ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་གྱིས་རང་ས་གནས་ཀྱི་ཁྱད་ཆོས་ལྡན་པ་དང་། གནད་འགང་ཆེ་བའི་གཟུགས་འདས་རིག་གནས་གྱི་ཤུལ་རྫས་མྱུར་སྐྱོབ་བྱེད་པའི་ཞོར་དུ། ད་དུང་ཁྱབ་བཤེར་བྱས་ཏེ་གཟུགས་འདས་རིག་གནས་ཀྱི་མིང་བཀོད་པ་དང་གཟུགས་འདས་རིག་གནས་ཀྱི་རྒྱུད་འཛིན་མི་སྣ་བརྒྱད་བརྒྱ་དྲུག་ཅུ་ལྷག་རྒྱུས་ལོན་རྩད་ཐག་ཆོད་པ་རེད། ས་ཁུལ་དེའི་རིག་གནས་སྡེ་ཁག་གིས་ལོ་ངོ་བཅུ་ལྷག་གི་འབད་བརྩོན་ལ་བརྟེན་ནས་ཀན་ལྷོ་བོད་རིགས་རང་སྐྱོང་ཁུལ་གྱི་གཟུགས་འདས་རིག་གནས་གྱི་ཤུལ་རྫས་ལ་སྲུང་སྐྱོབ་ཐོབ་པ་དང་། བོད་ཀྱི་རིག་གནས་རྒྱུད་འཛིན་ལ་དགེ་མཚན་ལྡན་པའི་ནུས་པ་ཐོན་ཡོད།