ཤིན་ཧྭ་གསར་འགྱུར་ཁང་སི་ཁྲོན་ཤིས་ཁྲང་ནས་ཟླ10པའི་ཚེས7ཉིན་གློག་འཕྲིན་འབྱོར་གསལ།2011ལོའི་ཟླ10པའི་ཚེས7ཉིན་གྱི་ཆུ་ཚོད16དང་སྐར་མ21ཐོག་རང་རྒྱལ་གྱིས་ཤིས་ཁྲང་སྲུང་སྐར་འཕེན་གཏོང་ལྷེ་གནས་ནས་”རྒྱང་སྐྱོད་ཨང་གསུམ་པའི་ཁ་པ་རྟགས་ཅན”གྱི་སྐྱེལ་འདྲེན་མེ་ཤུགས་འཕུར་མདའ་སྤྱད་དེ་ཧྥ་རན་སིའི་ཐའེ་ལེ་ཙེ་ཨ་ལའེ་ཉི་ཡ་འཇིག་རྟེན་འཕུར་སྐྱོད་ཀུང་སིས་བཟོས་པའིw3cའཕྲིན་གཏོང་སྲུང་སྐར་འཁོར་ལམ་ཐོག་བདེ་བླག་ངང་བསྐྱལ་བ་ནི་རང་རྒྱལ་གྱིས་ཡོ་རོབ་ཀྱི་སྲུང་སྐར་གཉེར་སྐྱོང་ཚོང་པར་འཕེན་གཏོང་ཞབས་འདེགས་ཞུ་ཐེངས་དང་པོ་དེ་ཡིན་པ་རེད།          མེ་ཤུགས་འཕུར་མདའ་མཁའ་དབྱིངས་སུ་འཕེན་གཏོང་བྱས་ནས་སྐར་མ26ཙམ་སོང་རྗེས་ཤིས་ཨན་སྲུང་སྐར་ཚད་ལེན་ཚོད་འཛིན་ལྟེ་གནས་ནས་འབྱོར་བའི་གྲངས་གཞིའི་ཐོག་ནས་་མངོན་པར་སྲུང་སྐར་དང་མེ་ཤུགས་འཕུར་མདའ་གཉིས་བདེ་བླག་ངང་ཁ་གྱེས་པ་དང་སྲུང་སྐར་དེ་ཐག་ཉེ་ས་ཚིགས་སྤྱི་ལེ206དང་།ཐག་རིང་ས་ཚིགས་སྤྱི་ལེ35973རྒྱུ་སྐར་འཁོར་ལམ་གྱི་གཞོལ་ཟུར་ཏུའུ26.1བཅས་ཀྱི་སའི་གོ་ལའི་མཉམ་བགྲོད་སྤོ་སྒྱུར་རྒྱུ་སྐར་འཁོར་ལམ་ཐོག་འཕྱུགས་པ་མེད་པར་འབྱོར་ནས་འཕེན་གཏོང་ལས་དོན་ཕུན་སུམ་ཚོགས་པོའི་ངང་ལེགས་འགྲུབ་བྱུང་བ་རེད།
ད་རེས་ཀྱི་འཕེན་གཏོང་ལས་འགན་དེ་ནི་ཀྲུང་གོ་དང་ཧྥ་རན་སི་ཕྱོགས་གཉིས་པོས2008ལོར་བཞག་པའི་སྲུང་སྐར་འཕེན་གཏོང་ཞབས་ཞུའི་གན་རྒྱ་གཞིར་བཟུང་ཀྲུང་གོ་འཇིག་རྟེན་འཕུར་སྐྱོད་ཚན་རྩལ་ཚོགས་པ་ཀུང་སིའི་ཁོངས་གཏོགས་ཀྱི་ཀྲུང་གོ་ལྕགས་རི་རིང་པོའི་བཟོ་ལས་སྤྱི་ཁྱབ་ཀུང་སི་དང་།ཀྲུང་གོ་སྐྱེལ་འདྲེན་མེ་ཤུགས་འཕུར་མདའ་ལག་རྩལ་ཞིབ་འཇུག་ཁང་།དེ་བཞིན་ཀྲུང་གོ་སྲུང་སྐར་འཕེན་གཏོང་ཚད་ལེན་ཚོད་ལྟ་མ་ལག་པུའུ་བཅས་ཀྱིས་ཐུན་མོང་ཐོག་མཉམ་ལས་བྱས་ནས་ལག་ལེན་བསྟར་བ་ཞིག་རེད