ཚེས13ཉིན། ཀྲུང་གུང་ཀྲུང་དབྱང་ཏང་གི་སློབ་གྲྭས2012ལོའི་དཔྱིད་ཀའི་སློབ་སྐབས་ཀྱི་མཐར་ཕྱིན་མཛད་སྒོ་བསྡུས་པ་དང་། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ ཅི། ཀྲུང་དབྱང་ཏང་གི་སློབ་གྲྭའི་སློབ་གཙོ་ཞི་ཅིན་ཕེན་མཐར་ཕྱིན་མཛད་སྒོར་ཞུགས་པ་མ་ཟད་སློབ་མར་མཐའ་ཕྱིན་འཛིན་ཡིག་གནང་།

ཀྲུང་དབྱང་ཏང་གི་སློབ་གྲྭའི་སྐབས་འདིའི་མཐར་ཕྱིན་སློབ་མ་ཁྱོན་བསྡོམས་740ཡོད། དེ་ལས་གཞན་ད་དུང་ཀྲུང་དབྱང་ཐད་གཏོགས་ལས་ཁུངས་དང་ཀྲུང་དབྱང་རྒྱལ་ཁབ་ལས་ཁུངས་ཀྱི་ཡན་ལག་སློབ་གྲྭ། དམག་དཔུང་གི་ཡན་ཡག་རུ་ཁག་དང་རྒྱལ་སྲིད་སྤྱི་ཁྱབ་ཁང་རྒྱལ་དབང་མ་རྩ་ལྟ་སྐུལ་དོ་དམ་ཨུ་ཡོན་ལྷན་ཁང་གི་ཡན་ལག་སློབ་གྲྭ་བཅས་ཀྱི་སློབ་མ་སུམ་སྟོང་སུམ་བརྒྱ་དུས་མཉམ་དུ་སློབ་མཐར་ཕྱིན། སློབ་མ་རྣམས་ཀྱིས་མཐའ་གཅིག་དུ་སློབ་སྦྱོང་གསོ་སྦྱོང་ལ་ཞུགས་པ་བརྒྱུད་ནས། ཏང་གི་སྔོན་ཐོན་རང་བཞིན་དང་རྣམ་དག་རང་བཞིན། དངོས་ཐོག་བདེན་འཚོལ་གྱི་བསམ་བློའི་ལམ་ཕྱོགས་ཀྱི་རང་རྟོག་རང་བཞིན་དང་འགྱུར་མེད་རང་བཞིན་ཇེ་བརྟན་དང་། ཏང་གཤིས་བློ་སྦྱོང་ཇེ་མཐོར་སོང་ཡོད་ལ། མར་ཁེ་སི་དང་ལེ་ཉིན་རིང་ལུགས། མའོ་ཙེ་ཏུང་གི་དགོངས་པ་དང་ལྷག་པར་དུ་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་གཞུང་ལུག་མ་ལག་གི་སློབ་སྦྱོང་ངོས་ཟིན་གཏིང་ཟབ་དུ་སོང་ནས་གཞུང་ལུགས་ཀྱི་རྨང་གཞི་བརྟན་པོ་ཞིག་བཏིངས་ཡོད། དེ་མིན་དེང་སྐབས་འཛམ་གླིང་གི་འཕེལ་ཕྱོགས་ཆེན་པོ་དང་རང་རྒྱལ་གྱི་བྱེད་ཕྱོགས་དང་སྲིད་ཇུས་ཆེན་མོ་ལ་ངོས་ཟིན་ཟབ་མོ་ཐོབ་ནས་འཛམ་གླིང་གི་མིག་རྒྱང་དང་འཐབ་ཇུས་ཀྱི་བསམ་བློ་ཇེ་བརྟན་དུ་གྱུར་ཡོད་ཟེར།

ཀྲུང་དབྱང་ཏང་གི་སློབ་གྲྭའི་རྒྱུན་ལས་སློབ་གཙོ་གཞོན་པ་ལིས་ཅིན་ཐེན་གྱིས་མཐར་ཕྱིན་མཛད་སྒོའི་སྟེང་གཏམ་བཤད། རེ་བ་ལ་སློབ་མ་དག་གིས་ཚེ་གང་བོར་སློབ་སྦྱོང་བྱེད་པ་རྒྱུན་འཁྱོངས་བྱས་ཏེ། སློབ་སྦྱོང་རང་བཞིན་གྱི་འགོ་ཁྲིད་ལས་བྱེད་པ་བྱེད་དགོས་པ་དང་། ཀྲུང་དབྱང་གི་ཐག་གཅོད་བཀོད་སྒྲིག་ངེས་པ་དོན་གྱིས་ལག་ལེན་མཐར་ཕྱིན་བྱས་ནས། གཡུར་དུ་ཟ་བའི་གྲུབ་འབྲས་ཀྱིས་ཏང་གི་ཚོགས་ཆེན་ཐེངས་བཅོ་བརྒྱད་པ་རྒྱལ་ཁའི་ངང་འཚོགས་པར་བསུ་བ་བྱེད་དགོས། སྔོན་ཐོན་སྐྲུན་ཞིང་ཕུལ་བྱུང་བརྩོན་པ་དེ་རྒྱུན་ལྡན་ཅན་དུ་བསྒྱུར་ནས་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་རྒྱུན་འཁྱོངས་དང་འཕེལ་རྒྱས་སུ་གཏོང་བའི་མིག་དཔེ་སྟོན་སར་འགྱུར་དགོས་ཟེར།

ལིས་ཡོན་ཁྲའོ་དང་ཧི་ཡོང་། ལིན་ཅི་ཧྭ་མཐར་ཕྱིན་མཛད་སྒོར་ཞུགས།

ཀྲུང་དབྱང་འབྲེལ་ཡོད་སྡེ་ཁག་གི་འགན་ཁུར་བ་དང་ཀྲུང་དབྱང་ཏང་གི་སློབ་གྲྭའི་འགན་ཁར་བ་ཡང་མཐར་ཕྱིན་མཛད་སྒོར་ཞུགས།