ཞིན་ཞྭ་གསར་འགྱུར་ཁང་པེ་ཅིན་ནས་ཟླ་བ6པའི་ཚེས6ཉིན་འབྱོར་བའི་གཏམ་གསར།གོང་ཚེས་ཉིན་ཀྲུང་གོ་ནང་བསྟན་མཐུན་ཚོགས་བོད་བརྒྱུད་ནང་བསྟན་ལས་དོན་ཨུ་ཡོན་ལྷན་ཁང་གིས་བོད་ལྗོངས་དང་།སི་ཁྲོན།ཡུན་ནན།ཀན་སུའུ།མཚོ་སྔོན་སོགས་ཞིང་ཆེན་(རང་སྐྱོང་ལྗོངས)ལྔར་བོད་བརྒྱུད་ནང་བསྟན་གྱི་འཆམ་མཐུན་དགོན་པ་བསྐྲུན་པའི་བྱེད་སྒོ་སྤེལ་རྒྱུ་དར་སྤེལ་གཏོང་རྒྱུའི་གྲོས་འགོ་བཏོན་པ་དང་རྒྱ་ཆེའི་བོད་བརྒྱུད་ནང་བསྟན་ལས་རིགས་ཀྱི་གྲྭ་བཙུན་ལ་རྒྱབ་སྐྱོང་འགྲོ་ཕན་དང་འཆམ་མཐུན་མཉམ་གཏོད་ཀྱི་གྲོས་འགོ་བཏོན་པ་རེད།
    ཀྲུང་གོ་ནང་བསྟན་མཐུན་ཚོགས་བོད་བརྒྱུད་ནང་བསྟན་ལས་དོན་ཨུ་ཡོན་ལྷན་ཁང་གིས་ཞིང་ཆེན(རང་སྐྱོང་ལྗོངས)ལྔ་ཡི་རྒྱ་ཆེའི་བོད་བརྒྱུད་ནང་བསྟན་གྲྭ་བཙུན་ཚོས་འཆམ་མཐུན་དགོན་སྡེ་བསྐྲུན་པའི་བྱེད་སྒོའི་ནང་ཧུར་ཐག་གི་སྒོ་ནས་ཞུགས་པ་དང་།བོད་བརྒྱུད་ནང་བསྟན་གྱི་རྒྱལ་གཅེས་ཆོས་གཅེས་ཀྱི་གཟི་བརྗིད་སྲོལ་རྒྱུན་བརྒྱུད་འཛིན་དང་དར་སྤེལ་གཏོང་བ།འཆམ་མཐུན་སྤྱི་ཚོགས་སྐྲུན་པའི་ཁྲོད་བོད་བརྒྱུད་ནང་བསྟན་གྱིས་དགེ་མཚན་ལྡན་པའི་ནུས་པ་འདོན་སྤེལ་བཅས་བྱས་ཏེ་བོད་བརྒྱུད་ནང་བསྟན་དེ་ཉིད་རྒྱབ་སྐྱོང་ཆོས་སྐྱོང་དང་།འགྲོ་དྲུག་བདེ་ལ་འགོད་པའི་བསམ་པའི་དག་ཞིང་ཞིག་ཏུ་འགྱུར་བ་བྱེད་དགོས་པའི་གྲོས་འགོ་བཏོན་པ་རེད།
གྲོས་གཞིའི་ཡི་གེའི་ནང་བསྟན་དོན།རྒྱལ་སྐྱོང་འགྲོ་ཕན་གྱི་བརྒྱུད་ཁྲིད་པ་ཞིག་བྱེད་དགོས།རྒྱལ་སྐྱོང་འགྲོ་ཕན་ནི་བོད་བརྒྱུད་ནང་བསྟན་གནས་པ་དང་དར་སྤེལ་གཏོང་བའི་རྩ་བ་ཞིག་ཡིན་པས་བོད་བརྒྱུད་ནང་བསྟན་གྱི་གྲྭ་བཙུན་རྣམ་པས་དང་ཐོག་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཚད་དང་མཐུན་པའི་སྤྱི་དམངས་ཤིག་བྱས་ནས་རང་རྟོགས་ངང་མེས་རྒྱལ་གཅིག་གྱུར་སྲུང་སྐྱོང་དང་།མི་རིགས་མཐུན་སྒྲིལ་སྲུང་སྐྱོང་།སྤྱི་ཚོགས་འཆམ་མཐུན་བརྟན་བརླིང