ཀྲུང་གོ་བོད་ཀྱི་དྲ་བའི་འཕྲིན།ཁྲོམ་རར་ལོ་བཞི་བརྟག་དཔྱད་དང་རིགས་པས་ཁུངས་སྐྱེལ་བྱས་མཐར་ཚེས་22ཉིན་རྒྱལ་ནང་གི་ས་མཐོའི་ལ་དུག་གི་འགན་བཅོལ་བྱ་ཐབས་ཐོག་མ་བོད་དུ་ལག་ལེན་བསྟར་འགོ་ཚུགས་པ་དེས་རྒྱལ་ནང་དུ་ནད་དེ་རིགས་ལ་འགན་བཅོལ་མེད་པའི་སྟོང་ཆ་གསབ་ཡོད།
ངོ་སྤྲོད་བྱས་པར་གཞིགས་ན།འགན་བཅོལ་བྱ་ཐབས་དེ་བོད་དུ་ཡུལ་སྐོར་ཡོང་མཁན་ལ་དམིགས་ནས་བཟོས་པ་ཞིག་ཡིན་ཞིང་།འགན་བཅོལ་དུས་ཡུན་ཉིན་15ཡིན་པ་དང་འགན་བཅོལ་འགྲོ་གྲོན་སྒོར་100དང་50བྱས་པ་རིམ་པ་གཉིས་ཡོད།དེའི་ནང་ཐོལ་བྱུང་དོན་རྐྱེན་འགན་བཅོལ(ཤི་བ་དང་།རྨས་པ།དབང་པོ་སྐྱོན་ཅན་ཆགས་པ)དང་།ས་མཐོར་མ་གཏོགས་མི་ཐོན་པའི་ནད་རིགས་སྒོ་བསྟེན་སྨན་བཅོས།སྨན་ཁང་དུ་སྡོད་རིང་གི་སྨན་རིན།འདས་འཇུག་འགྲོ་གྲོན་ཁ་གསབ་བཅས་ཚུད་ཡོད་པས་བོད་དུ་ཡུལ་སྐོར་བྱེད་པར་ཡོང་མཁན་འགྲུལ་པ་ཚོས་ཉེན་གཡོལ་འགན་བཅོལ་བྱེད་འདོད་ཀྱི་འདུན་པ་ཡོངས་སུ་བསྐངས་ཐུབ་ཡོད།