གསར་འགོད་པས་བོད་ལྗོངས་འཕྲོད་བསྟེན་ཐིན་ནས་ཤེས་རྟོགས་བྱུང་གསལ། ཉེ་བའི་ལོ་ཤས་རིང་བོད་ལྗོངས་ཡོངས་སུ་ཐ་མག་འཐེན་རྒྱུ་ཚོད་འཛིན་བྱེད་པའི་ལས་དོན་ཏན་ཏིག་ངང་ཡག་པོ་སྒྲུབ་ཆེད། ཐ་མག་འཐེན་རྒྱུ་ཚོད་འཛིན་བྱེད་པའི་འཕྲོད་བསྟེན་པུའི་ལྟ་སྐུལ་མཛུབ་ཁྲིད་ཚོགས་ཆུང་གི་མཛུབ་ཁྲིད་འོག་རང་ལྗོངས་ཀྱི་ཐ་མག་འཐེན་ས་མེད་པའི་སྨན་བཅོས་འཕྲོད་བསྟེན་སྒྲིག་གཞི་འཛུགས་སྐྲུན་བྱ་རྒྱུར་སྐུལ་འདེད་ཤུགས་ཆེན་བཏང་བས། ཐ་མག་འཐེན་མི་ཆོག་པའི་ལས་དོན་ལ་ངོ་བོའི་རང་བཞིན་གྱི་གྲུབ་འབྲས་ཐོབ་ཡོད། སྤྱི་ཟླ7པའི་ཟླ་སྟོད་བར་བོད་ལྗོངས་ཀྱི་ཐ་མག་འཐེན་རྒྱུ་ཚོད་འཛིན་བྱེད་པའི་ལས་དོན་རྣམ་གྲངས་ལག་བསྟར་བྱ་ཡུལ་ལྷ་ས་དང་ལྷོ་ཁར་ཐ་མག་འཐེན་ས་མེད་པའི་ཚན་པ19གཞི་རྩའི་ཆ་ནས་གཏོད་པ་དང་ཁོངས་གཏོགས་ནང་དུ་ཐ་མག་འཐེན་མི་ཆོག་པའི་ལས་དོན་ལ་སྔར་བས་སྲ་བརྟན་དང་འཕེལ་རྒྱས་བཏང་ཡོད་པ་རེད།