དགུན་འཁྱག་བ་མོས་གཙེས་པའི་དུས་སྐབས་འདིར་སྙན་ངག་པ་རོང་བོ་གངས་དཀར་ལགས་ཀྱི་སྙན་དེབ༼མདུད་པ༽ཅེས་པ་ཀན་སུའུ་མི་རིགས་དཔེ་སྐྲུན་ཁང་གིས་དངོས་སུ་པར་ཏུ་བསྐྲུན་ནས་ཐོན་ཡོད་ལ། སྙན་དེབ་འདི་རུ་སྙན་ངག་པ་ཁོང་གི་སྙན་ངག་བརྒྱ་ཕྲག་ལྷག་བཏུས་ནས་རྒྱ་ཆེའི་སྙན་ངག་ཀློག་པོ་རྣམས་ཀྱི་སྤྱན་སྔར་བཀྲམ་ཡོད།  སྙན་དེབ་འདིའི་འགོ་བརྗོད་དུ་བོད་ཀྱི་སྙན་ངག་པ་གྲགས་ཅན་སྐྱབས་ཆེན་བདེ་གྲོལ་ལགས་དང་རོང་བོ་དགེ་འདུན་ལྷུན་གྲུབ་གཉིས་ནས་ད་སྐབས་ཀྱི་སྙན་ངག་གི་ཚ་རླབས་འཕེལ་ཚུལ་དང་འབྲེལ་ནས་རོང་བོ་གངས་དཀར་ལགས་ཀྱི་སྙན་ངག་ལ་ལེགས་སོ་དང་གདེང་འཇོག་གང་ལེགས་ཕུལ་ཡོད་ལ།  འདི་ལྟ་བུའི་སྙན་དེབ་ཀྱི་འགོ་དྲངས་ནས་བོད་ཀྱི་སྙན་ངག་དང་དེ་འབྲེལ་གྱི་གསར་བུ་གཞོན་པ་ཚོས་མཛེས་སྡུག་གི་ལམ་ཁ་གསལ་བོ་ཞིག་རྙེད་ཐུབ་པའི་ཡིད་ཆེས་ཀྱང་མི་མི་ཉུང་བ་ཞིག་གིས་བཅངས་ཡོད་དོ།།