མི་ཤུགས་ཐོན་ཁུངས་དང་སྤྱི་ཚོགས་འགན་ལེན་པུའུ་ཡིས་ཁྱབ་བསྒྲགས་བྱས་པའི་གྲངས་ཚད་ལྟར་ན་སྤྱི་ལོ2011ལོར་རྒྱལ་ཡོངས་ཀྱི་ཟླ་རེའི་མི་རེའི་ཆ་སྙོམས་ཀྱི་རྒན་གསོའི་མ་དངུལ་གྱི་ཆུ་ཚད་སྒོར1531ཟིན་ཡོད་པ་རེད།

ཀྲུང་གོའི་གསར་འགྱུར་དྲ་བའི་ནོར་སྲིད་དཔལ་འབྱོར་བརྙན་ལམ་ནས་བསྡོམས་རྩིས་བྱས་པ་ལྟར་ན། རྒྱལ་ཡོངས་ཀྱི་ཞིང་ཆེན་ཡོངས་སུ་སྤྱི་ལོ2012ལོར་ལས་འཁྱུར་ངལ་གསོ་ཞུས་མིའི་རྒན་གསོའི་མ་དངུལ་རྩ་བའི་ཆ་ནས་བསྒྱུར་བཅོས་བཏང་ཡོད་པ་རེད། དེའི་ནང་ཞིང་ཆེན18ཀྱི་སྤྱི་ལོ2012ལོར་ཁེ་ལས་ལས་ཁུངས་ནས་ལས་འཁྱུར་ངལ་གསོ་ཞུས་པའི་ཟླ་རེའི་རྒན་གསོའི་མ་དངུལ་གྱི་ཆུ་ཚད་ཁྱབ་བསྒྲགས་བྱས་ཡོད་པ་དང་། གྲངས་ཚད་ལྟར་ན། བོད་ལྗོངས་སུ་སྒོར2700ཡོད་པས་ཨང་དང་པོར་སླེབས་ཀྱི་ཡོད་པ་དང་། པེ་ཅིང་དུ2510ཡོད་པས་ཨང་གཉིས་པ་ཡིན་པ། ཅི་ལིང་ལ་སྒོར1370ལས་མེད་པས་མཇུག་ཤོས་སུ་སླེབས་ཀྱི་ཡོད་པ་རེད།  །