ཟླ7པའི་ཚེས16ཉིན། ཚོགས་ཡུན་ཉིན་གསུམ་ཡིན་པའི་རྒྱལ་ཡོངས་ནགས་ཚལ་སྤྱི་གླིང་བྱ་བའི་བཞུགས་མོལ་ཚོགས་འདུ་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་ཚོགས། རྒྱལ་ཡོངས་ཀྱི་ཞིང་ཆེན་དང་རང་སྐྱོང་ལྗོངས། གྲོང་ཁྱེར་སོ་སོའི་ནགས་ཚལ་སྤྱི་གླིང་གི་འགན་ཁུར་མི་སྣ་གཙོ་བོ་དང་དེ་མིན་ནགས་ཚལ་སྤྱི་གླིང་གཙོ་བོ་སྐོར་ཞིག་གི་འགན་ཁུར་བ་བརྒྱ་ལྷག་གྲོས་ཚོགས་སུ་ཞུགས་ཡོད། གྲོས་ཚོགས་ལས་ནགས་ཚལ་སྐྱེ་ཁམས་རིག་གནས་འཛུགས་སྐྲུན་དང་། སྲིད་ཇུས་འགན་སྲུང་། ལྟ་སྐུལ་ཞིབ་བཤེར་སོགས་ཀྱི་ཐད་ནས། རང་རྒྱལ་གྱི་ད་ལྟའི་དུས་རིམ་གྱི་ནགས་ཚལ་སྤྱི་གླིང་འཛུགས་སྐྲུན་དང་ནགས་ཚལ་གནས་སྐོར་འཕེལ་རྒྱས་ལ་སྤྱི་བསྡོམས་བྱས་པ་དང་། དེའི་དམིགས་ཡུལ་ནི་ཞིང་ཆེན་དང་གྲོང་ཁྱེར་སོ་སོའི་ནགས་ཚལ་སྤྱི་གླིང་གི་རྗེས་ཕྱོགས་ཀྱི་བྱ་བར་དཔེ་ལྟ་ས་ཞིག་འདོན་སྤྲོད་བྱ་རྒྱུ་དེ་རེད།

གྲོས་ཚོགས་ལས་ཀྲུང་དབྱང་ནགས་ལས་བྱ་བའི་གྲོས་ཚོགས་ཀྱི་དགོངས་དོན་ལག་ལེན་མཐིལ་ཕྱིན་བྱས་པའི་དུས་མཚུངས་སུ། ཉིས་སྟོང་བཅུ་གཅིག་ལོའི་རྒྱལ་ཡོངས་ནགས་ཚལ་སྤྱི་གླིང་འཛུགས་སྐྲུན་དང་ནགས་ཚལ་གནས་སྐོར་འཕེལ་རྒྱས་བྱ་བར་ཕྱིར་དྲན་དང་། གོ་རིམ་རྗེས་མའི་བྱ་བ་གལ་ཆེན་ལ་ཞིབ་འཇུག་དང་བཀོད་སྒྲིག་བྱས། གྲོས་ཚོགས་སྟེང་། ཞིང་ཆེན་ནགས་ལས་ཐིན་གྱི་འབྲེལ་ཡོད་མགོ་ཁྲིད་བློ་མཐུན་གྱིས་མཚོ་སྔོན་གྱི་ནགས་ཚལ་སྤྱི་གླིང་འཛུགས་སྐྲུན་དང་ནགས་ཚལ་གནས་སྐོར་འཕེལ་རྒྱས་བྱ་བ་མཚམས་སྦྱོར་རགས་བསྡུས་བྱས་པ་དང་། པེ་ཅིན་གྲོང་ཁྱེར་གྱི་སྐྱེད་ཚལ་ལྗང་སྒྱུར་ཅུའུ་སོགས་ལས་ཁུངས་བརྒྱད་ཀྱི་འགན་ཁུར་བས་ཁོ་ཚོའི་ཉམས་མྱོང་ངོ་སྤྲོད་བྱས། །