ཟླ་དང་པོའི་ཚེས་བདུན་ཉིན།མཚོ་སྔོན་ཞིང་ཆེན་པར་ལེན་པའི་མཐུན་ཚོགས་ཀྱིས་ཉིས་སྟོང་བཅུ་གཉིས་ལོའི་ལོ་ཚོགས་དང་མཚོ་སྔོན་ཞིང་ཆེན་པར་ལེན་སྒྱུ་རྩལ་འགྲེལ་སྟོན་འགྲན་བསྡུར་སྐབས་བཅོ་ལྔ་བའི་གཟེངས་བསྟོད་མཛད་སྒོ་བསྡུས།ཞིང་ཆེན་ཏང་ཨུའི་རྒྱུན་ཨུའམ་དྲིལ་བསྒྲགས་པུའུ་ཡི་པུའུ་ཀྲང་ཅིས་ཏིས་མ་ཅ་དང་།ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ལིག་ཁྲོན་ཡའོ།ཧྲིན་ཀྲང་གཞོན་པ་ཝང་ལིན་ཅོན།ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་པའོ་ཡིས་ཀྲིཧན་ཡིས་ཀོས་མཛད་སྒོར་ཞུགས།ཚོགས་ཐོག་ཏུ།ཅིས་ཏིས་མ་ཅ་ཡིས་མཚོ་སྔོན་པར་ལེན་པའི་མཐུན་ཚོགས་ཀྱིས་ལོ་ངོ་གཅིག་གི་རིང་ལ་བསྒྲུབས་པའི་བྱ་བར་ཁས་ལེན་དང་།མཚོ་སྔོན་པར་ལེན་པས་བབ་ཆགས་འཚོལ་སྙེགས་དང་འདུ་ཤེས་གསར་བཏོད།པར་ལེན་གྱི་ཁྱད་དུ་འཕགས་པའི་སྒྱུ་རྩལ་གྱི་སྐད་ཆར་བརྟེན་ནས་རབ་མཛེས་མཚོ་སྔོན་དང་གནས་སྐོར་མཚོ་སྔོན།སྐྱེ་ཁམས་མཚོ་སྔོན་དྲིལ་བསྒྲགས་ཀྱི་ཐད་ལ་བཏོན་པའི་ནུས་པར་གཟེངས་བསྟོད་བྱས།ཉིས་སྟོང་བཅུ་གཅིག་ལོར།མཚོ་སྔོན་ཞིང་ཆེན་གྱི་པར་ལེན་མཐུན་ཚོགས་སོ་སོས་ནང་དོན་ཕུན་སུམ་ཚོགས་ཤིང་གསར་བ་ཡིན་པ།དུས་རབས་ཀྱི་སྙིང་སྟོབས་དང་སྒྱུ་རྩལ་གྱི་གསོན་ཤུགས་ཆེས་ཆེར་ལྡན་པའི་བརྩམས་ཆོས་ཕུལ་བྱུང་ཁག་ཅིག་གསར་རྩོམ་མཛད་པ་དང་།ཤན་ཤུགས་ལྡན་པའི་པར་ལེན་བརྩམས་ཆོས་གསར་རྩོམ་དང་བརྗེ་རེས་ཀྱི་བྱ་འགུལ་རབ་དང་རིམ་པ་སྤེལ་བ་རེད།ཚོགས་འདུའི་སྟེང་གཞི་རིམ་གྱི་པར་ལེན་མཐུན་ཚོགས་བཅུ་གསུམ་གྱི་ཕུལ་བྱུང་ཚོགས་མི་དང་།མཚོ་སྔོན་ཞིང་ཆེན་པར་ལེན་སྒྱུ་རྩལ་འགྲེམ་སྟོན་སྐབས་བཅོ་ལྔ་བའི་ནང་བྱ་དགའ་ཐོབ་པའི་རྩོམ་པ་པོ་རྣམས་ལ་གཟེངས་བསྟོད་བྱས།