མིག་སྔར་ཚོང་དོན་པུའུ་ཡིས《བཟའ་བཏུང་ཚོང་གཉེར་བྱེད་མཁན་གྱི་དོ་དམ་བྱེད་ཐབས（ཚོད་ལྟའི་ལག་ལེན）》ཁྱབ་བསྒྲགས་བྱས་ཤིང་། རྒྱལ་ཁབ་ཀྱིས་བཟའ་བཏུང་ཚོང་གཉེར་བྱེད་མཁན་གྱི་མ་མཐའི་འཛད་སྤྱོད་ཀྱི་ཚད་གཞི་ལ་འགོག་སྡོམ་བྱ་རྒྱུ་ཡིན་པ་རེད།《བྱེད་ཐབས》གཏན་འབེབས་བྱས་དོན།བཟའ་བཏུང་ཚོང་གཉེར་བྱེད་མཁན་གྱིས་བྲིན་ཐབས་བྱེད་སྒོ་སྤེལ་བའི་བྲིན་ཐབས་བྱེད་པའི་ནང་དོན་མངོན་གསལ་འོས་འཚམ་ཡིན་པ་དང་། བྲིན་ཐབས་བྱེད་པའི་རྒྱུ་རྐྱེན་དང་ཐབས་ཤེས། ལམ་སྲོལ། དུས་ཡུན། ཚོང་རྫས་ཀྱི་གཞི་ཁྱོན་དང་འབྲེལ་ཡོད་ཀྱི་ཚོད་འཛིན་རང་བཞིན་གྱི་ཆ་རྐྱེན་བཅས་ཚུད་པ་རེད།དེ་མིན།བཟའ་བཏུང་ཚོང་གཉེར་བྱེད་མཁན་གྱིས་ནུས་ཁུངས་གྲོན་ཆུང་དང་འབུད་འཕྲི། ཐོན་ཁུངས་གྲོན་ཆུང་། ཕྱོགས་སྡོམ་བེད་སྤྱོད་ལས་ཀ་འོས་འཚམ་ལེགས་པོ་སྒྲུབ་དགོས། བཟའ་བཏུང་ཚོང་གཉེར་བྱེད་མཁན་གྱིས་འཛད་སྤྱོད་བསྲི་ཚགས་བྱེད་པར་དྲན་སྐུལ་དང་སྣེ་ཁྲིད་བྱེད་པའི་ལམ་ལུགས་འོས་འཚམ་འཛུགས་དགོས་པ་མ་ཚད་མཐོང་སྣང་གསལ་བའི་སར་གྲོན་ཆུང་བྱེད་དགོས་པའི་མཚོན་རྟགས་སྦྱར་ཏེ།ཟ་མ་ཟ་དུས་གྲོན་ཆུང་བྱེད་པ་དང་ཡ་རབས་ཚུལ་ལྡན་ངང་ཁ་ལག་སྤྱོད་རྒྱུ་ལག་ལེན་མཐར་ཕྱིན་བསྟར་དགོས། 《བྱེད་ཐབས》ལ་གཞིགས་ནས་བཟའ་བཏུང་ཚོང་གཉེར་བྱེད་མཁན་གྱིས་འཛད་སྤྱོད་བྱེད་མཁན་ལ་ཟ་མ་མ་ཟ་སྔོན་ཚད་དང་རན་པའི་ཟ་མ་འབོད་པར་ཁྲིད་སྟོན་བྱེད་དགོས་པ་དང་ཟ་མ་བཟས་རྗེས་རང་འགུལ་གྱིས་ཐུམ་རྒྱག་པར་རོགས་དགོས།ཟ་མ་ཟ་དུས་གྲོན་ཆུང་བྱེད་མཁན་གྱི་འཛད་སྤྱོད་བྱེད་མཁན་ལ་བསྟོད་ར་དང་བྱ་དགའ་སྟེར་དགོས།རྒྱལ་ཁབ་ཀྱིས་བཟའ་བཏུང་ཚོང་གཉེར་བྱེད་མཁན་ལ་ཁྱད་ཆོས་ལྡན་པའི་བཟའ་བཏུང་དང་མགྱོ གས་ཟས། ཞོགས་ཟས། ཚོགས་པས་ཟ་མ་ཟ་བ།ཟ་མ་སྐྱེལ་བ་སོགས་མང་ཚོགས་ཅན་དུ་འགྱུར་བའི་བཟའ་བཏུང་བྱེད་པ་དང་ཚད་ལྡན་ཅན་གྱི་ཚལ་སྣ་མཁོ་འདོན་བྱས་ཏེ།འཛད་སྤྱོད་བྱེད་མཁན་གྱི་རང་ཉིད་ཀྱིས་བྲོ་བ་ཞིམ་པོ་བཟོ་བར་སྟབས་བདེ་བསྐྲུན་པ།གདམ་ཆོག་པའི་སྡེབས་ཟས་འཕེལ་རྒྱས་གཏོང་བ་དང་ཚད་ཉུང་བའི་ཚལ་རིགས་མཁོ་འདོན་བྱེད་པར་སྐུལ་མ་བྱས་པ་རེད《བྱེད་ཐབས》སུ་བཟའ་བཏུང་ཚོང་གཉེར་བྱེད་སྒོ་ཞེས་པ་ནི་མགྱོགས་མྱུར་ལས་སྣོན་བྱེད་པའི་ཐོན་རྫས་སམ་ཐོན་རྫས་ཕྱེད་ཀ།ཚོང་ལས་ཕྱིར་འཚོང་དང་ཞབས་ཞུ་རང་བཞིན་གྱི་ངལ་རྩོལ་སོགས་བརྒྱུད་ནས་འཛད་སྤྱོད་བྱེད་མཁན་ལ་བཟའ་བཅའ་མཁོ་འདོན་དང་འཛད་སྤྱོད་བྱེད་ཡུལ། སྒྲིག་སྦྱོར་གྱི་ཚོང་གཉེར་བྱ་སྤྱོད་ལ་ཟེར་བ་རེད། ཤེས་རྟོགས་བྱུང་དོན། 《ཐབས་ཤེས》དེ་2014ལོའི་ཟླ་བ11པའི་ཚེས1ཉིན་ནས་ལག་བསྟར་བྱ་རྒྱུ་རེད།