ཟླ7པའི་ཚེས29ཉིན།  རྒྱལ་ཡོངས་ཀྱི་སྲིད་གྲོས་ཨུ་ཡོན་ནམ།  ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་པན་ཆེན་ཨེར་ཏི་ནི་ཆོས་ཀྱི་རྒྱལ་པོ་མཆོག་ཕྱིར་གཞིས་རྩེ་ས་ཁུལ་དུ་ཕེབས་པ་དང་། གྲྭ་བཙུན་དང་དད་ལྡན་མང་ཚོགས་ཁྲི་ལྷག་གིས་ཁོང་ཕྱིར་ཕེབས་པར་དགའ་བསུ་བྱས། 

ཀྲུང་གོའི་བོད་ཀྱི་དྲ་བའི་འཕྲིན། རྒྱལ་ཡོངས་ཀྱི་སྲིད་གྲོས་ཨུ་ཡོན་ནམ།  ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་པན་ཆེན་ཨེར་ཏི་ནི་ཆོས་ཀྱི་རྒྱལ་པོ་མཆོག་གིས་ལྷ་ས་རུ་སྤེལ་བའི་ཆོས་ལུགས་ཀྱི་ཆོ་ག་དང་སྤྱི་ཚོགས་བྱ་འགུལ་མཇུག་སྒྲིལ་རྗེས། ཟླ7པའི་ཚེས29ཉིན་པན་ཆེན་སྐུ་ཕྲེང་རིམ་བྱོན་གྱི་བཞུགས་གནས་གཞིས་རྩེ་ས་ཁུལ་བཀྲ་ཤིས་ལྷུན་པོ་དགོན་པ་ཕྱིར་ཕེབས་པ་དང་།  རིགས་སོ་སོ་དང་ལས་རིགས་སོ་སོ་ཐོན་པའི་དད་ལྡན་མང་ཚོགས་རྣམས་ཀྱིས་དགའ་བསུ་བྱས། 

རྒྱལ་གཅེས་ཆོས་གཅེས་ཀྱི་སྲོལ་རྒྱུན་ལེགས་པོ་ལྡན་པའི་གཙང་བཀྲ་ཤིས་ལྷུན་པོ་དགོན་པ་ནི་པན་ཆེན་སྐུ་ཕྲེང་རིམ་བྱོན་གྱི་བཞུགས་གནས་ཡིན་པ་དང་།  བོད་བརྒྱུད་ནང་བསྟན་ཆོས་ལུགས་དགེ་ལུགས་པའི་དགོན་སྡེ་ཆེན་པོ་ནང་གི་གཅིག་ཡིན།  །