ལིའུ་ཆི་པའོ་ཡིས་ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་དང་།ཞིང་ཆེན་མི་རིགས་དོན་བྱེད་ཨུ་ལྷན།ཞིང་ཆེན་ཆོས་ལུས་ཅུས་བཅས་ཀྱི་ལས་བྱེད་པ་དང་ལས་བཟོ་ཚོར་འཚམས་འདྲི་གནང་སྐབས།ལིའུ་ཆི་པའོ་ཡིསབོད་ཁུལ་གྱི་འཕེལ་རྒྱས་བརྟན་བརླིང་གི་ཁྱོན་ཡོངས་ལ་སྲུང་སྐྱོང་དང་།མི་རིགས་ཁག་གི་མི་དམངས་ཀྱི་རྩ་བའི་ཁེ་ཕན་སྲུང་སྐྱོང་བྱེད་དགོས་ཞེས་གསུངས་།
ཟླ་བ་དང་པོའི་ཚེས30ཉིན།ཞིང་ཆེན་ཏང་ཨུའི་ཧྲུའུ་ཅི།ཞིང་ཆེན་དམངས་ཆེན་རྒྱུན་ཨུའི་ཀྲུའུ་རེན་ལིའུ་ཆི་པའོ་ཡིས་ཁག་བགོས་ནས་ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་དང་།ཞིང་ཆེན་མི་རིགས་དོན་བྱེད་ཨུ་ལྷན།ཞིང་ཆེན་ཆོས་ལུས་ཅུས་སོགས་སྡེ་ཚན་དུ་ཕེབས་ནས་ལས་བྱེད་པ་དང་ལས་བཟོ་ཚོར་འཚམས་འདྲི་ཞུས་ནས་ཚང་མ་ལ་དཔྱིད་གསར་དུས་ཆེན་ལ་བཀྲ་ཤིས་བདེ་ལེགས་ཞུས་པར་མ་ཟད།ད་རུང་ལས་འགན་གཙང་སྒྲུབ་བྱས་ནས་དཔལ་འབྱོར་དང་སྤྱི་ཚོགས་འཕེལ་རྒྱས།སྤྱི་ཚོགས་འཆམ་མཐུན་བརྟན་བརླིང་ཡོང་བར་ཞབས་འདེགས་ཞུ་བའི་ཁྲོད་དུ་བྱས་རྗེས་དེ་བས་འཇོག་དགོས་པ་དང་།ཁྱད་པར་དུ་རང་རེའི་བོད་ཁུལ་འཕེལ་རྒྱས་ཡོང་བ་དང་།བརྟན་བརླིང་དང་དམངས་འཚོའི་ལས་ཀ་ཁག་ཡག་པོ་སྒྲུབ་གང་ཐུབ་བྱས་ནས་བློ་བརྟན་འགྱུར་མེད་ཀྱིས་བོད་ཁུལ་གྱི་འཕེལ་རྒྱས་བརྟན་བརླིང་གི་ཁྱོན་ཡོངས་སྲུང་སྐྱོང་བྱེད་པ།མི་རིགས་ཁག་གི་མི་དམངས་ཀྱི་རྩ་བའི་ཁེ་ཕན་ལ་སྲུང་སྐྱོང་བྱེད་དགོས་པའི་ཐུགས་རེ་གནང་བ་རེད།ཞིང་ཆེན་ཏང་ཨུའི་ཧྲུའུ་ཅི་གཞོན་པ་ལི་ཁྲུན་ཁྲེང་འཚམས་འདྲི་གནང་སར་མཉམ་ཕེབས་གནང་བ།ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་རུ་འཚམས་འདྲི་གནང་སྐབས།ལིའུ་ཆི་པའོ་བོད་ཁུལ་ཁྲུའུ་ཡི་གཞུང་ལས་ཁང་དུ་ཕེབས་ནས་ལས་སྒྲུབ་མི་སྣ་རེ་རེ་བཞིན་ཕྱག་གཏོང་གནས་ནས་ལོ་གསར་སྐྱིད་པོ་ཡོང་བའི་སྨོན་འདུན་ཞུས་པ་རེད།སྤྲོ་སེམས་འཁོལ་བའི་ཐལ་རྡབ་སྒྲའི་ཁྲོད་དུ་བོད་ཁུལ་ཁྲུའུ་ཡི་བོད་རིགས་ལས་བྱེད་པས་ལིའུ་ཆི་པའོ་ལ་དར་དཀར་ཕུལ་ནས་བོད་རིགས་མི་དམངས་ཀྱི་བཀྲ་ཤིས་སྨོན་འདུན་ཞུས་པ་མཚོན་པ་བྱས།བོད་ཁུལ་ཁྲུའུ་ཡི་ལས་བྱེད་པ་དང་ལས་བཟོ་ཚོས་ལིའུ་ཆི་པའོ་ལ་བཤད་རྒྱུར།སི་ཁྲོན་ལོ་འདི་ཁ་ཤས་རིང་ས་འགུལ་ཆེན་པོའི་གནོད་སྐྱོན་འགོག་པ་དང་རྒྱལ་སྤྱིའི་དངུལ་ལོར་ཉམས་ཉེན་ཁུར་བ་ཁ་གཏད་འཇལ་བ་དང་ཆབས་ཅིགད་རུང་མི་རིགས་ས་ཁུལ་གྱི་འཕེལ་རྒྱས་ལ་དམིགས་བསལ་གྱིས་ཐུགས་ཁུར་གནང་བ་དང་།ཁྱད་པར་དུ་བོད་ཁུལ་གྱི་ལས་གྲྭ་ཆེན་པོ་གསུམ་ལག་བསྟར་ཤུགས་ཆེན་བྱས་ནས་བོད་ཁུལ་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་བཅོས་མངོན་གསལ་བྱུང་ནས་བོད་ཁུལ་གྱི་རྒྱ་ཆེའི་ལས་བྱེད་པ་དང་མང་ཚོགས་ཀྱིས་རྒྱབ་སྐྱོར་དང་བརྩི་བཀུར་བྱས་པ་རེད།ལིའུ་ཆི་པའོ་ཡིས་ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་ཡི་ལས་བྱེད་པ་དང་ལས་བཟོ་ཚོས་དུས་ཡུན་རིང་པོ་ནས་བཟུང་ཞིང་ཆེན་ཡོངས་ཀྱི་ལས་ཀའི་ལྟེ་གནས་ལ་དམིགས་ནས་མཐུན་རྐྱེན་འདོན་སྤེལ་དང་།རང་འགན་གཙང་སྒྲུབ།ཐུན་མོང་དུ་ངོས་འཛིན་དང་།གོང་བུ་འགྲིག་ཤུགས་ཆེ་རུ་བཏང་ནས།ཚན་རིག་དང་མཐུན་པའི་འཕེལ་རྒྱས་གཏོང་རྒྱུ་ལ་ཞབས་འདེགས་ཞུ་བ་དང་།དམངས་འཚོ་ལེགས་བཅོས་གཏོང་རྒྱུར་སྐུལ་འདེད་དང་སྤྱི་ཚོགས་བརྟན་བརླིང་སོགས་ཐད་བྱས་རྗེས་ཆེན་པོ་བཞག་ཡོད་པར་བཀའ་དྲིན་ཆེ་ཞུ་གནང་བར་མ་ཟད།ད་རུང་ཚང་མ་ལ་སྔར་ལྷག་གིས་འཐབ་ཕྱོགས་གཅིག་གྱུར་གྱི་དམིགས་བསལ་མཐུན་རྐྱེན་འདོན་པ་དང་།ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ལས་ཀའི་ལྟེ་གནས་ལ་དམིགས་ནས་ཞིང་ཆེན་ཡོངས་ཀྱི་རྒྱ་ཆེའི་འཐབ་ཕྱོགས་གཅིག་གྱུར་གྱི་གྲུབ་མི་མཐུན་སྒྲིལ་དང་སྣེ་ཁྲིད་བྱས་ནས་དཔལ་འབྱོར་སྤྱི་ཚོགས་འཕེལ་རྒྱས་ཡོང་བ་དང་སྤྱི་ཚོགས་འཆམ་མཐུན་བརྟན་བརླིང་གི་ཁྲོད་བྱས་རྗེས་དེ་བས་ཆེན་པོ་འཇོག་དགོས་པ་དང་ཁྱད་པར་དུ་བོད་ལས་ཀའི་དོན་དངོས་ལ་དམིགས་ནས་འཐབ་ཕྱོགས་གཅིག་གྱུར་ལས་ཀའི་ནང་དོན་ཕུན་སུམ་ཚོགས་སུ་གཏོང་བ་དང་།མང་ཚོགས་ཀྱི་ལས་ཀ་ཟབ་སྒྲུབ་བྱས་ནས་བོད་ཁུལ་གྱི་མི་རིགས་ཁག་གི་མང་ཚོགས་ཚོ་ཏང་དང་སྲིད་གཞུང་གི་མཐའ་སྐོར་དུ་མཐུན་སྒྲིལ་དམ་ཟབ་བྱེད་དགོས་པའི་ཐུགས་རེ་གནང་བ་རེད།ལིའུ་ཆི་པའོ་ཡིས་ད་རུང་སི་ཁྲོན་བོད་རིག་པ་ཞིབ་འཇུག་ཁང་གི་མཁས་ཅན་དང་རིག་ལྡན་ཚོར་འཚམས་འདྲི་གནང་ནས་བོད་ཁུལ་གྱི་མི་རིགས་དང་སྤྱི་ཚོགས།དཔལ་འབྱོར།ཆོས་ལུགས།སློབ་གསོ་དང་ལོ་རྒྱུས་རིག་གནས་སོགས་ཕྱོགས་གང་ཐད་ཀྱི་སློབ་གཞི་ལ་ཞིབ་འཇུག་ཟབ་མོ་བྱེད་པ་དང་།རྒྱུད་རིམ་ལྡན་པའི་ཕྱོགས་བསྡོམས་དང་གདམ་གསེས་བྱས་ནས་རང་རེའི་བོད་ཁུལ་གྱི་བཅོས་བསྒྱུར་དང་འཕེལ་རྒྱས་བརྟན་བརླིང་བཅས་ཀྱི་ལས་ཀ་ཁག་ལ་རིན་ཐང་ལྡན་པའི་སྲིད་ཀྱི་གྲོས་གཞི་འདོན་དགོས་པའི་ཐུགས་རེ་གནང་བ་རེད།  ཉེ་བའི་ལོ་ཤས་རིང་།རང་རེའི་ཞིང་ཆེན་གྱིས་དམངས་འཚོ་ལེགས་བཅོས་བྱ་རྒྱུ་དེ་གཞི་འཛིན་ས་དང་དོན་ལ་འབབ་ས་བྱས་ནས་ཤུགས་ཆེན་པོས་བོད་ཁུལ་དུ་དམངས་ཕན་ལས་གྲྭ་ཆེན་མོ་གསུམ་དང་།དབྱི་རིགས་ཀྱི་ཁྱིམ་གཞིས་གསར་པའི་ལས་གྲྭ་སོགས་གལ་ཆེ་བའི་དམངས་ཕན་ལས་གྲྭ་ལག་བསྟར་བྱས་ནས་མི་རིགས་ས་ཁུལ་མང་ཚོགས་ཀྱི་ཐོན་སྐྱེད་དང་འཚོ་བའི་ཆུ་ཚད་མཐོ་འདེགས་ཧུར་ཐག་བཏང་ཡོད།ཞིང་ཆེན་ཏང་ཨུ་དང་སྲིད་གཞུང་གིས་མཛད་པའི་རབ་དང་རིམ་པའི་ཐབས་ཇུས་འཆར་འགོད་གལ་ཆེ་འདི་དག་ཕལ་ཆེར་ནི་ཞིང་ཆེན་མི་རིགས་དོན་གཅོད་ཨུ་ཡོན་ལྷན་ཁང་གིས་འགན་ཁུར་ནས་མཐུན་འགྲིག་དང་ལག་ལེན་བསྟར་བ་རེད།ཞིང་ཆེན་མི་རིགས་དོན་གཅོད་ཨུ་ཡོན་ལྷན་ཁང་དུ་བདེ་འདྲི