ཚེ་རིང་རྒྱ་མཚོས་བསྒྱུར། ཞིན་ཧྭ་དྲ་བ། 2011-11-09
ཐེངས་གཉིས་པའི《བོད་ཡིག་ཚིག་མཛོད་ཆེན་མོ》རྩོམ་སྒྲིག་བྱ་བའི་གྲོས་ཚོགས་ཚེས5ཉིན་པེ་ཅིན་ནས་བསྡུས་ཤིང་། སྐབས་བཅུ་བའི་རྒྱལ་ཡོངས་དམངས་འཐུས་ཚོགས་ཆེན་གྱི་ཨུ་ཡོན་ཀྲང་གཞོན་པ་རག་སྡུས་གྲོས་ཚོགས་སྟེང་ཞུགས།
《བོད་ཡིག་ཚིག་མཛོད་ཆེན་མོ》ནི་མི་རིགས་པར་སྐྲུན་ཁང་གིས་སྒྲུབ་འགན་ཁུར་བའི་རྒྱལ་ཁབ་ཀྱི་པར་སྐྲུན་ཐེབས་རྩའི་རྣམ་གྲངས་ཤིག་ཡིན་ལ། 2007ལོར་དངོས་སུ་རྩོམ་སྒྲིག་བྱེད་འགོ་བརྩམས། ཚིག་སྦྱོར་དང་ཤེས་བྱ་ཀུན་འདུས་ཀྱི་ཕྱོགས་བསྡུས་ཚིག་མཛོད་ཞིག་རེད། རྒྱལ་ཁབ་རིམ་པའི་པར་སྐྲུན་རྣམ་གྲངས་ཤིག་ཡིན་པའི་ཆ་ནས། 《བོད་ཡིག་ཚིག་མཛོད་ཆེན་མོ》རྩོམ་སྒྲིག་དང་པར་སྐྲུན་བྱས་པ་ནི་ཀྲུང་གོའོ་རིགས་སོ་སོའི་རིག་གནས་ཕུན་སུམ་ཇེ་ཚོགས་སུ་གཏོང་བ་དང་། བོད་ཀྱི་རིག་གནས་རྒྱུན་འཛིན་དང་འཕེལ་རྒྱས་ལ་ནུས་པ་གང་ལེགས་འདོན་པ་བཅས་ལ་ཤུགས་རྐྱེན་ཆེན་པོ་ཐེབས་ངེས།
《བོད་ཡིག་ཚིག་མཛོད་ཆེན་མོ》བོད་ཀྱི་སྲོལ་རྒྱུན་རིག་གནས་དང་དེང་རབས་རིག་གནས་ལྟར་དེབ30རུ་བགོས་ཡོད་པ་དང་། དེའི་ནང་སྲོལ་རྒྱུན་གྱི་རིག་གནས་ལྟར་བཟོ་ལས་སྒྱུ་རྩལ་རིག་པ་དང་། གསོ་བ་རིག་པ། རོལ་མོ་རིག་པ། ནང་བསྟན་རིག་པ། ཚིག་རྒྱན་རིག་པ། ཚིག་སྦྱོར་རིག་པ། ཟློས་གར་རིག་པ། སྐར་རྩིས་རིག་པ། ཐུ་བྷོད་ཀྱི་གནའ་ཡིག བོན་ཆོས། ཞང་ཞུང་རིག་གནས་སོགས་སྣ13འདུས། དེང་རབས་ཀྱི་རིག་གནས་ལྟར་ཆབ་སྲིད་རིག་པ་དང་དམག་དོན་རིག་པ། ཚད་མ། བཅའ་ཁྲིམས་རིག་པ། དཔལ་འབྱོར་རིག་པ། བཟོ་ལས། ཞིང་ཕྱུགས་ལས། ཡིག་ཚགས། བརྡ་སྤྲོད་རིག་པ། ས་རྒྱུས་རིག་པ། སྐྱེ་ཁམས། གསོ་བ་རིག་པ། བརྡ་འཕྲིན་ལག་རྩལ་སོགས་སྣ17འདུས། །
དོ་སྣང་ཆེ་བའི་རྩོམ།
རྩོམ་གསར། 10