ཀྲུང་གོའི་བོད་ཀྱི་དྲ་བའི་འཕྲིན། ཉེ་ལམ། གསར་འགོད་པས་མཚོ་སྔོན་ཞིང་ཆེན་དམངས་ཁྲོད་རིག་རྩལ་པའི་མཐུན་ཚོགས་ནས་ཤེས་གསལ་བྱུང་བ་ལྟར་ན། ཕྱོགས་མང་པོས་མཚམས་སྦྱོར་དང་ལེགས་འདེམས་བྱས་པ་བརྒྱུད། 2012ལོའི་སྐབས་དང་པོའི་ཀྲུང་གོའི་བོད་ཀྱི་ལ་གཞས་འགྲན་བསྡུར་སྟེང་ཞུགས་པའི་བོད་ལྗོངས་འགྲན་ཁུལ་གྱི་གླུ་བ་གླུ་མ་བདམས་ཐོན་བྱུང་། བསྡོམས་པས་གླུ་བ་གསུམ་དང་གླུ་མ་གསུམ་ཐེངས་འདིའི་འགྲན་ཚོགས་སྟེང་ཞུགས་རྒྱུ་ཡིན་པ་སྟེ། ཁོ་ཚོ་ནི་རྡོ་བུ（ཕོ）དང་།  ཉི་མ་བློ་བཟང（མོ）།  ཉི་མ་ཁྱུང་ཟླ（ཕོ）།  བསྟན་འཛིན་སྒྲོལ་དཀར（མོ）།  ཕུ་ཆུང（ཕོ）།  ཚེ་བརྟན་སྒྲོལ་དཀར（མོ）བཅས་ཡིན། 

རྒྱུས་ལོན་པ་ལྟར་ན། ཐེངས་འདིའི་འགྲན་ཚོགས་ནི་ས་ཁུལ་སོ་སོས་ཐོག་མར་འགྲན་བསྡུར་སྟེང་བདམས་ཐོན་བྱུང་རྗེས། ཟླ7པའི་ཟླ་མཇུག་ལ་མཚོ་སྔོན་ཞིང་ཆེན་ཆི་ལིན་རྫོང་གནས་སྐོར་ཡུལ་ལྗོངས་ཁུལ་དུ་རྟིང་རྩོད་འགྲན་བསྡུར་སྟེང་ཞུགས་རྒྱུ་ཡིན་པ་དང་དུས་མཚུངས་སུ་སྐབས་དང་པོའི་རྒྱལ་ཡོངས་བོད་ཀྱི་ལ་གཞས་བགྲོ་གླེང་ཚོགས་འདུ་བསྡུ་རྒྱུ་རེད།   །