ཉེ་དུས། བོད་རང་སྐྱོང་ལྗོངས་སྲིད་གཞུང་གིས་སྲིད་ཇུས་ཡོངས་བསྒྲགས་བྱས་པར། ལོ2ནང་རྩ་བའི་ཆ་ནས་ལྗོངས་ཡོངས་ཀྱི་ལོ་ན0ནས18བར་གྱི་གཤག་བཅོས་བྱེད་དགོས་པ་དང་སྨན་བཅོས་བྱེད་དགོས་པའི་རིགས་ཀྱི་ལྷན་སྐྱེས་རང་བཞིན་གྱི་སྙིང་ནད་ཡོད་པའི་བྱིས་པ་ཡོངས་ལ་སྨན་རིན་མི་དགོས་པར་སྨན་བཅོས་བྱ་རྒྱུའི་ལས་དོན་གཏན་འཁེལ་བྱས་པ་རེད།

ཤེས་རྟོགས་བྱུང་བར་གཞིགས་ན། ས་བབ་མཐོ་ལ་གྲང་ངར་ཆེ་བ་དང་གསོ་རླུང་མི་འདང་བའི་དབང་གིས་བོད་ལྗོངས་ཀྱི་བྱིས་པར་ལྷན་སྐྱེས་རང་བཞིན་གྱི་སྙིང་ནད་བྱུང་ཚད་རྒྱལ་ཡོངས་ཀྱི་ས་ཁུལ་གཞན་ལས་མངོན་གསལ་དོད་པོས་མཐོ་བ་ཡོད། བོད་རང་སྐྱོང་ལྗོངས་སྲིད་གཞུང་གི་ཤུགས་ཆེའི་རྒྱབ་སྐྱོར་འོག་ལྷན་སྐྱེས་སྙིང་ནད་ཡོད་པའི་བྱིས་པ3000ལྷག་སྨན་བཅོས་ལེགས་གྲུབ་བྱུང་བ་རེད། འོན་ཀྱང་ད་དུང་ལྷན་སྐྱེས་སྙིང་ནད་ཡོད་པའི་བྱིས་པ7000ལ་ཉེ་བར་སྨན་བཅོས་བྱེད་དགོས་པ་རེད།