ཟླ་བཅུ་གཅིག་པའི་ཚེས་དགུ་ཉིན། གསར་འགོད་པས་མཚོ་སྔོན་ཁོར་ཡུག་ནུས་ཁུངས་བརྗེ་རེས་ཁང་ནས་རྒྱུས་ལོན་བྱུང་བའི་གནས་ཚུལ་ལྟར་ན། ཉེ་ལམ“གཙང་གསུམ་འབྱུང་ཡུལ་ཚད་གཞི་ཆེད་མཁས་པའི་བློ་འདྲི་ཨུ་ཡོན་ལྷན་ཁང་གི་གྲོས་ཚོགས་ཐེངས་དང་པོའི”སྟེང་། མཚོ་སྔོན་ཁོར་ཡུག་ནུས་ཁུངས་བརྗེ་རེས་ཁང་གིས་ཀྲུང་གོ་ཚན་རིག་གླིང་མདོ་དབུས་མཐོ་སྒང་ཞིབ་འཇུག་ཁང་དང་འཇར་མན་གྱི་ནགས་ལས་བློ་འདྲི་ཚད་ཡོད་ཀུང་ཟི། ཀྲུང་གོ་ནུབ་རྒྱུད་ནུས་ཁོངས་དོ་དམ་མ་རྐང་ཚད་ཡོད་ཀུང་ཟི། མཚོ་སྔོན་བརླན་ས་གསར་སྤེལ་ཚད་ཡོད་ཀུང་ཟི་སོགས་ཀྱིས་མཉམ་འབྲེལ་སྒོས་་གཏན་འཁེལ་བྱས་པའི“གཙང་གསུམ་འབྱུང་ཡུལ་གྱི་ཚད་གཞིའི་བསམ་འཆར་བསྡུ་ལེན་མ་ཡིག”བཀྲམས་རྗེས་མཚོ་སྔོན་དང་པེ་ཅིན་སོགས་ས་ཁུལ་གྱི་ཆེད་མཁས་བ་དང་ཡོན་ཏན་པ་ཉེར་གཉིས་མཚོ་སྔོན་ཁོར་ཡུག་ནུས་ཁུངས་བརྗེ་རེས་ཁང་ལ་འཛོམས་ཏེ་ཀྲུང་གོ་ནུབ་རྒྱུད་ཀྱི་རང་འགུལ་སྒོས་ཐཱན་ཇེ་ཉུང་དུ་གཏོང་བའི་ཚད་གཞི་དང་པོ་སྟེ“གཙང་གསུམ་ཚད་གཞི”ལ་ཐབས་ཇུས་བཏོན།

རྒྱུས་ལོན་བྱུང་བ་ལྟར་ན། “གཙང་གསུམ་ཚད་གཞི”ལ“གཙང་གསུམ་ཚད་གཞི”ཞེས་མིང་བཏགས་མོད། འོན་ཀྱང་དེ་བཀོལ་སྤྱོད་ཀྱི་ཁྱབ་ཁོངས་གཙང་གསུམ་འབྱུང་ཡུལ་ས་ཁུལ་གཅིག་པུ་མིན་པར་དེའི་ནང་ཞིང་ལས་དང་ནགས་ལས། རྩྭ་ཐང་། བརླན་ས་དང་ཞིང་ཕྱུགས་ལས། ནུས་ཁུངས་སོགས་འདུས།