ཀྲུང་གོ་བོད་ཀྱི་དྲ་བའི་འཕྲིན། བློ་མཐུན་ཞི་ཅིན་ཕེན་སྤྱི་ཁྱབ་ཧྲུའུ་ཅི་ཡིན་པའི་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་འོག ཉེ་ལམ། རྒྱལ་སྲིད་སྤྱི་ཁྱབ་ཁང་གིས་སྔ་གཞུག་ཏུ་བོད་རང་སྐྱོང་ལྗོངས་ཀྱི་གཞིས་རྩེ་ས་ཁུལ་དང་ཆབ་མདོ་ས་ཁུལ་གཉིས་སོ་སོར་གཞིས་རྩེ་གྲོང་ཁྱེར་དང་ཆབ་མདོ་གྲོང་ཁྱེར་དུ་སྒྱུར་བའི་སྐོར་གྱི་འབྲེལ་ཡོད་ཡིག་ཆར་ཆོག་མཆན་བཀོད་ནས་ལན་བཏབ།དེ་ལས་བོད་ལྗོངས་བཅོས་བསྒྱུར་དང་འཕེལ་རྒྱས་བརྟན་རླིང་ཡོང་བར་སྐུལ་འདེད་ཆེན་པོ་གཏོང་བ་དང་།གཞིས་རྩེ་དང་ཆབ་མདོ་གྲོང་ཁྱེར་གཉིས་ཀྱི་རིགས་སོ་སོའི་མི་དམངས་ལ་བདེ་སྐྱིད་སྐྲུན་ཐུབ་པ་མ་ཟད། སྤྱི་ཁྱབ་ཧྲུའུ་ཅི་ཞི་ཅིན་ཕེན་གཙོ་ཡིན་པའི་ཏང་ཀྲུང་དབྱང་གིས་བོད་ལྗོངས་ཀྱི་བྱ་བར་མཐོང་ཆེན་གནང་བཞིན་པ་དང་བོད་ལྗོངས་ཀྱི་མི་རིགས་སོ་སོའི་མི་དམངས་ལ་ཐུགས་ཁུར་དམིགས་བསལ་བྱེད་བཞིན་པར་མཚོན་ཐུབ། ཟླ11པའི་ཚེས2ཉིན་གྱི་སྔ་དྲོར། རང་སྐྱོང་ལྗོངས་ཀྱི་གྲོང་ཁྱེར་བསྐྲུན་པའི་བྱ་བའི་མགོ་ཁྲིད་ཚོ་ཆུང་གིས་ཚོགས་འདུ་བསྡུས་ཏེ།གཞིས་རྩེ་དང་ཆབ་མདོ་གྲོང་ཁྱེར་གཉིས་འཛུགས་པའི་བྱ་བའི་འབྲེལ་ཡོད་གནས་ཚུལ་བརྒྱུད་བསྒྲགས་བྱས་པ་དང་། འབྲེལ་ཡོད་བྱ་བ་བཀོད་སྒྲིག་བྱས། །