སྐབས་གསུམ་པའི་ཡར་ཀླུང་གཙང་པོའི་གྲོག་རོང་ཆེན་མོའི་མཐོ་རིམ་གླེང་སྟེགས་ཉེ་དུས་ཉིང་ཁྲི་ས་ཁུལ་ཉིང་ཁྲི་རྫོང་ཀླུ་ནང་གྲོང་རྡལ་དུ་འཚོགས་པ་དང༌། རྒྱལ་ཁབ་ཕྱི་ནང་ནས་ཡོང་བའི་གྲགས་ཅན་ཡུལ་སྐོར་ཇུས་འགོད་ཀུང་སིའི་འགན་ཁུར་བ། རྒྱལ་སྤྱིའི་གྲགས་ཅན་ཁོར་ཡུག་སྲུང་སྐྱོབ་རིག་གཅིག་མཁས་ཅན། རྒྱལ་ནང་གི་ཡུལ་སྐོར་ལས་དོན་ཁང་ཆེ་གྲས་ཁག་གི་འགན་ཁུར་བ། ཉིང་ཁྲི་ས་ཁུལ་གྱི་འབྲེལ་ཡོད་ཚན་པའི་འགན་ཁུར་བ་སོགས་སྐུ་མགྲོན50ལྷག་ཉིན་དེའི་མཐོ་རིམ་གླེང་སྟེགས་ལ་ཞུགས་ཡོད་པ་རེད། ཚོགས་ཞུགས་མི་སྣས་ཉིང་ཁྲི་སྟེ་རྒྱལ་ནང་གི་དགུན་ཁའི་ཡུལ་སྐོར་གྱི་ཡང་རྩེ་གསུམ་པ་ཞེས་པའི་བརྗོད་དོན་གཙོ་བོ་དང་དམ་པོར་བསྟུན་ནས་ཞིབ་བསྡུར་དང་སྤེལ་རེས་གཏིང་ཟབ་བྱས་ཏེ། བོད་ཀྱིས་དུས་ཚིགས་བཞི་པའི་ཡུལ་སྐོར་སྤེལ་རྒྱུར་རྩ་ཆེའི་ཉམས་མྱོང་དང་བསམ་ཕྱོགས་མཁོ་འདོན་བྱས་པ་རེད།  །