ཉེ་བའི་ལོ་ནང་བོད་ལྗོངས་ཀྱི་གཟུགས་འདས་རིག་གནས་ཤུལ་བཞག་རྩ་ཆེན་དག་སྲུང་འཛིན་ལེགས་པོ་བྱེད་ཆེད་བོད་ལྗོངས་ཀྱི་རིམ་པ་སོ་སོའི་རིག་གནས་སྡེ་ཁག་གིས་ལག་སོན་བྱུང་བའི་གཟུགས་འདས་ཤུལ་བཞག་རིག་གནས་ལས་གཞིའི་ཡི་གེ་དང་། པར་རིས། བརྙན་རིས་སོགས་ཀྱི་རྒྱུ་ཆ་རྣམས་གློག་ཀླད་དུ་བཞག་ནས་རང་སྐྱོང་ལྗོངས་དང་། གྲོང་ཁྱེར། རྫོང་བཅས་རིམ་པ་གསུམ་གྱི་གཟུགས་འདས་ཤུལ་བཞག་རིག་གནས་གྲངས་མཛོད་འཛུགས་སྐྲུན་དང་ཐེ་ཚང་དུ་བཏང་།
　　སྡོམ་རྩིས་བྱས་པ་ལྟར་ན་མིག་སྔའི་བར་དུ་བོད་ལྗོངས་སུ་ཁྱོན་སྡོམ་གཟུགས་འདས་ཤུལ་བཞག་རིག་གནས་ལས་གཞི800ལ་ཉེ་བ་རྙེད་པ་སྟེ། དེ་དག་ནི་གཙོ་བོ་དམངས་ཁྲོད་རྩོམ་རིག་དང་། སྲོལ་རྒྱུན་གླུ་གཞས། སྲོལ་རྒྱུན་ཞབས་བྲོ། བཤད་པ། སྲོལ་རྒྱུན་ཟློས་གར། སྲོལ་རྒྱུན་སྒྱུ་རྩལ་སོགས་རིགས་བཅུ་རུ་དགར་ཡོད་ཅིང་། གཟུགས་འདས་ཤུལ་བཞག་རིག་གནས་ཀྱི་ཐོན་ཁུངས་ཡོངས་ཁོངས་སུ་འདུས།
　　བོད་ལྗོངས་གཟུགས་འདས་ཤུལ་བཞག་རིག་གནས་སྲུང་སྐྱོབ་ལྟེ་གནས་ཀྱི་འབྲེལ་ཡོད་མི་སྣས་མཚམས་སྦྱོར་བྱས་པ་ལྟར་ན་བོད་ལྗོངས་ཀྱིས་རྒྱལ་ཁབ་རིམ་པ་དང་ལྗོངས་རིམ་པའི་གཟུགས་འདས་ཤུལ་བཞག་རིག་གནས་ལས་གཞི་སྐོར་ཁག་དང་པོ་དང་གཉིས་པ་གཉིས་ཀྱི་ནང་འཇུག་བྱ་བ་ལེགས་འགྲུབ་བྱུང་བ་དང་། ནང་འཇུག་བྱས་པའི་ལས་གཞི་རིགས120ལྷག་ཡོད། མིག་སྔར་སྐོར་ཁག་གསུམ་པའི་རྒྱལ་ཁབ་རིམ་པ་དང་ལྗོངས་རིམ་པའི་ལས་གཞིའི་ནང་འཇུག་བྱ་བ་སྒྲུབ་བཞིན་ཡོད་པ་རེད།