ཀྲུང་གོའི་དཔལ་འབྱོར་འཕེལ་རྒྱས་གཏོང་བའི་ལོ་སུམ་ཅུ་ཐམ་པ་དང་པོ་ནི1949ལོ་ནས1979ལོའི་ར་ཡིན་ལ་དེའི་སྐབས་སུ་ཞིང་ལས་འཕེལ་རྒྱས་གཏོང་རྒྱུ་བློས་བཏང་བྱས་ཏེ་བཟོ་ལས་འཕེལ་རྒྱས་གཙོ་གནད་དུ་བཟུང་ཡོད།
1949ལོ་ནས1979ལོའི་བར་གྱི་ལོ30ཡི་ནང་།ང་ཚོའི་རྒྱལ་ཁབ་ཀྱིས་དཀའ་ཚེགས་ཧ་ཅང་ཆེ་བའི་གནས་ཚུལ་འོག་སྔར་ལས་ལྷག་པར་དེང་རབས་ཅན་མངོན་འགྱུར་བྱེད་པར་དགོས་གཏུབ་ཆེ་བའི་གཞི་རྩའི་བཟོ་ལས་མ་ལག་བཙུགས་ཤིང་དེ་ནི་ལྗིད་བའི་བཟོ་ལས་དམིགས་སུ་བཀར་ནས་འཕེལ་རྒྱས་གཏོང་བའི་འཐབ་ཇུས་ཀྱི་ཁྲིད་སྟོན་བྱེད་ཕྱོགས་འོག་མངོན་འགྱུར་བྱས་པ་དང་།  དུས་མཚུངས་སུ་ཞིང་ལས་དང་།  ཡང་བའི་བཟོ་ལས།  ཞབས་འདེགས་ལས་རིགས་སོགས་ཀྱི་འཕེལ་འགྲོས་དལ་པོ་ཡིན་ཡང་རྗེས་ལུས་ཀྱི་གནས་ཚུལ་དེ་འདྲ་ཡོང་བ་ནི་ཞིང་ལས་འཕེལ་རྒྱས་གཏོང་རྒྱུ་བློས་གཏོང་མ་བྱེད་རང་བྱེད་ཀྱིས་ལན་པ་རེད།དེས་མ་ཚད།ལོ30དང་པོའི་རིང་ལ་ཀྲུང་གོའི་དཔལ་འབྱོར་ལ་འཕར་ཆག་ཆེན་པོ་བྱུང་ཞིང་གཙོ་བོའི་བསྡུར་ཚད་ཀྱི་འབྲེལ་བ་དོ་མཉམ་མིན་པས་རྒྱལ་ཁབ་ཀྱི་ཐོན་ཁུངས་ལ་འཕྲོ་བརླག་ཆེན་པོ་དང་དཔལ་འབྱོར་གྱི་ཐད་ལའང་གྱོ ང་གུད་ཆེན་པོ་བཟོས་ཡོད་པ་རེད།
ཀྲུང་གོའི་དཔལ་འབྱོར་འཕེལ་རྒྱས་གཏོང་བའི་ལོ་ངོ་སུམ་ཅུ་ཐམ་པ་གཉིས་པ་ནི1979ལོ་ནས2009ལོའི་བར་ཡིན།དེའི་སྐབས་སུ་བཅོས་བསྒྱུར་སྒོ་འབྱེད་བྱས་ཏེ་ཀྲུང་གོར་གནམ་ས་བླ་འོག་སྒྱུར་བའི་འཕོ་འགྱུར་བྱུང་ཡོད།
1979ལོ་ནས་བཟུང་།ཀྲུང་གོ་ནི་ལོ་སུམ་ཅུ་ཐམ་པ་་དང་པོ་དང་མི་འདྲ་བའི་དུས་རིམ་གསར་པ་ཞིག་ལ་སླེབས་ཡོད།གཞི་རྩའི་དཔལ་འབྱོར་ལམ་ལུགས་ལ་རྒྱུན་འཛིན་གྱི་རང་བཞིན་ཆ་ཤས་ལྡན་པ་ཕུད།  ཚོང་རའི་ནུས་པ་འདོན་སྤེལ་གཏོང་བ་ཡིན་ནའང་འདྲ།  སྲིད་གཞུང་གི་ལེགས་སྒྲིག་བྱེད་སྟངས་ཡིན་ནང་རུང་།ཡོང་འབབ་བགོ་བཤའི་རྣམ་པ་ཡིན་ནའང་མཚུངས།ཡང་ན་ཕྱི་རོལ་གྱི་འཛམ་གླིང་དང་འབྲེལ་བ་བྱེད་པའི་ཕྱོགས་ཡིན་ཡང་ཚང་མར་རྦད་དེ་འཕོ་འགྱུར་བྱུང་ཡོད།
