ཟླ5པའི་ཚེས21ཉིན། རྒྱལ་ཡོངས་ཀྱི་སྔོན་ཐོན་གསར་སྐྲུན་དང་ཕུལ་བྱུང་བརྩོན་ལེན་བྱེད་པའི་ཞིབ་བསྡུར་ཚོགས་འདུ་པེ་ཅིན་ནས་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ཨུ། རྒྱལ་ཁབ་ཀྱི་ཀྲུའུ་ཞི་གཞོན་པ་ཞི་ཅིན་ཕེན་ཚོགས་འདུར་ཞུགས་པ་མ་ཟད་གསུང་བཤད་གནང་། ཞི་ཅིན་ཕེན་གྱིས་ནན་གྱིས་བསྟན་དོན། སྔོན་ཐོན་གསར་སྐྲུན་དང་ཕུལ་བྱུང་བརྩོན་ལེན་བྱེད་པའི་བྱ་འགུལ་ནི་གནས་བབ་གསར་བའི་འོག་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་སྲུང་འཛིན་བྱེད་པའི་ཕན་ཡོད་ཀྱི་འཚོལ་ཞིབ་ཅིག་ཡིན། སྔོན་ཐོན་གསར་སྐྲུན་དང་ཕུལ་བྱུང་བརྩོན་ལེན་བྱེད་པའི་བྱ་འགུལ་སྤེལ་བ་བརྒྱུད་ནས་གཞི་རིམ་ཏང་རྩ་འཛུགས་ཀྱི་འཐབ་འཛིང་ནུས་པ་དང་ཏང་ཡོན་དཔུང་སྡེའི་ཡོན་ཚད་ཇེ་མཐོར་བཏང་བ་དང་། ཏང་ཡོན་དང་མང་ཚོགས་བར་གྱི་འབྲེལ་བ་དང་ལས་བྱེད་པ་དང་མང་ཚོགས་བར་གྱི་འབྲེལ་བ་ཇེ་བཟང་དུ་བཏང་ལ་རིམ་པ་སོ་སོའི་ཏང་ཨུས་བློ་རྩེ་གཅིག་སྒྲིམ་གྱིས་ཏང་གི་འཛུགས་སྐྲུན་ལེགས་འཛིན་དང་གཞི་རིམ་ལ་མཐོང་ཆེན་དང་གཞི་རིམ་ལ་ཤུགས་སྣོན། གཞི་རིམ་ལ་ཞབས་ཕྱི་སྒྲུབ་པའི་རང་རྟོགས་རང་བཞིན་ཇེ་དྲག་ཏུ་བཏང་ནས་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་འཛུགས་སྐྲུན་བྱེད་པར་ཉམས་མྱོང་གསར་བ་དང་བློ་བསྐྱེད་གལ་ཆེན་ཐོན་ཟེར།

 ཞི་ཅིན་ཕེན་གྱིས་བསྟན་དོན། སྔོན་ཐོན་རང་བཞིན་དང་རྣམ་དག་རང་བཞིན་སྲུང་འཛིན་དང་གོང་དུ་སྤེལ་བ་ནི་དུས་ནམ་ཡིན་རུང་མར་ཁེ་སི་རིང་ལུགས་སྲིད་ཏང་གི་རྩ་བའི་ཆབ་སྲིད་བསམ་བློའི་ལས་འགན་ཡིན་ལ། འདི་ཏང་གི་འཆི་གསོན་དང་མདུན་ལམ། ལས་དབང་ལ་འབྲེལ་བ་ཡོད། རང་རེའི་ཏང་གི་ལོ་ངོ་དགུ་བཅུ་ལྷག་གི་ལོ་རྒྱུས་ནི་ཏང་གིས་ཀྲུང་གོ་མི་དམངས་ཀྱི་མགོ་ཁྲིད་ནས་རྒྱུན་མ་ཆད་པར་གསར་བརྗེ་དང་འཛུགས་སྐྲུན། བཅོས་བསྒྱུར་ལས་རྣམ་པར་རྒྱལ་བའི་ལོ་རྒྱུས་ཡིན་ལ། ཏང་གིས་རང་གི་སྔོན་ཐོན་རང་བཞིན་དང་རྣམ་དག་རང་བཞིན་རྒྱུན་ཆད་མེད་པར་