རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ལིས་ཁི་ཆང་གིས་ཚེས19ཉིན་ཀྲུང་ནན་ཧེ་ཙི་ཀོང་ཀི་ནས་དབྱིན་ཇིའི་དབྱིན་ཇི་དང་ཀྲུང་གོའི་ཉོ་ཚོང་མཐུན་ཚོགས་ཀྱི་ཀྲུའུ་ཞི་པེ་ལི་ཞིན་ལ་མཇལ་འཕྲད་གནང་།

ལིས་ཁི་ཆང་གིས་དབྱིན་ཇི་དང་ཀྲུང་གོའི་ཉོ་ཚོང་མཐུན་ཚོགས་ཀྱིས་ཀྲུང་གོ་དང་དབྱིན་ཇིའི་དཔལ་འབྱོར་ཉོ་ཚོང་འབྲེལ་བར་སྐུལ་འདེད་བྱེད་པའི་ཐད་འབད་བརྩོན་བྱས་པར་གཟེངས་བསྟོད་མཛད། ཁོང་གིས་གསུང་དོན། ཀྲུང་གོ་དང་དབྱིན་ཇི་ཕྱོགས་གཉིས་ཀྱིས་མཉམ་དུ་འབད་བརྩོན་བྱས་འོག རྒྱལ་ཁབ་གཉིས་ཀྱི་ཁྱབ་ཁོངས་སོ་སོའི་དངོས་གཉེར་མཉམ་ལས་ལ་ཕྱོགས་ཡོངས་ནས་སྐུལ་འདེད་ཐེབས་པ་དང་། ཕྱོགས་གཉིས་ཀྱི་འབྲེལ་བ་བདེ་བླག་ངང་འཕེལ་རྒྱས་སུ་གཏོང་འདོད་ཡོད་ཅེས་གསུངས།

ལིས་ཁི་ཆང་གིས་བསྟན་དོན། ཀྲུང་གོ་དང་དབྱིན་ཇི་རྒྱལ་ཁབ་གཉིས་འཕེལ་རྒྱས་ཀྱི་དུས་རིམ་དུ་གནས་པ་དང་། ཉོ་ཚོང་དང་ཕན་ཚུན་དངུལ་གཏོང་ལ་ཁ་གསབ་རང་བཞིན་ངེས་ཅན་ལྡན་ལ། མཉམ་ལས་ལ་སྦས་ཤུགས་ཆེན་པོ་ཡོད་ལ། ཕྱོགས་གཉིས་ཀྱིས་ཧུར་ཐག་སྒོས་ཁེ་ལས་ཀྱི་མཉམ་ལས་ལ་ཆ་རྐྱེན་སྐྲུན་ཏེ་མཉམ་ལས་ཀྱི་གཞི་རྒྱ་དང་ཕན་འབྲས་སྔར་ལས་ཇེ་བཟང་དུ་གཏོང་དགོས་ཞེས་གསུངས།

པེ་ལི་ཝེ་ཡིས་དབྱིན་ཇི་དང་ཀྲུང་གོའི་ཉོ་ཚོང་མཐུན་ཚོགས་ཀྱིས་མུ་མཐུད་དུ་ཀྲུང་གོའི་བྱེད་སྒོར་ཤུགས་སྣོན་བྱས་ནས། ཧུར་ཐག་སྒོས་དབྱིན་ཇི་དང་ཀྲུང་གོའི་དཔལ་འབྱོར་ཉོ་ཚོང་འབྲེལ་བ་བརྟན་འཇགས་ངང་འཕེལ་རྒྱས་སུ་འགྲོ་བར་སྐུལ་འདེད་གཏོང་རྒྱུ་ཡིན་ཟེར། །