དཔའ་བརྟན་རྒྱལ། མཚོ་སྔོན་བོད་སྐད་རླུང་འཕྲིན། 2011-09-23
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།ཀྲུང་གོ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཅ་ཆིན་ལིན་གྱིས་ཚེས20ཉིན་མི་དམངས་ཚོགས་ཁང་ཆེན་མོའི་ནང་སི་ལའོ་ཝུན་ཉིའི་ཡའི་རྒྱལ་དམངས་ཨུ་ཡོན་ལྷན་ཁང་གི་ཀྲུའུ་ཞི་ཁཱ་ཧྥུའུ་ཆི་ཆི་ལ་མཇལ་གནང་། ཅ་ཆིན་ལིན་གྱིས་བསྟན་དོན། ཀྲུང་གོ་དང་སི་ལའོ་ཝུན་ཉི་ཡ་རྒྱལ་ཁབ་གཉིས་བར་ལ་སྲོལ་རྒྱུན་གྱི་མཛའ་བརྩེ་ཟབ་མོ་ཡོད་པ་དང་ཉེ་བའི་ལོ་འགའི་རིང་ལ་རྒྱལ་ཁབ་གཉིས་བར་གྱི་འགྲོ་འོང་ཇེ་མང་ལ་སོང་ནས་ཆབ་སྲིད་ཀྱི་ཐད་ནས་ཕན་ཚུན་ལ་ཡིད་ཆེས་བྱེད་ཤུགས་གཏིང་ཇེ་ཟབ་ལ་སོང་། ཉོ་ཚོང་དང་རིག་གནས། སློབ་གསོ། ཚན་རིག་ལག་རྩལ། གནས་སྐོར་སོགས་ཁྱབ་ཁོངས་ཀྱི་མཉམ་ལས་གཞི་རྒྱ་ཇེ་ཆེར་སོང་ནས་རྒྱལ་སྤྱིའི་ཕྱོགས་མང་པོའི་ལས་དོན་ཁྲོད་དུ་མཐུན་སྦྱོར་བཟང་བོ་རྒྱུན་འཁྱོངས་བྱས་ཡོད་ལ། ཀྲུང་གོ་ཕྱོགས་ཀྱིས་སི་ལའོ་ཝུན་ཉི་ཡ་ཕྱོགས་ཀྱིས་ཀྲུང་གོའི་སྲིད་ཇུས་ལ་འགྱུར་མེད་སྒོས་རྒྱབ་སྐྱོར་བྱས་པར་བསྟོད་བསྔགས་བྱས་པ་ཡིན། སང་ལོ་ནི་རྒྱལ་ཁབ་གཉིས་བར་ལ་འབྲེལ་བ་བཙུགས་ནས་ལོ་འཁོར20འགོར་བའི་ལོ་ཡིན་པས་ཀྲུང་གོ་ཕྱོགས་ཀྱིས་སི་ལའོ་ཝུན་ཉི་ཡ་ཕྱོགས་དང་མཉམ་དུ་ཕན་ཚུན་ལ་བརྩི་བཀུར་དང་འདྲ་མཉམ་གཉིས་ཕན་གྱི་རྨང་གཞིའི་སྟེང་ནས་ཉོ་ཚོང་དང་རིག་གནས་སོགས་ཁྱབ་ཁོངས་ཀྱི་མཉམ་ལས་འབྲེལ་བ་གཏིང་ཇེ་ཟབ་ལ་བཏང་སྟེ། ཕྱོགས་གཉིས་ཀྱི་འབྲེལ་བ་ཆུ་ཚད་གསར་བ་ཞིག་ཏུ་མཐོར་འདེགས་སུ་བཏང་ནས་རྒྱལ་ཁབ་གཉིས་ཀྱི་མི་དམངས་ལ་བདེ་སྐྱིད་བསྐྲུན་འདོད་ཡོད་ཟེར། ཁཱ་ཧྥུའུ་ཆི་ཆི་ཡིས་བཤད་རྒྱུར། སི་ལའོ་ཝུན་ཉི་ཡ་ཕྱོགས་ཀྱིས་ཀྲུང་གོའི་སྤྱི་ཚོགས་འཕེལ་རྒྱས་ཐད་ནས་བླངས་བའི་རླབས་ཆེན་གྲུབ་འབྲས་ལ་ཡིད་སྨོན་དང་ཀྲུང་གོ་རྒྱལ་ཁབ་ཀྱིས་རྒྱལ་སྤྱིའི་དངུལ་ལོར་ཉམས་ཉེན་སོགས་འཛམ་གླིང་རང་བཞིན་གྱི་ལས་དོན་གལ་ཆེན་ཐད་ནས་དུས་རྒྱུན་ནུས་པ་གལ་ཆེན་བཏོན་པར་ཁེས་ལེན་བྱེད་བཞིན་ཡོད་ལ། ཀྲུང་གོ་ནི་ནམ་ཡིན་ཡང་སི་ལའོ་ཝུན་ཉི་ཡའི་ཕྱོགས་ཀྱི་ཉོ་ཚོང་གྲོགས་པོ་གལ་ཆེན་ཡིན་པས། ཕྱོགས་གཉིས་ཀྱི་འགྲིམ་འགྲུལ་དང་ཐོན་ཁུངས། དངུལ་ལོར་སོགས་ཁྱབ་ཁོངས་ཀྱི་མཉམ་ལས་རྒྱ་བསྐྱེད་དེ་རྒྱལ་ཁབ་གཉིས་ཀྱི་འབྲེལ་བ་རྒྱུན་ཆད་མེད་པར་འཕེལ་རྒྱས་སུ་གཏོང་བར་ཡར་སྐུལ་བྱེད་འདོད་ཡོད་ཟེར། །
དོ་སྣང་ཆེ་བའི་རྩོམ།
རྩོམ་གསར། 10