ཞིན་ཧྭ་དྲ་བའི་བོད་ཡིག་འཕྲིན་ལམ་དུ་ཟླ་3པའི་ཚེས10ཉིན་གནས་ཚུལ་འབྱོར་གསལ།（གསར་འགོད་པ་ཀྲའུ་གྲང་ཆིན）ཅི་ལིང་མི་དམངས་དཔེ་སྐྲུན་ཁང་གིས་པར་སྐྲུན་བྱས་པའི་《ཧི་མ་ལ་ཡའི་ལུང་ཤུར་ལྔ》ཞེས་པའི་དཔེ་དེབ་དེ་ཉིས་ཤས་གོང་ཅི་ལིང་ཞིང་ཆེན་གྲང་ཁྲུན་གྲོང་ཁྱེར་དུ་འགྲེམས་སྤེལ་ཐོག་མ་བྱས་པ་རེད།
དཔེ་དེབ་དེ་ནི་བོད་ལྗོངས་གཞིས་རྩེ་ས་ཁུལ་གྱི་ས་ཁམས་དང་ལོ་རྒྱུས།སྣོད་བཅུད།མི་ཆོས།ཡུལ་ལྗོངས་སོགས་ཕྱོགས་མང་པོའི་གནས་སྟངས་ཞིབ་ཕྲ་ངོ་སྤྲོད་བྱས་པའི་ཆེད་རྩོམ་ཞིག་ཡིན་པ་དང་།དེའི་ནང་འདྲ་པར་བརྩམས་ཆོས་དང་ཡུལ་སྐོར་ཟིན་ཐོའི་རྩོམ་ཡིག་མཉམ་དུ་བཀོད་ཡོད་པས་ཤེས་ཡོན་རང་བཞིན་དང་ལོ་རྒྱུས་ཀྱི་རྒྱུ་ཆའི་རང་བཞིན།སྒྱུ་རྩལ་རང་བཞིན་བཅས་ལྡན་པར་བརྟེན།ཕྱི་ཕྱོགས་སུ་ཡིད་དབང་འཕྲོག་ཤུགས་ཆེ་ལ་གསོན་ཤུགས་ལྡན་པའི་བོད་ལྗོངས་ཤིག་མངོན་པར་བྱས་ཡོད།
དཔེ་དེབ་དེའི་རྩོམ་པ་པོ་ནི་ཅི་ལིང་ཞིང་ཆེན་གྱི་རྩོམ་པ་པོད་ང་པར་རྒྱག་མཁན་ཅན་ཀྲའོ་ཁྲུན་ཅང་ཡིན་པ་དང་ཁོང་གིས་ད་ལྟ་ཅི་ལིང་ཞིང་ཆེན་རྩོམ་པ་པོའི་མཐུན་ཚོགས་ཀྱི་ཀྲུའུ་ཞི་གཞོན་པའི་ལས་འགན་འཁུར་གྱི་ཡོད།ལོ་འགའ་ཤས་རིང་ཁོང་གིས་རིག་གནས་ཀྱི་བོད་སྐྱོར་བྱ་གཞག་དང་ས་ཡུལ་དངོས་ལ་རྟོག་ཞིབ་བྱེད་པ།མྱུལ་དཔྱད་ཡུལ་སྐོར་སོགས་ཀྱི་བྱ་བ་བསྒྲུབས་གནང་བ་དང་སྔ་ཕྱིར་བོད་ལ་ཐེངས17ཕེབས་གནང་ནས་མཚོ་བོད་ས་མཐོ་དང་ཧི་མ་ལ་ཡའི་རི་རྒྱུད་ཚང་མར་ཕེབས་མྱོང་ཡོད།ཀྲའོ་ཁྲུན་ཅང་གིས་“ཐོག་མར་བོད་ལ་བསྐྱོད་པ་ནི་གསར་རྩོམ་བྱེད་པའི་དགས་ཕྱོགས་ཀྱིས་རྐྱེན་པས་ཡིན་པ་དང་།བོད་ལ་ཐེངས་མ་འགའ་ཤས་བསྐྱོད་རྗེས་གཞི་ནས་བོད་ནི་རྒྱ་ཆེ་ལ་གཏིང་ཟབ་པ་ཞིག་ཡིན་པ་ཤེས་རྟོགས་བྱུང་བས་ངའི་ཡིད་དབང་ཡོངས་སུ་འགུག་སོང་”ཞེས་གསུངས།