ཟླ་ལྔ་བའི་ཚེས་བཅུ་བདུན་ནས་ཚེས་ཉི་ཤུའི་ཉིན་་བར་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ཨུ་ལིས་ཁྲང་ཁྲུན་གྱིས་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། ཀོང་ཏུང་ཞིང་ཆེན་གྱི་ཏང་ཨུའི་ཧྲུའུ་ཅི་ཝང་ཡང་གི་འགྲོ་རོགས་འོག ཀྲུའུ་ཧེ་དང་ཧྲིན་ཀྲིན། ཀོང་ཀྲིག་སོགས་ས་ཁུལ་གྱི་ཁེ་ལས་དང་སྡེ་ཁུལ། ཐོན་ལས་གླིང་ཀ་དང་རིག་གནས་དྲིལ་སྒྲོག་ལས་ཁུངས་སུ་སོང་ནས་ཏང་གི་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་ནན་ཏན་སྒོས་ལག་བསྟར་དང་། དཔལ་འབྱོར་གྱི་འཕེལ་སྟངས་གང་མགྱོགས་སྒོས་བསྒྱུར་བ། རིག་གནས་བཅོས་སྒྱུར་འཕེལ་རྒྱས་སོགས་ཀྱི་ཐད་ནས་རྟོག་ཞིབ་མཛད།ཁོང་གིས་བསྟན་དོན། ཏང་གི་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་ནན་ཏན་སྒོས་ལག་བསྟར་བྱས་ནས། རིག་གནས་དང་ཚན་རྩལ་གཉིས་གང་མགྱོགས་སྒོས་ཟུང་འབྲེལ་དང་ནུས་ཤུགས་ཆེན་པོས་རིག་གནས་གསར་གཏོད་བྱེད་པ། རིག་གནས་ཐོན་ལས་ཧུར་ཐག་སྒོས་སྤེལ་ནས་རིག་གནས་འཛུགས་སྐྲུན་དེ་དཔལ་འབྱོར་འཕེལ་སྟངས་གང་མགྱོགས་སྒོས་བསྒྱུར་བའི་སྒུལ་ཤུགས་དང་། ནུས་ཤུགས་ཆེན་པོའི་སྒོ་ནས་དེང་རབས་ཞབས་ཞུ་ལས་རིགས་སྤེལ་བ་དང་དཔལ་འབྱོར་གྱི་རྣམ་པ་བསྒྱུར་བའི་མགོ་རྩོམ་ས་དང་ཚན་རིག་ལྟར་འཕེལ་རྒྱས་སུ་གཏོང་བའི་སྒུལ་ཤུགས་སུ་བསྒྱུར་དགོས། འཕེལ་སྟངས་བསྒྱུར་བ་དང་རིམ་པ་སྤར་བ། བདེ་སྐྱིད་ཀྱི་ཀོང་ཏུང་འཛུགས་སྐྲུན་བྱེད་པ་བཅས་ཀྱི་བརྒྱུད་རིམ་ཁྲོད་ཁྱད་སྟོབས་གསར་བ་བསྐྲུན་ནས། ཁྱད་དུ་འཕགས་པའི་གྲུབ་འབྲས་ཀྱིས་ཏང་གི་ཚོགས་ཆེན་ཐེངས་བཅོ་བརྒྱད་པ་རྒྱལ་ཁའི་ངང་འཚོགས་པར་བསུ་མ་བྱེད་དགོས་ཟེར།