་དང་འཚམས་འདྲིར་ཕེབས་དུས།ལིའུ་ཆི་པའོ་ཡིས་གསུངས་དོན།མི་རིགས་ལས་དོན་ནི་སི་ཁྲོན་གྱི་ལས་དོན་སྤྱི་ཡོངས་ཁྲོད་དུ་གལ་ཆེའི་གོ་གནས་བཟུང་ཡོད།ཞིང་ཆེན་ཏང་ཨུ་དང་སྲིད་གཞུང་གི་སྲ་བརྟན་དབུ་ཁྲིད་འོགཉེ་བའི་ལོ་ཤས་རིང་ཞིང་ཆེན་མི་རིགས་དོན་གཅོད་ཨུ་ཡོན་ལྷན་ཁང་གི་ལས་ཀར་གྲུབ་འབྲས་མངོན་གསལ་དོད་པོ་ཐོབ་པས། མི་རིགས་སོ་སོ་འདྲ་མཉམ་དང་།  མཐུན་སྒྲིལ།  འཆམ་མཐུན་བཅས་ཡོང་བར་སྐུལ་སྤེལ་ཤུགས་ཆེན་བཏང་ཡོད་པ་རེད། ལྷག་པར་དུ་དམངས་ཕན་ལས་གྲྭར་སྐུལ་སྤེལ་ཤུགས་ཆེན་བཏང་སྟེ་མི་རིགས་ས་ཁུལ་གྱི་མང་ཚོགས་ཕལ་ཆེར་ལ་དངོས་ཕན་ཐོབ་བཅུག་ཡོད་པས་ཏང་གི་མི་རིགས་ས་ཁུལ་དུ་ཡོད་པའི་མང་ཚོགས་ཀྱི་རྨང་གཞི་དང་སྲིད་འཛིན་གྱི་གོ་གནས་སྲ་བརྟན་དུ་བཏང་བ་རེད།  ལོ་གསར་པར།ཞིང་ཆེན་མི་རིགས་དོན་གཅོད་ཨུ་ཡོན་ལྷན་ཁང་ལ་སྔར་ལྷག་གིས་ཏང་གི་མི་རིགས་སྲིད་ཇུས་ལ་གོ་བ་ཡང་དག་པ་བླངས་པ་དང་དོན་འཁྱོལ་གཏིང་ཟབ་གཏོང་དགོས་པ་དང་།གལ་ཆེའི་དམངས་ཕན་ལས་གྲྭ་ཁག་ལག་བསྟར་ནན་ཏིག་བྱས་ནས་མང་ཚོགས་དེ་བས་མང་བར་ཕན་པ་ཐོབ་འཇུག་དགོས་པ།མི་རིགས་ས་ཁུལ་གྱི་དཔལ་འབྱོར་འཕེལ་རྒྱས་མགྱོགས་པོ་དང་།མི་རིགས་མཐུན་སྒྲིལ་འཆམ་མཐུན།སྤྱི་ཚོགས་འཆམ་མཐུན་བརྟན་བརླིང་བཅས་ཡོང་བར་སྐུལ་འདེད་གཏོང་དགོས་པའི་རེ་བ་བཏོན་པ་རེད།ཞིང་ཆེན་ཆོས་ལུགས་ཅུས་སུ་བདེ་འདྲི་དང་འཚམས་འདྲིར་ཕེབས་པའི་ཚེ།ལིའུ་ཆི་པའོ་ཆོས་ལུགས་ཅུས་ཀྱི་བོད་བརྒྱུད་ནང་བསྟན་ཆོས་ལུགས་ཁྲུའུ་ཡི་གཞུང་ལས་ཁང་དུ་ཕེབས་ནས་ལས་སྒྲུབ་མི་སྣ་དང་མཛའ་བརྩེའི་ངང་ཁ་ཏ་བྱེད་པ་དང་།ལོ་སར་ལ་ཕན་ཚུན་འཚམས་འདྲི་དང་ཤིས་ཚིག་འབུལ་རེས་ཀྱང་བྱས།ཚང་མས་དུས་ཡུན་རིང་པོ་ནས་བཟུང་རྒྱལ་ཁབ་ཀྱི་མི་རིགས་ཆོས་ལུགས་སྐོར་གྱི་སྲིད་ཇུས་ལག་བསྟར་བྱེད་པ་དང་།མི་རིགས་ཁག་མཐུན་སྒྲིལ་ཆེན་མོ་ཡོང་བར