མངོན་འགྱུར་དང་འཛིན་སྤེལ་བྱས་པའི་ལོ་རྒྱུས་ཀྱང་ཡིན། ལོ་ངོ་དགུ་བཅུ་ལྷག་གི་ལོ་རྒྱུས་ཀྱིས་རང་རེའི་ཏང་གིས་ཐོག་མཐའ་བར་གསུམ་དུ་སྔོན་ཐོན་རང་བཞིན་དང་རྣམ་དག་རང་བཞིན་སྲུང་འཛིན་བྱས་ན་ཏང་ལ་མི་དམངས་མང་ཚོགས་ཁྲོད་བླ་ན་མེད་པའི་དབང་ཐང་ཡོད་ཅིང་། ཏང་དང་མི་དམངས་ཀྱི་ལས་དོན་དར་རྒྱས་གོང་འཕེལ་དུ་འགྲོ་བ་གསལ་བཤད་བྱས་ཡོད། རིམ་པ་སོ་སོའི་ཏང་རྩ་འཛུགས་ཀྱིས་ཐེངས་འདིའི་སྔོན་ཐོན་གསར་སྐྲུན་དང་ཕུལ་བྱུང་བརྩོན་ལེན་བྱེད་པའི་བྱ་འགུལ་གྱི་ཉམས་མྱོང་ནན་ཏན་གྱིས་སྤྱི་བསྡོམས་དང་བཀོལ་སྤྱོད་བྱས་ཏེ་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་འཛུགས་སྐྲུན་བྱེད་པར་སྔར་ལས་ལྷག་པར་མུ་མཐུད་ནས་ཤུགས་སྣོན་དགོས་ཟེར།

ཞི་ཅིན་ཕེན་གྱིས་ནན་གྱིས་བསྟན་དོན། བསམ་བློ་དང་ཆབ་སྲིད་སྟེང་ནས་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་འཛུགས་སྐྲུན་བྱེད་པར་ཤུགས་བསྣན་ནས། བསམ་བློ་སློབ་གསོའི་ཐད་ནས་མགོ་རྩོམ་པ་རྒྱུན་འཁྱོངས་སྒོས་ཏང་ཡོན་དང་ལས་བྱེད་པ་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་གཞུང་ལུགས་མ་ལག་དང་ལྷག་པར་དུ་ཚན་རིག་དང་མཐུན་པའི་འཕེལ་རྒྱས་ལྟ་བ་ནན་ཏན་གྱིས་སློབ་སྦྱོང་དང་ལག་ལེན་བྱེད་པར་སློབ་གསོ་དང་སྣེ་ཁྲིད་པ། ཏང་གཤིས་ཀུན་སྤྱོད་དང་ཏང་གཤིས་སྦྱོང་བརྡར་ལ་ཤུགས་བསྣན་ནས་གུང་ཁྲན་རིང་ལུགས་ཀྱི་རྒྱང་རིང་ཕུགས་བསམ་དང་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་ཐུན་མོང་གི་ཕུགས་བསམ་གྱི་འགྱུར་མེད་ཡིད་ཆེས་བྱེད་མཁན་དང་བློས་ཐུབ་ཀྱི་ལག་བསྟར་པ་བྱ་དགོས་ཤིང་། ཏང་གི་གྲལ་རིམ་རྨང་གཞི་དང་མང་ཚོགས་རྨང་གཞི་ཇེ་བརྟན་དུ་གཏོང་བའི་རྨང་གཞིའི་སྟེང་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་འཛུགས་སྐྲུན་བྱེད་པར་ཤུགས་སྣོན་པ། ཐོག་མཐའ་བར་གསུམ་དུ་ཆེས་རྒྱ་ཆེ་བའི་མི་དམངས་མང་ཚོགས་ཀྱི་ཁེ་ཕན་མངོན་འགྱུར་བཟང་བོ་དང་སྲུང་སྐྱོང་