་སྲུང་སྐྱོང་།ཁ་ཕྲལ་གྱི་གཏམ་སྤྱོད་དང་བྱེད་སྤྱོད་མཐའ་དག་ལ་ངོ་རྒོལ་བྱེད་པ་བཅས་བྱེད་དགོས།རྒྱལ་ཁབ་ཀྱི་བཅའ་ཁྲིམས་སྲུང་དགོས།རྒྱལ་ཁབ་གང་ཞིག་གི་ཆོས་ལུགས་ཚོགས་པ་དང་མི་སྒེར་ཚང་མས་གནས་སའི་རྒྱལ་ཁབ་ཀྱི་བཅའ་ཁྲིམས་ཀྱི་གཅུན་འདོམས་ལས་བརྒལ་མི་ཆོག་པ་དང་བཅའ་ཁྲིམས་ཀྱི་མདུན་དུ་མི་ཚང་མ་འདྲ་མཉམ་ཡིན་ཞིང་།བཅའ་ཁྲིམས་ཀྱི་ཁྱབ་ཁོངས་ལས་བྲལ་བའི་མི་མེད་ལ་བཅའ་ཁྲིམས་ཀྱི་ཁྱབ་ཁོངས་ལས་བརྒལ་བའི་གྲྭ་བཙུན་ཡང་མེད་པར་བརྟེན་བོད་བརྒྱུད་ནང་བསྟན་གྱི་གྲྭ་བཙུན་མི་སྒེར་གྱི་ཆོས་དད་རང་མོས་ལ་བཅའ་ཁྲིམས་ཀྱི་སྲུང་སྐྱོང་ཐོབ་པ་དང་དུས་མཚུངས་དགོན་སྡེ་དང་གྲྭ་བཙུན་གྱི་ཆོས་ལུགས་བྱེད་སྒོ་ཡང་ངེས་པར་དུ་རྒྱལ་ཁབ་ཀྱི་བཅའ་ཁྲིམས་དང་ལམ་ལུགས་ཀྱི་ཁྱབ་ཁོངས་ནང་སྤེལ་དགོས།རྒྱལ་ཁབ་ཀྱི་ཁྲིམས་ལུགས་བརྩི་སྲུང་བ་དང་ཁྲིམས་ལྟར་ཆོས་ལུགས་ཀྱི་བྱེད་སྒོ་སྤེལ་ཚེ་གཞི་ནས་བོད་བརྒྱུད་ནང་བསྟན་སྐྱོན་བྲལ་ངང་འཕེལ་རྒྱས་འགྲོ་རྒྱུར་འགན་སྲུང་བྱེད་ཐུབ།འདུལ་ཁྲིམས་སྲུང་དགོས།སྡོམ་པ་ཚུལ་བཞིན་སྲུང་བ་དང་།ཞི་ཞིང་དུལ་བ་བཅས་ཡོང་བ་བྱེད་དགོས།པཎ་ཆེན་སྐུ་ཕྲེང་བཅུ་པ་མཆོག་གིས་དགོན་པ་དགོན་པ་འདྲ་བ་དང་གྲྭ་བཙུན་གྲྭ་བཙུན་འདྲ་བ་ཞིག་བྱེད་དགོས་ཞེས་གསུངས་མྱངས་ཡོད།བོད་བརྒྱུད་ནང་བསྟན་གྱི་གྲྭ་བཙུན་གྱིས་སངས་རྒྱས་ཀྱི་བསྟན་པ་སྲུང་བ་དང་འདུལ་ཁྲིམས་རྩ་བར་བཟུང་ནས་ཐོས་བསམ་སྒོམ་གསུམ་ལ་གཞོལ་བ་དང་བསླབ་པ་གསུམ་ལ་བྱང་ཞིང་ཆུབ་པ་ཞིག་བྱུང་ན།གཞི་ནས་བོད་བརྒྱུད་ནང་བསྟན་འཛིན་སྐྱོང་བྱེད་ཐུབ།སྤྱི་ཚོགས་དང་དད་ལྡན་མང་ཚོགས་ལ་ཞབས་འདེགས་ཞུ་དགོས།བོད་བརྒྱུད་ནང་བསྟན་དགོན་སྡེ་དང་གྲྭ་བཙུན་ནི་སྤྱི་ཚོགས་ཀྱི་གྲུབ་ཆ་ཞིག་ཡིན་པས་ངེས་པར་དུ་དགེ་བའི་ལས་ལ་བརྟེན་ནས་སྤྱི་ཚོགས་ལ་དྲིན་ལན་འཇལ་དགོས་པ་དང་དོར་ཐབས་མེད་པའི་སྒོ་ནས་སྤྱི་ཚོགས་འཆམ་མཐུན་ལ་སྐུལ་འདེད་གཏོང་དགོས།