་ལས་དོན་བསྒྲུབས་པར་ཐུགས་རྗེ་ཆེ་ཞུས།ལིའུ་ཆི་པའོ་ཡིས་གསུངས་དོན།ཆོས་ལུགས་ལས་དོན་གྱི་ལས་འགན་ལྕི་བ་དང་།དཀའ་ཚེགས་ཆེ་ཞིང་རྙོག་དྲ་ཆེ་བས་ཏང་དང་རྒྱལ་ཁབ་ཀྱི་ཆོས་ལུགས་སྐོར་གྱི་སྲིད་ཇུས་ལ་ཞིབ་འཇུག་གཏིང་ཟབ་བྱེད་དགོས་པ་དང་།ཆོས་ལུགས་རང་ཉིད་ལ་ཞིབ་འཇུག་གཏིང་ཟབ་བྱེད་དགོས་པ།དངོས་ཡོད་གནས་ཚུལ་ལ་ཞིབ་འཇུག་གཏིང་ཟབ་བཅས་བྱས་ནས་བཅའ་ཁྲིམས་ལྟར་ཆོས་ལུགས་རང་དབང་ལ་འགན་སྲུང་བྱེད་དགོས་པ་དང་།བཅའ་ཁྲིམས་ལྟར་ཆོས་ལུགས་ཀྱི་ལས་དོན་ལ་དོ་དམ་བྱེད་དགོས།ལྷག་པར་དུ་བོད་བརྒྱུད་ནང་བསྟན་ཆོས་ལུགས་ཀྱི་ཞིབ་འཇུག་ལས་ཀ་ནན་ཏིག་གིས་ལེགས་བསྒྲུབས་བྱས་ཏེ་བཅའ་ཁྲིམས་ལྟར་ཆོས་དད་རང་མོས་ལ་འགན་སྲུང་བྱེད་ཐུབ་པ་མ་ཚད་ཆོས་ལུགས་དེ་སྤྱི་ཚོགས་རིང་ལུགས་དང་ཕན་ཚུན་འཚམ་པོར་ཡོང་བ་དང་།སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་དང་འཚམ་པོ་ཡོང་བར་སྣེ་ཁྲིད་བྱེད་དགོས།བོད་ཁུལ་གྱི་མི་རིགས་ཁག་གི་མང་ཚོགས་དང་དགེ་འདུན་པ་ཚོས་རྙེད་དཀའ་བའི་འཕེལ་རྒྱས་དང་བརྟན་བརླིང་གི་གནས་བབ་ལ་ལྷག་པར་གཅེས་སྤྲས་བྱེད་དགོས་པར་སྣེ་ཁྲིད་བྱེད་དགོས།སྔར་ལྷག་གིས་མི་རིགས་མཐུན་སྒྲིལ་གྱི་འདུ་ཤེས་དང་རྒྱལ་གཅེས་རིང་ལུགས་ཀྱི་དགའ་ཞེན་ལ་སྐུལ་མ་གཏོང་དགོས་པ་དང་།ཁ་བྲལ་ལ་ངོ་རྒོལ་དང་མཐུན་སྒྲིལ་ལ་སྲུང་སྐྱོང་བྱེད་པའི་བསམ་བློའི་རྨང་གཞི་དང་མང་ཚོགས་ཀྱི་རྨང་གཞི་བརྟན་པོ་བསྐྲུན་ནས་རང་རེའི་ཞིང་ཆེན་བོད་ཁུལ་གྱི་མཆོང་རྒལ་འཕེལ་རྒྱས་དང་ཡུན་རིང་བདེ་འགོད་མངོན་འགྱུར་ཡོང་གང་ཐུབ་བྱེད་དགོས།ལིའུ་ཆི་པའོ་ཡིས་ད་དུང་ཆོས་ལུགས་ཅུས་ཀྱི་ལས་བྱེད་པ་དང་ལས་བཟོ་བ་རྣམས་ལ་སློབ་སྦྱོང་བྱ་རྒྱུར་ཤུགས་སྣོན་རྒྱག་དགོས་པ་དང་བརྩོན་ཞིབ་ནན་ཏན་བྱས་ཏེ་རྒྱུན་མཐུད་དེ་ལས་སྒོའི་ལས་སྒྲུབ་ཆུ་ཚད་མཐོ་འདེགས་གཏོང་དགོས་པའི་བླང་བྱ་ཡང་བཏོན་པ་རེད།འཚམས་འདྲི་ཞུ་སྐབས་ལིའུ་ཆི་པའོ་ཡིས་གསུངས་དོན།རང་རེའི་ཞིང་ཆེན་དེང་སྐབས་ཀྱི་དཔལ་འབྱོར་འཕེལ་རྒྱས་མགྱོགས་པོ་གཏོང་བ་དང་།སྤྱི་ཚོགས་འཆམ་མཐུན་དང་བརྟན་བརླིང་།མི་རིགས་མཐུན་སྒྲིལ་འཆམ་མཐུན།མི་དམངས་བདེ་སྡོད་ལས་བརྩོན་བཅས་ཡོང་བའི་རྣམ་པ་ཡག་པོ་ནི་ཡོང་སླ་མོ་མིན་པས།  མི་རིགས་སོ་སོའི་ལས་བྱེད་པ་དང་མང་ཚོགས་ཀྱིས་གཅེས་སྲུང་དེ་བས་ཆེན་པོ་བྱས་ནས་ཐུན་མོང་དུ་འཕེལ་རྒྱས་གཏོང་བ་དང་བརྟན་བརླིང་ཡོང་བའི་ཁྱོན་ཡོངས་ལ་འཚོ་སྲུང་བྱེད་དགོས་ཤིང་།  མི་རིགས་སོ་སོའི་མི་དམངས་ཀྱི་རྩ་བའི་ཁེ་ཕན་འཚོ་སྲུང་བྱེད་དགོས།  སྔར་ལས་ལྷག་པར་བོད་ཁུལ་མཆོང་རྒལ་འཕེལ་རྒྱས་གཏོང་ཤུགས་ཆེ་རུ་གཏོང་དགོས་ཤིང་།སྔར་ལས་ལྷག་པར་དམངས་འཚོ་ལེགས་བཅོས་བྱེད་ཤུགས་ཆེ་རུ་གཏོང་དགོས།ཤུགས་ཆེན་པོས་དེང་རབས་ཀྱི་ཞིང་འབྲོག་ལས་རིགས་དང་རིག་གནས་ལྗོངས་རྒྱུ་ལས་རིགས་འཕེལ་རྒྱས་གཏོང་དགོས།སྐྱེ་ཁམས་འཛུགས་སྐྲུན་དང་ཁོར་ཡུག་སྲུང་སྐྱོང་གི་ལས་ཀ་ཡག་པོ་ཏན་ཏིག་སྒྲུབ་དགོས།རྒྱུན་འཁྱོངས་ལྷོད་མེད་ཀྱིས་བོད་ཁུལ་དམངས་འཚོ་སྐོར་གྱི་ལས་གྲྭ་ཆེན་པོ་གསུམ་ལག་ལེན་བསྟར་བར་སྐུལ་འདེད་གཏོང་དགོས།ཀྲུང་དབྱང་དང་ཞིང་ཆེན་ཏང་ཨུ།ཞིང་ཆེན་སྲིད་གཞུང་གིས་བོད་ཁུལ་མཆོང་རྒལ་འཕེལ་རྒྱས་གཏོང་བ་དང་ཡུན་རིང་བདེ་འགོད་ཡོང་བར་རོགས་སྐྱོར་གནང་བའི་སྲིད་ཇུས་ཁག་ཁྱིམ་ཚང་ཁྲི་སྟོང་ལ་དོན་འཁྱོལ་བྱེད་དགོས།སྤྱི་ཚོགས་བརྟན་བརླིང་འཚོ་སྲུང་དང་།སྤྱི་ཚོགས་རིང་ལུགས་ཀྱི་ཁྲིམས་ལུགས་འཚོ་སྲུང་།མི་རིགས་མཐུན་སྒྲིལ་འཚོ་སྲུང་།མི་དམངས་མང་ཚོགས་ཀྱི་རྩ་བའི་ཁེ་ཕན་འཚོ་སྲུང་བཅས་བྱེད་པའི་དར་ཆ་མཐོན་པོ་བསྒྲེངས་ཏེ་སྒོ་ཀུན་ནས་ཏང་དང་རྒྱལ་ཁབ་ཀྱི་མི་རིགས་ཆོས་ལུགས་སྐོར་གྱི་སྲིད་ཇུས་དོན་འཁྱོལ་བྱེད་དགོས་ཤིང་།བཅའ་ཁྲིམས་ལྟར་དགོན་པའི་དོ་དམ་བྱ་རྒྱུར་ཤུགས་སྣོན་རྒྱག་དགོས།ཁྲིམས་ལུགས་དྲིལ་བསྒྲགས་དང་སློབ་གསོ་བྱ་རྒྱུར་ཤུགས་སྣོན་བརྒྱབ་སྟེ་མི་དམངས་ཀྱི་བཅའ་ཁྲིམས་འདུ་ཤེས་དང་ཁྲིམས་ལུགས་ཀྱི་འདུ་ཤེས་མཐོ་རུ་བཏང་ནས་སྒྲིག་བརྩི་ཁྲིམས་སྲུང་གི་སྤྱི་དམངས་ཤིག་བྱེད་དགོས།དར་ཆ་གསལ་པོས་ཁ་བྲལ་དང་གཏོར་བཤིག་བཏང་བའི་བྱ་སྤྱོད་ལ་ངོ་རྒོལ་བྱེད་དགོས་པ་དང་དྲག་ཤུགས་ཀྱིས་བྱས་ཉེས་བསགས་པའི་བྱ་སྤྱོད་ལ་རྡུང་རྡེག་ནན་པོ་རྒྱག་དགོས།མི་རིགས་མཐུན་སྒྲིལ་དང་ཡར་ཐོན་ཡོང་བའི་དྲིལ་བསྒྲགས་དང་སློབ་གསོ་བྱ་རྒྱུར་ཤུགས་སྣོན་རྒྱག་དགོས།མང་ཚོགས་སྐོར་གྱི་ལས་ཀ་གཏིང་ཟབ་དང་ཞིབ་ཕྲ་བསྒྲུབས་ནས་བོད་ཁུལ་མི་རིགས་སོ་སོའི་མང་ཚོགས་ཀྱིས་ཐུན་མོང་དུ་བརྟན་བརླིང་འཚོ་སྲུང་བྱེད་པ་དང་ཐུན་མོང་དུ་སྤྱི་ཚོགས་འཆམ་མཐུན་བསྐྲུན་པར་སྐུལ་ཁྲིད་བྱེད་དགོས།བོད་ཁུལ་རིམ་པོ་སོ་སོའི་གཞི་རིམ་རྩ་འཛུགས་དང་མི་རིགས་སོ་སོའི་ལས་བྱེད་པ་དང་མང་ཚོགས་ལ་དམ་པོ་བརྟེན་ནས་འཕེལ་རྒྱས་གཏོང་བ་དང་བརྟན་བརླིང་ཡོང་བའི་ལས་ཀ་ཡག་པོ་སྒྲུབ་དགོས།རིམ་པ་སོ་སོའི་ལས་བྱེད་པས་སྔར་ལས་ལྷག་པར་སྤྱོད་པ་འགྱུར་ལྡོག་བྱས་ཏེ་གཞི་རིམ་དུ་ཕྱིན་དགོས་ཤིང་།གྲོང་ཚོ་དང་ཁྱིམ་ཚང་དུ་ཕྱིན་ནས་མང་ཚོགས་ཀྱི་འབོད་སྒྲ་ཤེས་རྟོགས་བྱེད་དགོས།མ་སྐུལ་དང་བླངས་ཀྱིས་དཀའ་ངལ་ཡོད་པའི་མང་ཚོགས་ཀྱི་ཐོན་སྐྱེད་དང་འཚོ་བའི་དཀའ་གནད་ཐག་གཅོད་རོགས་བྱེད་དགོས།རྒྱུན་ཆད་མེད་པར་ཏང་དང་མང་ཚོགས་བར་གྱི་འབྲེལ་བ་དང་ལས་བྱེད་པ་དང་མང་ཚོགས་བར་གྱི་འབྲེལ་བ་དམ་འབྲེལ་བྱེད་དགོས།ཞིང་ཆེན་ཏང་ཨུ།དྲུང་ཡིག་ཆེན་མོ་བ།འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཁྲེན་ཀང་ཀྲི་དང་།ཞིང་དཔོན་གཞོན་པ་ཆུས་མོ་ཧྲི་ཧྭ་གཉིས་མཉམ་དུ་འཚམས་འདྲི་ཞུ་སར་ཕེབས་ཡོད།