བཟང་བོ། གོང་སྤེལ་བཟང་བོ་བྱེད་པ་དེ་སྔོན་ཐོན་རང་བཞིན་དང་རྣམ་དག་རང་བཞིན་ལ་རྩིས་ཞིབ་བྱེད་སྤྱད་དུ་བརྩིས་ནས་དུས་དང་རྣམ་པ་ཀུན་དུ་མང་ཚོགས་ཀྱི་དཀའ་ཁག་སེལ་བ་དང་མི་དམངས་ལ་བདེ་སྐྱིད་བསྐྲུན་པའི་ལག་ལེན་ཁྲོད་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་མངོན་དགོས་ལ། མགོ་ཁྲིད་གཙོ་བོའི་ཡོན་ཚད་ཇེ་མཐོར་གཏོང་བའི་ཐད་ནས་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་འཛུགས་སྐྲུན་བྱེད་པར་ཤུགས་སྣོན་པ། ལག་ལེན་ཁྲོད་ནས་ལས་བྱེད་པ་སྐྱེད་སྲིང་དང་། རྟོག་ཞིབ། སྦྱོང་བརྡར། བཀོལ་སྤྱོད་བྱས་ནས་མགོ་ཁྲིད་ལས་བྱེད་པས་ཐོག་མར་མ་དཔེ་འདོན་པའི་དོན་དངོས་བྱ་སྤྱོད་ལས་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་མངོན་པ། རྩ་འཛུགས་རྨང་གཞི་ཇེ་བརྟན་དང་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་འཛུགས་སྐྲུན་བྱེད་པར་ཤུགས་བསྣན་ནས་གཞི་རིམ་འཛིན་པ་དང་རྨང་གཞི་འདིངས་པ་དེ་ཡུན་རིང་གི་འཐབ་ཇུས་ལས་འགན་ཞིག་ཏུ་བརྩིས་ནས་རྒྱུན་འཁྱོངས་ལྷོད་མེད་ཀྱིས་འཛིན་དགོས་པ་དང་། གཞི་རིམ་གྱི་འཐབ་འཛིང་བཙན་རྫོང་གི་ནུས་པ་དང་ཏང་ཡོན་གྱི་སྔོན་ཐོན་མ་དཔེའི་ནུས་པ་གང་ལེགས་སྒོས་འདོན་སྤེལ་བྱེད་དགོས། ཏང་ནང་ཁུལ་གྱི་སྒྲིག་ལམ་དང་བྱ་བའི་སྒྲིག་གཞི་འཐུས་ཚང་དུ་གཏོང་བའི་ཐད་ནས་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་འཛུགས་སྐྲུན་བྱེད་པར་ཤུགས་སྣོན་དང་རང་ངོས་དག་ཐེར་དང་རང་ངོས་འཐུས་ཚང་། རང་ངོས་གསར་བསྒྱུར། རང་ངོས་ཀྱི་ནུས་བ་ཇེ་ཆེར་བཏང་ནས་ཏང་གི་སྒྲིག་ཡིག་རྩ་བར་འཛིན་པ་དང་དམངས་གཙོ་གཅིག་བསྡུས་ལམ་ལུགས་སྲོག་ཤིང་ཡིན་པའི་སྒྲིག་ལམ་མ་ལག་འཐུས་ཚང་དུ་བཏང་ནས་ཏང་གི་སྔོན་ཐོན་རང་བཞིན་དང་རྣམ་དག་རང་བཞིན་སྲུང་འཛིན་བྱེད་པར་ལམ་ལུགས་ཀྱི་ཁག་ཐེག་འདོན་སྤྲོད་བྱེད་དགོས་ཟེར།

ལིས་ཡོན་ཁྲའོ་ཡིས་ཚོགས་འདུའི་མགོ་བཟུང་ཞིང་ལིག་ཡུན་ཧྲན་ཚོགས་འདུར་ཞུགས། །