ཟླ་ལྔ་བའི་ཚེས་སུམ་ཅུ་ཉིན་ནས་ཟླ་དྲུག་པའི་ཚེས་གཅིག་ཉིན་བར། རྒྱལ་ཡོངས་དམངས་ཆེན་གྱི་ཨུ་ཡོན་ཀྲང་གཞོན་པ། དམངས་གཙོ་རྒྱལ་འཛུགས་ཀྲུང་དབྱང་གི་ཀྲུའུ་ཞི་ཁྲིན་ཁྲང་ཀྲི་མཚོ་སྔོན་དུ་ཡོང་ནས་བྱ་བར་རྟོག་ཞིབ་བྱས། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན། ཞིང་ཆེན་ཏང་ཨུའི་ཧྲུའུ་ཅི་ཆང་ཝེ། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་ཏང་ཨུའི་དྲུང་ཡིག་ཆེན་མོ་ཝང་ཞོ་ཆིན། ཧྲིན་ཀྲང་གཞོན་པ་དམངས་གཙོ་རྒྱལ་འཛུགས་མཚོ་སྔོན་ཞིང་ཆེན་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་ཀོ་ཡུང་ལུང་སོགས་ཀྱང་རྟོག་ཞིབ་ལ་ཞུགས།
མཚོ་སྔོན་དུ་ཡོད་པའི་སྐབས་སུ། ཁྲིན་ཁྲང་ཀྲི་སོགས་སྔ་གཞུག་ཏུ་ཟི་ལིང་གྲོང་རྒྱལ་ཁབ་རིམ་པའི་དཔལ་འབྱོར་ལག་རྩལ་གསར་སྤེལ་ཁུལ་གྱི་སྐྱེ་དངོས་ར་བ་དང་། ནན་ཁྲོན་བཟོ་ལས་ར་བའི་མཚོ་སྔོན་ཁེ་ལས་སྡེ་ཚོགས་ཀུང་ཟི་དང་། ཟི་ལིང་གྲོང་ཁྱེར་ལས་རིགས་ལག་རྩལ་སློབ་གྲྭ་དང་པོ། མཚོ་སྔོན་ཐེ་ཧྥུན་སྔོན་སྐྱོད་ལིས་ནུས་པའི་ཚན་རྩལ་ཚད་ཡོད་ཀུང་ཟི་བཅས་ལ་ཕྱིན་ནས་རྟོག་ཞིབ་བྱས།
མཚོ་སྔོན་དུ་ཡོད་པའི་སྐབས་སུ། ཁྲིན་ཁྲང་ཀྲི་ད་དུང་མཚོ་སྔོན་དམངས་གཙོ་རྒྱལ་འཛུགས་མཚོ་སྔོན་ཞིང་ཆེན་སྐབས་དྲུག་པའི་འཐུས་མིའི་ཚོགས་ཆེན་ལ་ཞུགས་པར་མ་ཟད། དམངས་གཙོ་རྒྱལ་འཛུགས་ཀྲུང་དབྱང་གི་ཚབ་བྱས་ཏེ་དམངས་གཙོ་རྒྱལ་འཛུགས་ཀྲུང་དབྱང་གིས་ཚོགས་ཆེན་ལ་བསྐུར་བའི་རྟེན་འབྲེལ་ཞུ་ཡིག་ཀློག་འདོན་བྱས།
ཁྲིན་ཁྲང་ཀྲི་སོགས་མཚོ་སྔོན་དུ་ཡོད་པའི་སྐབས་སུ། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལོ་ཧོས་ཉིན་དང་། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་མུའུ་ཏུང་ཧྲིན། ཞིང་ཆེན་ཏང་ཨུའི་རྒྱུན་ལས། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི། ཞིང་ཆེན་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་རྡོ་རྗེ་རབ་བརྟན་སོགས་ཀྱིས་བསུ་བ་དང་སྐྱེལ་མ་བྱས།