བོད་རང་སྐྱོང་ལྗོངས་ཀྱིས་སློབ་གསོའི་སྲིད་ཇུས་གསར་བ་བཅུ་བཞི་ལག་བསྟར་བྱེད་རྒྱུ་ཡིན་པ།

ཚེ་རིང་སྒྲོལ་མ།    ཀྲུང་གོ་བོད་ཀྱི་དྲ་བ།    2011-11-08

ཉེ་ལམ། བོད་རང་སྐྱོང་ལྗོངས་ཀྱིས་མ་འོངས་པའི་ལོ་ལྔའི་སློབ་གསོའི་འཕེལ་རྒྱས་ཐད་ལ་འཆར་འགོད་བྱས་ནས་སློབ་ལོ་མ་རན་གོང་གི་སློབ་གསོ་དང་། སློབ་ཆུང་། དམའ་འབྲིང་། མཐོ་འབྲིང་། ལས་རིགས་སློབ་གསོ་སོགས་ཐད་ལ་བཀོད་སྒྲིག་བྱས་པར་མ་ཟད། བཟོ་སྐྲུན་བཅུ་བཞི་ལག་བསྟར་བྱས་ནས་འཆར་འགོད་དེ་མངོན་འགྱུར་བྱེད་རྒྱུ་རེད།

བཟོ་སྐྲུན་བཅུ་བཞི་བོ་དེའི་ནང་དུ། སློབ་ལོ་མ་རན་གོང་གི་སློབ་གསོ་མྱོང་བའི་བྱིས་པས་བོད་རྒྱ་སྐད་ཡིག་གི་ལམ་ནས་སློབ་གསོ་མྱོང་ཐུབ་པའི་སློབ་གྲྭ་འཛུགས་སྐྲུན་བྱེད་པ་དང་། འོས་འགན་སློབ་གསོའི་བཅའ་སྡོད་ལམ་ལུགས་ཀྱི་སློབ་གྲྭ་ལས་པ། མཐོ་འབྲིང་དཀྱུས་མའི་སློབ་གྲྭ་ལས་པ། ལས་རིགས་སློབ་གསོའི་རྨང་གཞིའི་ནུས་པ་འཛུགས་སྐྲུན་བྱེད་པ། མཐོ་རིམ་སློབ་གསོ་འཕེལ་རྒྱས་སུ་གཏོང་བ། དམིགས་བསལ་སློབ་གསོའི་སློབ་གྲྭ་ལས་པ། བོད་རྒྱ་སྐད་ཡིག་གི་དགེ་རྒན་སྐྱེད་སྲིང་བྱེད་སའི་རྟེན་གཞི་ལས་པ། སློབ་གསོའི་བརྡ་འཕྲིན་ཅན་འཛུགས་སྐྲུན་བྱེད་པ། མཐོ་རིམ་ཤེས་ལྡན་མི་སྣ་སྐྱེད་སྲིང་བྱེད་པ། སློབ་གསོའི་གྲོན་དངུལ་གྱི་འགན་སྲུང་མ་ལག་དང་། རོང་འབྲོག་པའི་བུ་བུ་མོས་སློབ་གསོ་མྱོང་བའི་འགན་སྲུང་མ་ལག སློབ་མར་རོགས་སྐྱོར་བྱེད་པའི་མ་ལག དགེ་རྒན་ལས་རིགས་ཀྱི་འགན་སྲུང་མ་ལག་སོགས་འདུས་ཡོད།
 

སྐབས་དེར་བོད་རང་སྐྱོང་ལྗོངས་མི་དམངས་སྲིད་གཞུང་གིས«བོད་རང་སྐྱོང་ལྗོངས་ཀྱི་ལོ་ལྔའི་འཆར་གཞི་བཅུ་གཉིས་པའི་དུས་སྐབས་ཀྱི་སློབ་གསོའི་ལས་དོན་གྱི་འཕེལ་རྒྱས་འཆར་འགོད»ཞེས་པ་ཁྱབ་བསྒྲགས་བྱས་པ་དང་། དེས་མ་འོངས་པའི་ལོ་ལྔའི་ནང་བོད་ལྗོངས་ཀྱི་སློབ་གསོ་འཕེལ་རྒྱས་ཀྱི་གཞི་རྩའི་རྩ་དོན་དང་། དམིགས་འབེན་གཙོ་བོ་དང་ཉིས་སྟོང་ཉི་ཤུ་ལོའི་རྒྱང་རིང་དམིགས་འབེན་ལ་ཕྱོགས་ཡོངས་ནས་འཆར་འགོད་བྱས་པར་མ་ཟད། དམིགས་འབེན་དེ་མངོན་འགྱུར་བྱེད་པའི་ཐད་ལ་བྱེད་ཐབས་བཏོན།

  • ལེ་ཚན་སྔོན་མ།:སྐབས་དང་པོའི་བོད་གཞས་བགྲོ་གླེང་ཚོགས་འདུ།
  • ལེ་ཚན་རྗེས་མ།:པེ་ཅིན་མཁའ་སྐྱོད་སློབ་གྲྭ་ཆེན་མོའི་བོད་རིགས་སློབ་མས་སྐབས་དང་པོའི་བོད་ཀྱི་རིག་གནས་དུས་ཆེན་སྤེལ་བ།
  • དོ་སྣང་ཆེ་བའི་རྩོམ།