྲ་གུར།
བྱ་འགུལ་འདི་ལ་སྡེ་ཁག་དང་སྡེ་ཁག་གཙོ་བྱས་ཏེ། ཐུན་མོང་མ་ཡིན་པའི་དེང་རབས་སྦྲ་གུར་ཡོད་པ་མ་ཟད། མི་རིགས་ཁྱད་ཆོས་འབུར་བཏོན་པའི་སྦྲ་གུར་གྱང་ཐོན་ཡོད་པ་རེད། ཐེངས་འདིར་སྦྲ་གུར་ལ་ཨང་དང་པོ་ནས་ཨང་བཅུ་བར་དབྱེ་ཡོད་པ་དང་། འགྲན་བསྡུར་གྱི་ཁ་གཏད་ས་གཙོ་བོ་རྐང་ཚ་རྫོང་ཁོངས་གཏོགས་ཀྱི་སྡེ་ཁག་དང་སྡེ་བ་གཙོ་བྱས་ཏེ། མཚོ་སྔོན་པོའི་ཁེ་རིམ་ཐང་སྟེ་ལྷ་མོ་གཞོངས་ཏུ་སྦྲ་གུར་གྱི་འགྲན་བསྡུར་བདེ་ལེགས་ངང་སྤེལ་དང་སྤེལ་བ་རེད།

བྱ་དགའ་ཨང་གཉིས་པ་ཐོབ་པའི་སྦྲ་གུར།
 ཐེངས་འདིར་སྦྲ་ནག་འགྲན་བསྡུར་སྤེལ་བ་དེས་རྐང་ཚའི་རྒྱ་ཆེའི་འབྲོག་པ་དམངས་ཚོགས་ཀྱིས་སྦྲ་ནག་བསྐྱར་གསོ་བྱེད་ཤུགས་ཇེ་དྲག་ཏུ་བཏང་པ་མ་ཟད། འབྲོག་པའི་སྦྲ་ནག་འགྲན་བསྡུར་གྱི་གཙོ་གནད་དུ་གྱུར་བ་མཚོན་ཐུབ། རྒྱུས་ལོན་བྱུང་བ་ལྟར་ན། ལོ་རྗེས་མ་ནས་བཟུང་སྟེ། སྡེ་བ་སོ་སོའི་སྦྲ་ནག་འགྲན་བསྡུར་གྱི་གཙོ་སྙིང་དུ་འཛིན་རྒྱུ་ཡིན་པ་མ་ཟད། མཚོ་སྔོན་པོའི་ཁེ་རིམ་ཐང་ངམ་ལྷ་མོ་གཞོངས་ཏུ་སྦྲ་ནག་འགྲན་བསྡུར་གྱི་བྱེད་རྒྱུ་རེད། །