ཉེ་ཆར།རྒྱལ་ཁབ་འཕྲོད་བསྟེན་དང་འཆར་ལྡན་བུ་བཙའ་ཨུ་ཡོན་ལྷན་ཁང་གིས། ཀྲུང་གོའི་སྡོད་དམངས་ཀྱི་ཡུན་ནད་དང་འཚོ་བཅུད་ལ་ལྟ་སྐུལ་ཚད་ལེན་བྱེད་པའི་ལས་ཀའི་ཇུས་གཞི་ཞེས་པ་ཡོངས་བསྒྲགས་བྱས་ནས།རང་རྒྱལ་གྱི་སྡོད་དམངས་ཀྱི་ཡུན་ནད་དང་འཚོ་བཅུད་ལ་ལྟ་སྐུལ་ཚད་ལེན་བྱེད་ཤུགས་ཆེ་རུ་བཏང་ཐོགརིམ་བཞིན་ཡུན་ནད་དང་འཚོ་བཅུད་ཀྱི་འབྲེལ་ཡོད་གྲངས་གཞི་མཉམ་སྤྱོད་བྱེད་པའི་སྟེགས་བུ་དང་སྒྲིག་གཞི་འཛུགས་རྒྱུ་ཡིན་ཞེས་བཏོན་པ་རེད།
ཇུས་གཞིར་གཞིགས་ན།ལྟ་ཞིབ་ཚད་ལེན་བྱས་ཏེ་ས་ཚིགས302འཐེན་ཞིབ་བྱས་ནས་ཀྲུང་གོའི་དར་མའི་ཡུན་ནད་དང་འཚོ་བཅུད་ལ་ལྟ་སྐུལ་ཚད་ལེན་བྱེད་རྒྱུ་དང་ས་ཚིགས150འཐེན་ཞིབ་བྱས་ཏེ་ཀྲུང་གོའི་བྱིས་པ་དང་ཨ་མའི་འོ་མའི་འཚོ་བཅུད་ལ་བདེ་ཐང་གི་ལྟ་སྐུལ་ཚད་ལེན་བྱས་ཏེ།ཁག་སོ་སོར་ས་ཚིགས125དང་ས་ཚིགས100ལ་ཀྲུང་གོའི་སྡོད་དམངས་ཀྱི་ཡུན་ནད་དང་གློ་ནད་ལྟ་ཞིབ་ཚད་ལེན།དེ་བཞིན་ཀླད་སྙིང་ཁྲག་རྩ་འགག་པ་བཅས་ཀྱི་དོན་རྐྱེན་གྱི་སྙན་ཞུའི་ཚོད་ལྟའི་ལས་དོན་སྤེལ་རྒྱུ་ཡིན་པ་རེད། དེ་མིན། རྒྱལ་ཡོངས་སུ་ཡུག་གཅིག་སྒྲིལ་གྱི་དམིགས་བསལ་དཀའ་ངལ་ཡོད་པའི་ས་ཁུལ་ནས་ས་ཚིགས50འཐེན་ཞིབ་བྱས་ཏེ།གྲོང་གསེབ་ཀྱི་འོས་འགན་སློབ་གསོའི་སློབ་མའི་འཚོ་བཅུད་བདེ་ཐང་གནས་ཚུལ་ལ་ལྟ་ཞིབ་ཚད་ལེན་བྱེད་རྒྱུ་དང་།རང་རྒྱལ་གྱི་ཞིང་ཆེན་དང་གྲོང་ཁྱེར་ཉི་ཤུའི་ཚོད་ལྟ་ཁང་ལ་བརྟེན་ནས་ཀྲུང་གོའི་ཟས་རིགས་གྲུབ་ཆར་ལྟ་ཞིབ་ཚད་ལེན་བྱེད་རྒྱུ་ཡིན་པ་རེད།