དགོ་བ་ཁྱུ་ཞིག་མཐོ་སྒང་དུ་ཇི་དགར་དུ་འཚོ་བཞིན་པ། 

 

 ཀྲུང་གོའི་བོད་ཀྱི་དྲ་བའི་འཕྲིན།  བོད་ལྗོངས་ནུབ་ཕྱོགས་མཚམས་སུ་ཆགས་ཡོད་པའི་མངའ་རིས་ས་ཁུལ་གྱི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི34ཡོད་པ་དང་།  མཚོ་ངོས་ལས་ཆ་སྙོམས་ཀྱི་སྨིས4500ཡན་ལ་ཟིན་པས། “འཛམ་གླིང་གི་ཡང་རྩེ”ཞེས་པའི་མཚན་སྙན་གྱི་བ་དན་ཕྱོགས་ཀུན་ལ་ཁྱབ་ཡོད། དུས་རབས90བའི་དུས་དཀྱིལ་ནས་བཟུང་རྒྱལ་ཁབ་ཀྱིས་ཆེད་དུ་བོད་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་བཙུགས་པ་དང་།  མངའ་རིས་ས་ཁུལ་ཀྱི་ས་ཆ་ཡོངས་ལ་ཁྱབ་ཡོད། 

ཉེ་བའི་ལོ་འགའི་རིང་།  རྒྱལ་ཁབ་ཀྱིས་ནུས་ཤུགས་ཡོད་དགུ་སྤྱད་དེ་རི་སྐྱེས་སྲོག་ཆགས་སྲུང་སྐྱོང་བྱས་པ་དང་།  བོད་རང་སྐྱོང་ལྗོངས་མངའ་རིས་ས་ཁུལ་ནགས་ཚལ་སྤྱི་བདེ་སྡེ་ཁག་གིས་རི་སྐྱེས་སྲོག་ཆགས་ལྒོག་གསོད་བྱེད་པའི་ནག་ཉེས་བྱ་བ་རྡུང་རྡེག་ནན་མོ་བྱས་པ་བརྒྱུད། གཙོད་དང་འབྲོང་།  དགོ་བ་སོགས་རི་སྐྱེས་སྲོག་ཆགས་རྩ་ཆེན་སོགས་ཀྱི་གྲངས་ཀ་ལོ་རེར་འཕར་སྣོན་བྱུང་བཞིན་ཡོད།  ད་ལྟ་མངའ་རིས་མཐོ་སྒང་ནི་རི་སྐྱེས་སྲོག་ཆགས་རྩ་ཆེན་རྩེད་འཇོལ་རོལ་སར་གྱུར།