དུས་རབས་སྔོན་མའི་ལོ་རབས་བརྒྱད་ཅུ་བའི་སྐབས་སུ། ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་རི་དྭགས་ལྐོག་རྔོན་བྱས་ནས། རི་དྭགས་གཙོད་ཀྱི་གྲངས་ཀ་སྔར་ཡོད་ཀྱི་ཁྲི20ནས་ཁྲི2ལ་ཇེ་ཉུང་དུ་སོང་ཏེ། རྒྱལ་སྤྱིའི་ཐོག་རྒྱུད་ཆད་ལ་ཉེ་བའི་སྲོག་ཆགས་ཀྱི་རིགས་ཤིག་ཏུ་གྱུར་བ་དང་། 1998ལོར། ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་བཙུགས་པ་དེས། རི་དྭགས་ལྐོག་རྔོན་བྱེད་མཁན་ལ་རྡུང་རྡེག་བྱས་པ་དང་། མིག་སྔར། རི་དྭགས་གཙོད་ཀྱི་གྲངས་ཀ་ཁྲི7ལྷག་ལ་སླེབས་ཡོད།

གསར་འགོད་པས་ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དོ་དམ་ཅུའུ་ནས་རྒྱུས་ལོན་བྱུང་བའི་གནས་ཚུལ་ལྟར་ན། 2006ལོ་ནས་བཟུང་། ཨ་ཆེན་གངས་རྒྱབ་ཀྱི་རི་དྭགས་གཙོད་སྲུང་སྐྱོབ་བྱེད་པའི་འགུལ་སྐྱོད་ཁྲོད། མཚོན་ཆས་རི་དྭགས་རྔོན་པའི་བྱ་བ་གཅིག་ཀྱང་བྱུང་མ་མྱོང་ལ། མིག་སྔར། ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དོ་དམ་ཅུའུ་ཡི་བྱ་བ་ཡོད་ཚད་སྐྱེ་ཁམས་སྲུང་སྐྱོབ་ཀྱི་ཕྱོགས་སུ་བསྒྱུར་བཞིན་ཡོད་ཟེར།

ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དོ་དམ་ཅུའུ་སྲུང་སྐྱོབ་ས་ཚིགས་རྒྱས་བཟང་བསོད་ནམས་དར་རྒྱས་སྲུང་སྐྱོབ་ས་ཚིགས་ཀྱི་མགོ་གཙོ་བུན་ཀིག་ཡིས་བཤད་རྒྱུར། རི་དྭགས་ལྐོག་རྔོན་མཁན་ཇེ་ཉུང་དུ་སོང་བ་དང་བསྟུན་ནས། ཨ་ཆེན་གངས་རྒྱབ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དོ་དམ་ཅུའུ་ཡི་བྱ་བ་གཙོ་བོའང་སྔར་གྱི་རི་དྭགས་ལྐོག་རྔོན་མཁན་ལ་རྡུང་རྡེག་གཏོང་བ་ནས་ཁོར་ཡུག་སྲུང་སྐྱོབ་དང་། སྐྱེ་དངོས་དང་རི་དྭགས་སྲུང་སྐྱོབ་བྱེད་པའི་ཕྱོགས་སུ་བསྒྱུར་ཟེར།  །