2010ལོར་སྤེལ་འགོ་བཙུགས་པའི་ཡུན་ནན་ཞིང་ཆེན་ཀུང་ཧྲན་ཏུའུ་ལུང་རིགས་དང་ནུའུ་རིགས་རང་སྐྱོང་རྫོང་གི་ཏུའུ་ལུང་ཅང་ཤང་གིས་ཤང་ཚང་མའི་མི་རིགས་ཐམས་ཅད་ལ་རོགས་སྐྱོར་བྱེད་ཐུབ་པའི་བདེ་སྡོད་དང་ལྟོ་གོས་གཉིས་འཛོམས་ཀྱི་ཨར་ལས་དེ་ལོ4ལྷག་གི་རིང་ལ་སྟོབས་ཤུགས་ཡོད་དགུས་སྐུལ་སྤེལ་བཏང་བ་བརྒྱུད། ད་ལྟར།  གཞི་རྩའི་ཐོག་ཤང་ཚང་མ་དང་མི་རིགས་ཐམས་ཅད་ཕྱུག་འགྱུར་བྱུང་ནས་ཏུའུ་ལུང་ཅང་ཤང་དང་ཏུའུ་ལུང་རིགས་ཀྱི་དཔལ་འབྱོར་དང་སྤྱི་ཚོགས་ལ་མཆོང་བརྒལ་ལྟ་བུ་དང་རྒྱུན་མཐུད་ཀྱི་འཕེལ་རྒྱས་བྱུང་བའི་སྔོན་འགོད་ཀྱི་དམིགས་ཡུལ་ལེགས་འགྲུབ་བྱས་ཡོད།
 མིག་སྔར།ཤང་དེའི་དཔལ་འབྱོར་གྱི་སྤྱིའི་ཡོང་འབབ་སྒོར་ཁྲི1105ལ་བསླེབས་ཡོད་ཅིང་། ཞིང་པའི་ཆ་སྙོམས་མི་རེའི་ཡོང་འབབ་སྒོར2236ལ་བསླེབས་ཏེ2009ལོ་ལས་བརྒྱ་ཆ144འཕར་སྣོན་བྱུང་།རང་སྐྱོང་གི་གྲོང་སྡེ26ཚང་མར་རླངས་འཁོར་ཤར་གཏོང་ཐུབ་ཡོད་པ་དང་།  གློག་སྤྱོད་རྒྱུ་ཡོད་ཅིང་ཁ་པར་བརྒྱབ་ཐུབ་ལ་རྒྱང་བསྒྲགས་དང་བརྙན་འཕྲིན་བསྡུ་བལྟ་བྱེད་ཐུབ།ཆུ་གཙང་མ་འཐུང་རྒྱུ་ཡོད་པ་དང་མི་སྡོད་ཁོར་ཡུག་ལ་ལེགས་བཅོས་ཆེན་པོ་ཐོབ་ཡོད།    ཏུའུ་ལུང་རིགས་ཀྱི་དུད་ཚང1068ཀྱི་ཡུལ་མི4000ལྷག་ཐམས་ཅད་རྣམ་གསར་གྱི་བདེ་སྡོད་ཁང་དུ་སྤོས་ཡོད།  སློབ་གསོ་དང་།  འཕྲོད་བསྟེན།  རིག་གནས།  ལྗོངས་རྒྱུ་སོགས་སྤྱི་ཚོགས་ཀྱི་བྱ་གཞག་ཚང་མ་སྒོ་ཀུན་ནས་གོང་འཕེལ་བྱུང་ལ་ཏུའུ་ལུང་གཙང་པོའི་ག་གྲོང་རོང་གི་ཁྱད་ཆོས་ལྡན་པའི་ཐོན་ལས་ལ་ཐོག་མར་འབྲས་བུ་ཐོབ་ཅིང་།  མི་རིགས་ཀྱི་བྱང་ཚད་མངོན་གསལ་དོད་པོས་མཐོན་པོར་ཕྱིན་ཏེ་ཚུལ་མཐུན་གྱི་འཚོ་བ་གྲོང་སྡེ་ཡོངས་སུ་ཁྱབ་པ་རེད།