“ངའི་མཐོང་སྣང་ཁྲོད་ཀྱི་བོད་ལྗོངས”ཞེས་པའི་སློབ་ཆེན་པའི་བརྙན་གཟུགས་འགྲན་སྡུར་སྐབས་གཉིས་པའི་འགོ་རྩོམ་མཛད་སྒོ།

ཀྲུང་དབྱང་མི་རིགས་སློབ་ཆེན་གྱི་སློབ་གཙོ་གཞོན་པ་ཤེས་རབ་ཉི་མས་གསུང་བཤད་གནང་བཞིན་པ།

　　 “ངའི་མཐོང་སྣང་ཁྲོད་ཀྱི་བོད་ལྗོངས་”ཞེས་པའི་སློབ་ཆེན་པའི་བརྙན་གཟུགས་འགྲན་སྡུར་སྐབས་གཉིས་པ་ནི་གླིང་ཆེན་ལྔའི་ཁྱབ་བསྒྲགས་ལྟེ་གནས་དང་། ཀྲུང་གོ་རྒྱང་སྒྲོག་བརྙན་འཕྲིན་རིག་པའི་ཞིབ་འཇུག་ཚོགས་པ། ཀྲུང་གོ་སྨྱན་སྦྱོར་སློབ་ཆེན་གྱི་བརྙན་འཕྲིན་དང་གསར་འགྱུར་སྡེ་ཁག  ཀྲུང་དབྱང་མི་རིགས་སློབ་གྲྭ་ཆེན་མོའི་ཏང་ཨུ་དྲིལ་བསྒྲགས་པུའུ་བཅས་ཀྱིས་མཉམ་འབྲེལ་སྒོས་གཙོ་སྒྲུབ་བྱས་པ་དང་། ཅེ་ནཱན་སློབ་ཆེན་གྱིས་མཐུན་སྦྱོར་གྱིས་སྒྲུབ་པའི་མཐོ་རིམ་སློབ་གྲྭའི་ནང་སྤེལ་བའི་སྤྱི་ཚོགས་བྱེད་སྒོ་ཞིག་ཡིན། ཐེངས་འདིའི་འགྲན་སྡུར་གྱིས་རྒྱལ་ཡོངས་ཀྱི་མཐོ་རིམ་སློབ་གྲྭ་བརྒྱ་ལྷག་ཞུགས་པ་དང་། དེ་མིན་སློབ་རའི་དྲིལ་བསྒྲགས་དང་བསྡུ་ལེན་ལ་སོགས་པའི་སྐོར་འཕར་སྣོན་བྱས་ཤིང་། དེ་ལས་མང་བའི་སློབ་ཆེན་པས་འགྲན་སྡུར་ལ་དོ་ཁུར་དང་ཧུར་ཐག་གིས་བྱེད་སྒོར་ཞུགས་པའི་བློ་བཀུག་པ་རེད།

འགྲན་ཞུགས་སློབ་མར་བཅར་འདྲི་བྱེད་བཞིན་པ།

འགྲན་ཞུགས་སློབ་མར་བཅར་འདྲི་བྱེད་བཞིན་པ།

　　འགྲན་སྡུར་གྱི་དམིགས་ཡུལ་ནི་སློབ་ཆེན་པའི་སྤྲོ་སེམས་དང་མཐོང་སྣང་སྤྱད་དེ“བོད་ལྗོངས་ལ་བལྟ་བ།” བརྙན་གཟུགས་སྤྱད་དེ་ཇི་མ་ཇི་བཞིན་དུ་ཟིན་ཐོར་འགོད་པ་དང་། བོད་ལྗོངས་དང་བོད་ཁུལ་གཞན་དག་གི་དཔལ་འབྱོར་དང་སྤྱི་ཚོགས་གོང་འཕེལ་གྱི་འགྱུར་ལྡོག་མངོན་པར་བྱེད་པ། དེའི་མཚུངས་སུ་སློབ་རའི་རིག་གནས་འཚོ་བ་འཁྲུག་པོར་བཟོ་བ་དང་མཐོ་རིམ་སློབ་གྲྭའི་ལོ་གཞོན་སློབ་མར་འཇོན་ཐང་ངོམས་པའི་སྡིངས་ཆ་ཞིག་མཁོ་འདོན་བྱས་པ་རེད། རྒྱུས་ལོན་བྱུང་བ་ལྟར་ན་འགྲན་བསྡུར་ཟླ7པ་ནས་ཟླ10བའི་བར་དུ་རྒྱུན་སྲིང་རྒྱུ་ཡིན་ཅིང་། པར་བསྐྱོན་པའི་རྣམ་པDVརིགས་དང་བརྙན་ལེན་གྱི་རིགས་གཉིས་སུ་ཕྱེས་ཡོད་པ་དང་། བརྗོད་བྱ་ལ་མཛེས་ལྗོངས་ཀྱི་རིགས་དང་། མི་ཆོས་ཀྱི་རིགས། འཛུགས་སྐྲུན་གྱི་རིགས་བཅས་ཡིན།