2012ལོའི་བོད་སོག་གསོ་རིག་ཆེད་ལས་ཀྱི་སྨན་པའི་ཐོབ་ཐང་
ལག་ལེན་གྱི་ལག་རྩལ་རྒྱུགས་ལེན་བྱེད་སྒོ།

         ཟླ7པའི་ཚེས6ནས་ཚེས8བར། 2012ལོའི་བོད་སོག་གསོ་རིག་ཆེད་ལས་ཀྱི་སྨན་པའི་ཐོབ་ཐང་ལག་ལེན་གྱི་ལག་རྩལ་རྒྱུགས་ལེན་བྱེད་སྒོ་དེ་མཚོ་སྔོན་ཞིང་ཆེན་བོད་སྨན་ཁང་དུ་སྤེལ།
         ད་ལོར་བསྡོམས་པས་རྒྱུགས་ལེན་མཁན862ཡོད་ཅིང་།  དེ་ལས་བོད་ཀྱི་གསོ་རིག་ལས་རིགས་སྨན་པ141དང་། བོད་ཀྱི་གསོ་རིག་ལས་རིགས་རམ་འདེགས་སྨན་པ702། སོག་པོའི་གསོ་རིག་ལས་རིགས་སྨན་པ8།  སོག་པོའི་གསོ་རིག་ལས་རིགས་རམ་འདེགས་སྨན་པ11བཅས་འདུས།  མཚོ་སྔོན་ཞིང་ཆེན་བོད་སྨན་ཁང་གི་འགོ་ཁྲིད་པས་མཐོང་ཆེན་ཆེན་པོ་བྱེད་པ་ཀྱི་ཡོད་དེ། ཆེད་དུ་འགོ་ཁྲིད་ཚན་ཆུང་བཙུགས་ཏེ་རྒྱུགས་ལེན་མི་སྣ་རྩ་འཛུགས་དང་། ཞིབ་ཕྲའི་གྲ་སྒྲིག་དང་ཡང་དག་པའི་བཀོད་སྒྲིག་གནང་།  མཚོ་སྔོན་ཞིང་ཆེན་འཕྲོད་བསྟེན་ཐིན་གྱི་འབྲེལ་ཡོད་འགོ་ཁྲིད་ཡུལ་དངོས་སུ་སླེབས་ཏེ་བྱ་བར་སྣེ་ཁྲིད་པ་རེད།