བསྡོམས་རྩིས་བྱས་པར་གཞིགས་ན།1979ལོ་ནས2007ལོའི་བར།ཀྲུང་གོའི་དཔལ་འབྱོར་ལ་ལོ་རེར་ཆ་སྙོམས་བརྒྱ་ཆ9.8འཕར་སྣོན་བྱུང་ནས་དུས་རིམ་མཉམ་པའི་འཛམ་གླིང་དཔལ་འབྱོར་གྱི་ཆ་སྙོམས་འཕར་ཚད་ལས་བརྒྱ་ཆའི་གྲངས་ཀ6.8མགྱོགས་ཤིང་འཛམ་གླིང་དཔལ་འབྱོར་འཕར་སྣོན་ཡོང་བར་བྱས་རྗེས་བཞག་ཚད་དེ1978ལོར་བརྒྱ་ཆ2.3ཡིན་དང་2013ལོར་བརྒྱ་ཆ12.3ལ་འཕར་ནས་འཛམ་གླིང་གི་ཨང་གཉིས་པར་ཆགས།ཉེ་བའི་ལོ་ཤས་རིང་ལ་ཀྲུང་གོའི་་དཔལ་འབྱོར་གྱི་སྤྱི་འབོར་བསྟུད་མར་དབྱི་ཐ་ལི་དང་།ཧྥ་རན་སེ།དབྱིན་ཇི།འཇར་མན་སོགས་ཀྱི་རྒྱལ་ཁབ་ལས་བརྒལ་ནས་འཛམ་གླིང་གི་ཨང་གསུམ་པར་ཆགས་ཤིང་ད་ལོའི་ལོ་སྟོད་ལ་ཕྱིར་གཏོང་ཚད་ཡང་འགོ་མར་འཇར་མན་ལས་བརྒལ་ནས་འཛམ་གླིང་གི་ཨང་དང་པོར་ཆགས།ཀྲུང་གོའི་དཔལ་འབྱོར་གྱི་ལོ་སུམ་ཅུ་ཐམ་པ་གསུམ་པ་ནི2009ལོ་ནས2039ལོ་བར་གྱི་དུས་ཡིན།དེའི་སྐབས་ནི་ཀྲུང་གོའི་དཔལ་འབྱོར་ལེགས་སྒྲིག་བྱེད་པའི་དུས་ཡིན་ལ་དངུལ་རྩ་ལས་རིགས་འཕེལ་རྒྱས་ཆེན་པོ་ཡོང་བའི་དུས་སྐབས་དང་འཁེལ་བ་རེད།ང་ཚོས་ད་ལྟར་བགྲོད་བཞིན་པའི་ལོ་སུམ་ཅུའི་རིང་ལ་ཀྲུང་གོ་འཕེལ་རྒྱས་གཏོང་བའི་རྗེས་མཐུད་ཀྱི་མཐུན་རྐྱེན་ནི་རིམ་བཞིན་དུ་མེད་པར་འགྱུར་བཞིན་ཡོད་མོད།རྒྱལ་ནང་གི་ས་ཁོངས་བར་གྱི་འཕེལ་རྒྱས་གཏོང་ཚད་ཧ་ཅང་དོ་སྙོམས་མིན་པས།རྒྱལ་ནང་གི་ས་ཁོངས་བར་གྱི་ཚན་རྩལ་དང་ཐོན་ལས་སྐས་རིམ་གྱི་སྤོ་བསྒྱུར་བྱེད་པ་དེས་ཉེ་བའི་དུས་ནང་སྔར་བཞིན་ཀྲུང་གོའི་དཔལ་འབྱོར་འཕེལ་རྒྱས་འགྲོ་བར་སྐུལ་འདེད་ནུས་ཤུགས་ཆེན་པོ་ཞིག་གཏོང་ཐུབ་ཅིང་ཡུན་རིང་པོར་འདིང་བརྒྱག་ན།ཀྲུང་གོས་ངེས་པར་དུ་ཐེངས་འདིའི་དངུལ་རྩ་ཉམས་ཉེན་ལས་ཡོང་བའི་ལོ་རྒྱུས་ཀྱི་གོ་སྐབས་བེད་སྤྱོད་བྱས་ཏེ་ནུས་ཁུངས་གསར་པ་དང་།ལག་རྩལ་གསར་པ།རྒྱུ་ཆ་གསར་པ་སོགས་ཀྱི་ཐད་ལ་གཏོང་འཇོག་བྱེད་ཤུགས་ཆེ་རུ་གཏོང་དགོས་ཤིང་།འབྱུང་འགྱུར་གྱི་འགྲན་བསྡུར་ནང་ཚན་རྩལ་གསར་གཏོད་དང་གསར་སྐྲུན་གྱི་སྔོན་གྲས་སུ་སླེབས་གང་ཐུབ་བྱེད་དགོས།དེ་འདྲ་བྱེད་ན་གཞི་ནས་འཛམ་གླིང་གི་དཔལ་འབྱོར་འཕར་སྣོན་ཡོང་བར་སྐུལ་ཁྲིད་བྱེད་ཐུབ་པའི་སྲོག་ཤིང་གི་ནུས་ཤུགས་ཤིག་ཏུ་གྱུར་ཐུབ་རྒྱུ་རེད།